Ke Alakai o Hawaii, Volume IX, Number 22, 10 September 1936 — AOLE I HOOKOHUIA KA LUNAKANAWAI HOU ANOAI MAMUA ANA PAHA O KA LA KOHO BALOTA [ARTICLE]

AOLE I HOOKOHUIA KA LUNAKANAWAI HOU

ANOAI MAMUA ANA PAHA O KA LA KOHO BALOTA

Me he la, e hookohu ia mai ana ka Lunakanawai hou ma kahi o Lunakanawai Norman D. Godbold i make, o ka aha kaapuni o Honolulu nei, mamua o ka la koho balota iloko aenei o Novemaba, oia maoli no na mea e hoomaopopo ia nei i keia manawa.

Ua hoomaopopoia keia mau mea e na lunanui o na keena hookolokolo ma Wasinetona, no ka mea, aole he manawa e loaa ana i ka lunakanawai kiekie ame ka Peresidena e kuka pu ai a hiki i ka pau ana o na hana kalaiaina. Eia na Lunakanawai 15 ka aha kiekie ame ke keena o ko na aina e, ke maopopo ole nei ia la.ua iho i kf? mea e hana ai, ame ka maopopo pu ole ana ia laua ka misiona a ka Lunakanawai Kiekie o ka Aha Kiekie o Hawaii, Mr. James L. Coke, oiai oia ma Amenka nei i keia la, a e holo loa mai ana oia no Wasinetona nei, no ka hoomaopopo ana i ka hookohu lunakanawai kaapuni hou no ka Teritore. E olelo pu ana na 'keena hookolOkolo ma Wasinetona aole e noonoo ia ana ka inoa o lunakanawai apana Louis le Barori no keia kulana. Ua maopopo ia lakou o na inoa ikaika ma Honoiulu oia no o Ernest K. Kai ame Gerald Corbett, a ke kakoo ia mai nei keia mau inoa e na luna aupuni Teritofe o Hawaii ame na luna aupuui Kalana. Nolaila, aole he mau hooia maopopo ana no ka hookohuia ana o kekahi lunakanawai hoū ma ke kulana a hiki mai i ka wa e pau ai o na hana koho balota iloko aeiiei o Npvemaba.