Ke Alakai o Hawaii, Volume VIII, Number 3, 30 April 1936 — HAAWIPIO KA LAHUI ETIOPIA E HAAWI HOOLAULE'A ANA NA ITALIA MA ADDIS ABABA E LAWEPIO MAI IA ETIOPIA KONA UKU I ANOAI AI [ARTICLE]

HAAWIPIO KA LAHUI ETIOPIA

E HAAWI HOOLAULE'A ANA NA ITALIA MA ADDIS ABABA

E LAWEPIO MAI IA ETIOPIA KONA UKU I ANOAI AI

GENEVA, Apei-ila 20.—1 keia la i hoike aka ai o Ttalia i na luna aupuni nui o Etiopia, ua makaukau loa lakou e lawe aku ia Ētiopia malalo o ke kuleana o ka lawepio ana mai iaia ma ke āno he pio mai ke kahua kaua māi. Ua hookomo ia aku keia koi e Kenera!a Pompeo Aloisi o Ita]ia, mahope iho o ka hoike ana mai ā ke komite 'o ka aha uwao aole i haawipio mai o Etiopia i keia manawa, alail'a, ua hoomaka mai la ka Emebasaloa o Beritania, 'Anthony Eden, e waiho i kekahi mau hoohalahala i ke aupuni o Ttalia, mamuli o ko lakou hoohana ana i na poka pahu ealaau make.

Aole i hoole mai ka Barona Aloisi i ka hoohana ana a na kanaka koa o Italia i keia poka ea-laau make, aka, e olelo ana oia aole he kuleana o keia aha uwao e komo

pono ana o ke kahua kaua, 110 ka mea, ua hoouka ia ke kaua a ua haulepio o Etiopia o ka ninau nui i keia manawa, i mea e loaa ai ka maluhia mawaena o ītalia ame Etiopia, he mea pono e kamailio ia maluna o ke ano o ka hooponopono ia ana o na koi apau a Italia maluna o

Eiiopia, ka aoao i haulepio. "Nolaila," wahi a ka Barona Aloisi i hoomau mai ai: "O ka hana i oia no ka noonoo ana maluna o ka ninau maluhia, i ole ai e ulu hou mai na hoolala kaua ana a Etiopia," O keia pane a ka Barona Kenerala Aloisi o Italia, e hoike aku ana no ia i ka Emebasadoa Anthony Eden i kona mau manao oiaio maluna o keia mau olelo a ka Emebasadoā Eden i pane hoinoino aku ai ia Italia, a ua like no me ka mea e pakike aku ana iaia.

Aiaila, i ka loaa ole ana o ka holopono mawaena o ka Emebasadoa Eden ame ka Barona Aloisi o Italia, alaila, e loaa ole ana no ka maluhia mawaena o Ēliopia anie Ilalia, a e ho?aau ia aku ana no keia kaua ana o keia mau aupuni a elua a hiki aku i ka manawa i maopopo oie au a i ka manawa paha a Beritania ame Italia e halawai pu ai-maluna o ke kahua kaua.