Ke Alakai o Hawaii, Volume IX, Number 18, 13 ʻAukake 1936 — NOHO MAU NO KA HAU IA LUNA O MAUNA KEA HOIKE MAI LA NA PALAKA MOKULELE MA KA RADIO [ARTICLE]

NOHO MAU NO KA HAU IA LUNA O MAUNA KEA

HOIKE MAI LA NA PALAKA MOKULELE MA KA RADIO

Oiai no o Honolulu nei e noho ana iloko o ka wela a ka la, aia hoi na ohua maluna o na mokulele o ka hui mokuahi holo piliaina e lele ana no Hilo, e alawa iho ana maiuna o na kuahiwi o Mauna Kea e, uhi paa ia ana e ka Hau.

He malie ioa keia la a makou e lele nei, a ke waiho kala'e mai la na kuahiwi ame na kualono o ka aina me ka mala'ela'e loa ame ka nani; a o ka nani hoi o ua kuahiwi kahiko kaulana nei e waiho ae ana ia me he ipo manuahi ala, e uhi paa ia a ana e ka Hau a hala loa aku ilalo o na kahua aina panoa;” wahi a Kapena Cahrles L Ēiliott o ka mokuiele i hoouna mai ai i kana radio i Honolulu nei, ma kona ano he poo pailaka no na mokulele o ka hui InterIsland Airway, i ka wa a kona mokulele i kau pono ae ai maluna o Pepeekeo, mai kela huli mai no o ka aina o Hamakua.

"O ka ehiku keia o na makahiki a'u e lele nei maluna o ka mokupuni o Hawaii nei, aole loa au i ike i ka uhi paa ia o Mauna Kea e ka Hau elike la me keia; o ka makamua loa keia a ko'u mau maka i ike ponoi ai i ka uhi paa ia o ua kuahiwi la e ka Hau iloko o ka mahina o Augate;” wahi ana i hoomau mai ai i kaua hoike ma ka radio.

"O ka haule ua o ka po nei ame keia kakahiaka nui, na mea nana i hoaahu mai i ka Hau a hiki aku maluna o ke kiekie'na o 10,000 kapuai ua kuahiwi nei, a oia paha ka'u e olelo ae ai, he kau anu no keia iioko no o na mahina wela o Hawali nei.”

"Aole o ka malihini wale no o ka uhi ia ana o Mauna

Kea e ka Hau iloko o ka mahina o Augate nei, aka, he nani hoi kau ma na ano apau me he kohu kihei-pili la i uhola ia iho maluna o Kea, a he hu'ihu'i hoi kona e hiki ai no ia kaua ke helewale me ke kuka ole; a na ka paa pu o ke kuahiwi me ka Hau i kipaku mai i na.holoholona apau no lalo loa o ka-honua a maluna o na aina panoa. O kona a-na anu iloko o ka lewa a makou e lele ana, he 49 degere, o ke kiekie o ke kuahiwi a ka Hau e uhi iho ana he l 0,075 kapuai no ia, a he nani hoi ka waiho ana ae a ka aina malalo o makou,"