Ke Alakai o Hawaii, Volume IX, Number 16, 30 July 1936 — NOHO KE KIURE O KA HIHIA O KA MAKE ANA O KALUAHINE HOOMAKAIA KA WAEIA ANA O NA KIURE [ARTICLE]

NOHO KE KIURE O KA HIHIA O KA MAKE ANA O KALUAHINE

HOOMAKAIA KA WAEIA ANA O NA KIURE

I ka Poakahi aku nei. lulai 27, i ka hora 9 o ke kakahiaka, i noho ai ka aha kaapuni a Lunakanawai H. Ē Stafford, no ka hihia o Toa Fa!l, William Walhvork ame Telemu Leasau. i hopu ia ai he mau pule lehulehu i hala aenei, ame Robert Auelua, a i kamaaina iā ma ka inoa o Robert Lua, no ke kaki o ke degere elua o ka pepehi kanaka e pili ana i ka make ana o Raymond Kaluahine, i ka la 5 aku nei o Mei. Ma lee kauoha a ke kakauoleīoL p ka aha Mr. Geor£e , *R. Clark, ua akoakoa mai he 26 ka nui o na keonimana kiure i waeia, no ka nieniele ia ana e na loio i ko lakou kupono e noho ma ua hihia la. I ka la 3 iho nei o lulai, i ae pono aku ai o Robert Lua i kona hewa, me ke apono ana mai a ka aoao aupuni. a Ua manaoia e lawe ia ana oia ma ke ano he hoike no ka aoao o ke aupuni. a e kue ana hoi he ekolu mau kanaka i hookau pu ia aku ai o ke kaki o ka pepehi kanaka ma ke degere elua. Na Edward N. Sylva. kokua ekahi o ka loio o ka !e--hulehu, nana e lawelawe ana* na hana imua o ka aha no ke aupuni. E kupale ia ana o Hall e ka lunakanawai William R. Lymer, a na ka loio Edward A. o'Coner e kupale ana no Wal!work ame Leasau. Ua hookuu ia o Lua malalo o ka bona o

$1,000. O kona hoopa'i he 10 makahiki hoopaahao maloko o ka halepaahao o ka Teritore, aka, e kali ia ana no nae ka hooko ia ana a hiki i ka wa e pau ai o keia hihia a e maopopo ai. Ua hookuu ia aku o Wallwork ame Hall malalo o ka bona o $2,500 dala pakahi, a no ka loaa ole ana o ko Leasau bona, ke paa ia nei no oiā ma ka halepaahao o ke kalana.