Ke Alakai o Hawaii, Volume IX, Number 18, 13 August 1936 — NA KE KIAAINA PAHA E WAE KE KANAKA E KAKAUINOA ANA NA DEMOKARATA I KEKAHI INOA E HAAWI ANA KA PAPA HOOKO I KE KAKOO ANA IA KAI [ARTICLE]

NA KE KIAAINA PAHA E WAE KE KANAKA

E KAKAUINOA ANA NA DEMOKARATA I KEKAHI INOA

E HAAWI ANA KA PAPA HOOKO I KE KAKOO ANA IA KAI

Ua lohe ia aenei na aoao apau e'pili ana i ka waiho inoa ana aku i Wasinetona, no kekahi mea e hoopiha aku ai i ka hakahaka o ka noho Lunakanawai o ka aha kaapuni ekahi ma kahi o ka Lunakanawai Godbold i make; elike me ia i hoikeia ae mawaena o na kanaka kalaiaina Demokarata, oiai ka papa kuwaena e makaukau ana i kana inoa e apono ae ai a waiho aku imua o ke Kiaaina. Ua hooholo ae ka Ahahui o na Loio i kela pule aku nei ma ka lakou halawai kumau ana, i ka inoa o Gerald Corbett kokua ekahi o ke keena o ka Loio o ka Lehulehu, ame ka inoa o Mr. Ernest K. Kai, luna hooia o ka lehulehu o ka Teritore, a i keia wa e paa nei i ke kuiana Puuku o ka Teritore no ka manav/a, no ua kulana Lunaljftnawaj la, Ke manaoiana ia nei no hoi, e hana ponoi ana no ke Kiaaina i kana wae ana i kana inoa e apono ai, a waiho aku i Wasinetona, ma keia huli hoi ana mai ana. E huH hoi mai ana oia i na pule hope o keia mahina. Ua ikeia e alakai ana o Mr. Kai j ke koho ana a na hoa o ka papa kuwaena raa

j ka lakou halawai ana o kela ;pule aku la. Mawaho ae o |jna lono i lauahea ae, la ho[ike ia ae na manao lokahi o na kanaka loio ame na poo ; kalaiaina o ka aoao Demo|karata, aole i maopopo i keia manawa owai ana la ke r kanaka e hookohuia ana ma ;ke kulana, a aole no i maopopo kekahi mea no ia kulana.

O kekahi moho i hoomaopopo ia ae i keia manawa, oia no ka in.oa o ka Lunakanawai wahine o Kauai, Garrick Buck. Ma kekahi lono e olelo ana, ua haawiia āku ia Lunakanawai Louis le Baron ka noho lunakanawai o Kauai. Ua hooie mai ka lunakanawai i ka ae ana mai i ka oiaio o keia lono, a aole no hoi oia e hoike mai ana i kona manao maluna o ia TJuhou;

Ina paha i haawi mai ka Lunakanawai Lous Le Baron i kona apono ana no keia hoololi i manao ia nona. alaiia, e hpoioli iā mai ai ka Lunakanawai o ka Apana o Hilo» Mr. Norman D. Godbold, Jr., no ka aha hookolokoio apana o Honolulu nei, wahi a na lono lauahea i lohe ia ae.

Ina e īioololi ia mai ana ka lunakanawai wah i n e Garrick Buck no ka aha kaapuni ma Honolulu nei, alaila, e haawi ia ana iaia ka aha oki-mare ame ka aha o na keiki opiopio oo oie, a e hoonee ia aku ka Lunakanawai Francis M. Brooks no kekahi aha kaapuni o na hihia kāraima ame kivila.

E hoike ana no o John H. Wiiaon i kona manao, aole oia e īeue ana i ka inoa o Garrick Buck, ina e haawi ia ana iaia kekahi aha kaapuni 'ma ke kulanakauhale nei. A e hoao no oia e hapai hou ae ia Mr. Aehi i lunakanawai no ka aha kaapuni o ka mokupuni o Kauai, kona kulana mua i paa ai no kekahi mau makahiki aenei i hala.

Ina e lilo i'o ana ai Mr. Kai ka hookohu lunakanawai o ka aha kaapuni ma kahi o Lunakanawai Godbold i make. alaila. e kakoo ia ana ka inoa o Mr. Corbett e na kanaka kalaiaina o ka aoao Demokarata o ka aina nei ma kahi o Mr. Kai, ma ke ano he luna hooia nui no ka lehulehu no ke aupuni Teritore.