Ke Alakai o Hawaii, Volume VIII, Number 43, 5 Malaki 1936 — E KOHO IA ANA KA LUNAPAAHAO NUI HOU E KA PAPA AOLE O MATTHEWMAN KE KOHO IA ANA MALAILA [ARTICLE]

E KOHO IA ANA KA LUNAPAAHAO NUI HOU E KA PAPA

AOLE O MATTHEWMAN KE KOHO IA ANA MALAILA

Ma ka halawai hope ana aku nei a ka papa komMna o na paahao, ua hoike ae īa 0 Mrs. Spitz., kekahi lala ō ka papa i na kanaka kakau mea hou, me he la, e koho ia ana ke kanaka hou ma kahi o ka lunapaahao nui.mua Charles R, Welsh iloko o 10 a 15 paha la mai keia la aku? Ua hoike pu mai la oia, ua hookohuia o Joseph Ordenstein, kakauolelo o ka papa komisina i lunapaahao nui no ka manawa, i loaa ai he manawa maikai loa i ka papa komisina e noonoo ai no na palapala noi he lehulehu 1 waiho ia mai imua o ka jpapa; aka, ua hoike mai la nae I oia, e hookohuia ana ka luInapaahao nui hou iloko o ka manawa pokole loa ma keia mau la koke iho, O Lutanela Konela Hamilton Merrill, ka hope lunapaahao nui o ka halepaahao i keia manawa, e waiho iho ana oia i kona kulana i keia mau la koke iho, aole oia i hoopau ia, aka, e waiho ana oia no kona holo ana aku no Amerika no ke komo hou ana aku iloko o ke kula a'o koa. E haaleie iho ana oia maluna o ka mokuahi "Maloio" i keia mau la iho. No keia waiho ana iho la a keia kokua lunapaahao nui, i ka hana, ua haawi ia aku

la iaia he ekolu pule hoomaha me ka uku pu ia aku o ia mau pule, ma ke ano hoomaha, a ua apono pu ia aku iaia he ekolu mahina hoomaha.

O ka inoa o Louis K. Silva, kekahi lala Demokarata i koho ia ai no ka papa lunakiai i kekahi manawa aku nei. ua hapai ia mai'la kona inoa no ka lawe anā i ke kulana lunapaahao nui ma kahi o ka lunapaahao nui mua Mr. Charles R. Welsh.

No Mr. John A. Matthewman, kekahi lala o ka papa komisina o na paahao, a 0 ka inoa ikaika hoi i kāmailio nui ia ae ai i kā manawā e kue ia ana o ka inoa 6 Mr. Welsh, ua unuhi mai la oia 1 kona inoa, a ua haawi aku la i kana mau kakoo ana i kā inoa o Mr, Silva.