Ke Alakai o Hawaii, Volume IX, Number 16, 30 Iulai 1936 — OPUKAHAIA MAI KA PENI MAI A BENJAMIN N. KAHALEPUNA [ARTICLE]

OPUKAHAIA

MAI KA PENI MAI A BENJAMIN N. KAHALEPUNA

(Hoomauia) Aloha no. Ehia o ia poe e ola nei? Mamua o ko'u hooki ana, he mea pono no'u ka haawi ana aku i na hoomaikai ana i kekahi o na Makua Misiona i hiki mua mai i Hawaii nei, a i haumia ole hoi na lima iloko o na hana pakaha a i makaleho hoi ia Hawaii, a oia no na Makua E. W. Duaita, ka Makua L. Laiana, ka Makua Laimana, —a ma keia ke panee nei au i kekahi o na mele i hakuia e ka Makua Laiana (L. Lyons) e pili ana no Hawaii, a penei:. 1. E Hawaii e kuu aina hanau e; Kuu home kulaiwi nei; Oli no au i na pono lani ou; E Hawaii aloha e: Hui: E Hauoli e na opio o Hawaii nei; Oli e,— Oli e,— Mai na aheahe makani e pa mai nei, Mau ke aloha no Hawaii. 2. E ha'i mai i kou mau kini lani e; Kou mau kupa aloha e Hawaii, Na mea olino kamahao no luna mai, E Hawaii aloha e. Na ke Akua e malama mai i ia oe, Kou mau kualono aloha nei, Kou mau kuahiwi olinolino no, Me kou mau malapua e, Hui: E hauoli e na opio Hawaii nei, Oli e,— Oli e,— Mai na aheahe makani e pa mei nei, Mau ke aloha no Hawaii, Me oe e ka lunahooponopono ame kou. mau hoa oniu hua kepau, ko'u welina ana. Kaua no a mau, B. N. Kahalepuna, Honolulu, Hawaii. Iulai 6, 1936.