Ke Alakai o Hawaii, Volume IX, Number 17, 6 August 1936 — NO HAWAII NEI I KEIA MAKAHIKI AE NAWAI NO E OLE KA HOOHIHI IA HE U'I MAOLI NO ILOKO O MEI AENEI E HIKI MAI AI I HAWAII NEI [ARTICLE]

NO HAWAII NEI I KEIA MAKAHIKI AE

NAWAI NO E OLE KA HOOHIHI IA HE U'I MAOLI NO

ILOKO O MEI AENEI E HIKI MAI AI I HAWAII NEI

Ina paha e ana elike me na mea i manao ia, alaila, e hiki mai ana no Hawaii nei ke hiki aku iloko o ka mahina o Mei aenei, M. H. 1937, ka ahahui o na Lunakanawai, na Loio, na Makai Nui ame na kanaka makai apau o Kaleponi ame Amenka Akau, no ka hiki ana mai i ka halawai makahiki a ka Oihana Makai o Amerika e malama ia ana ma Ilonolulu nei, elike me ka hoike a ka maka'i kiekie Gabrielson, ma keia huli hoi ana mai nei ana, ua noi mai na Makai Kiekie o Kaleponi iaia e malamaia ka halawai & ka ahahui o keia makahiki ae ma Honolulu nei. O kekahi mea nana i hoopiha nui mai i ke ohohia ia o keia halawai makahiki a ka O'ihana Makai o Amerika ma Honolulu nei i keia makahiki ae, ke komo pu ana mai me ka oihana makai o ka aina o Mekiko, na Lunakanawai, na Loio', na Kapena Makai, na Hope Makai Kiekie ame na kanaka Makai maoli, i oi aku ko lakou

heluna nui maluna o ka hanerl, a e lawe pu mai ana lakou i na kaikamahine laeula ma ka hula ana. Ua manao ia,, ina e holopono āna keia manao, e hoopih» ia ana he elua mau mokuahi nunui no ka lawe ana mai i keia puali nui o na kanaka Makai o Amerika no Honolulu nei, a e hoohala ia ana e lakou he hookahi pule a oi mamua o ko lakou huli hoi ana aku. O ke kumu nui mai nae o keia mau manao ohohia e holo mai no Hawaii nei, a e malamaia keia halawai makahiki ae a keia Ahahui o na kanaka Makai o Amerika, ma Hawaii nei, ame ke pu ana mai la a na kanaka Makai Mekiko e holo pu mai ma keia huakai no Hawaii nei, mamuli no ia o ka hiki ana aku nei o na keiki Hawaii himeni o ka Oihana Makai o Honolulu nei, a i ko lakou lohe ana mai nei i ka leo hoene o na keiki Hawaii ame ka uw ? ehone o ke kaula-kila, hana pono ole hoi katu o ka hoohihi ame kā moe pono ole o ka po. Nul ka mahaloia o na h&na hoolaule'a a na keiki Ha'waii Makai ma keia halawai i malamaia mai nei'ma ke kalana o Alameda, Kaleponi, a ua hoopaa mai nei no mau hoaloha e hui hou mai ana no lakou.