Ke Alakai o Hawaii, Volume VIII, Number 43, 5 March 1936 — HAAWI PIO NA IAPANA KIPI A PAU LOA EHA O NA ALIIKOA I LAWE AE I KO LAKOU OLA NO KA HANOHANO O KA INOA I HANA AI PELA [ARTICLE]

HAAWI PIO NA IAPANA KIPI A PAU LOA

EHA O NA ALIIKOA I LAWE AE I KO LAKOU OLA

NO KA HANOHANO O KA INOA I HANA AI PELA

TOKIO, Mar. I.—Ua hoopanee iho la ka halawai a ka papa kuhina i keia aiīina la, mahope iho o ka malama ia ana o kekahi halawai loihi mahope iho o keia i hoolaha ia ae ai kekahi hoike e olelo ana i ke kanalua ia o ka ulu ana o kekahi kipi kul-oko mai na pualikoa lapana ponoi mai. Ua hoomaopopo ia ae la e malama mau ia ana ka halawai a ka aha kuhina i kona mau halawai kumau ana i keia mau la aku, a hiki i ka manawa e ike ia ai o ka oluolu ana o na manao o na kanaka o ke kapitala, me ka hoolala ole 1 kekahi hana kukulu aupuni hou a hiki i ka manawa e hoopau ia ai ke kanawai koa me ka maikai ame ka hoohaunaele hou ole.

TOKIO, Mar. I—(Telepona ia aku i Nu loka i ka hora 1 o ke kakahiaka, ko Tokio manawa, Lapule.) Ua haawipio iho !a ke aliikoa hope !oa i keia la, mahope iho o ka lawe ana ae a ena mau aliikoa i ko lakou mau ola iho no ka hanohano o ko lakou mau inoa.

Mawaena o 30 ame 40 mau aliikoa i hoolohe aku i na a'o ana a ka Emepera ia lakou, e haawipio aku mala-

lo o na Kenerala kiekie o ka pualikaua holookoa o lapana. He hookahi o lakou i hoike ia ae ua kipoka iho no iaia iho, a he ekolu i oki iho no i ko lakou mau opu me ka pahi a hiki i ko lakou make ana. He eiwa haneri o na kanaka koa i hooko akīi i na kauoha ana a ko lakou mau aliikoa ponoi iho, i hoouna hou ia aku no ko lakou mau wahi hoomoana, no ke kakali ana heaha la na hoopa'i e hookau ia aku ana maluna o īakou. Mahope iho o keia haawipio ana a na koa kipi me ka maluhia, aia hoi, ua hoi hou mai ia na kulana maamau o na kapitala o lapana, oia hoi 0 Tokio ame kekahi mau kulanakauhale e ae, me ka loaa ole aīia aku i ke ao nei na nuhou e pili ana I ka liaāwipio ana a na kanaka kipi. Ka Haawīpio Ana O keia haawipio ana a na kanaka kipi mai ko lakou kulana ikaika mai, oia hoi ka home o ke kuhina nui, ua hoi hou ae la na ano mau o ka hale kau kanawai o lapana, a pau ae la ka ike ia ana o na koa e kiai aiia ma kona mau aoao. Lele ae la na mokulele mal'ina ae o na kahua hoomoana o na kanaka koa kipi, a hoolei iho la i na palapala i pa'i ia me na huaolelo moakaka e olelo ana : "Aole no oukou i lohi loa! Ua loaa do hē manawa e hoopakele ia ai o ko oukou mau ola. E haawipio! Aia kau wahine ame kau ohana keiki ke uwe ala nou!" Ua lele mau ae na mokulele maluna o na kahua hoomoana o na kanaka koa kipi, a hookuu iho la he mau baiuna-liiliiv i pahe ia me na uwea radio e olelo ana penei: "Ke kauoha ia aku nei oe e haawipio ma ka inoa o kou Emepera," He mau minute mahope iho o keia i haawipio ajeu ai na kanaka koa kipi elike me keia leo kauoha, Hul Pu Aku O Okada Me Ka Emepera Keiauke Okada, ke kuhina nui i pakele mai kona ola mai na kanaka mai e manao ana e pepehi iaia, ua ike ia oia raa ka pa'lii o ka Emepera i keia la, e kuka pu ana me ka Emepera Hirohito, Ua koho ia aku, o kana kumuhana i hiki aku ai e noonoo pu me ka Emepera, oia no ka waiho ana mai a kona aha kuhina i ko lakou mau kulana luna aupuni. Ke manaolana nei ka lahui lapana holookoa, me he la, o kekahi kanaka hou e hookohu ia aku ana no ka lawe ana i ke kulana kuhina nui no ke aupuni oia no kekahi o na kanaka aliimoku r kiekie, a i ole, o kekahi adimarala paha. O Kenerala Sadao Araki, ke kuhina kaua mua o lapana, ame Kenerala Jinzaburo Mazaki, aole 1 hoopuka ia ae ko laua inoa no keia kulana.