Ke Alakai o Hawaii, Volume VIII, Number 33, 26 December 1935 — LANAKILA IHO LA NA KOA ITALIA MAKE 500 ITIOPIA A 272 ITALIA MA KE KAUA O EKOLU LA O NA HOIKE KEIA I LOAA MAI NA HOIKE O KA AOAO O ITALIA [ARTICLE]

LANAKILA IHO LA NA KOA ITALIA

MAKE 500 ITIOPIA A 272 ITALIA MA KE KAUA O EKOLU LA

O NA HOIKE KEIA I LOAA MAI NA HOIKE O KA AOAO O ITALIA

ROMA, Dee. 18.—Ke hoike nei na pualikaua Italia i ko lakou lanakila ana maluna o na pualikaua o Ētiopia iloko o na la i hooilikaua ia ai he ekolu, ma na kahua aina Akau o Etiopia, oia hoi, ma ka aoao o Ka muliwai o Takkaze, a ua pau aku i ka make he 500 o np. kanaka Etiopia. He 272 ona kanaka Ilalia i make aku.

Ua hoomakaia keia kaua i ka la 15 aku nei o Dekemaba,, mawaena o Maitimehet ame Dembeguina, a ua pau hoi ke kaua ana i ka la 17 mai, ua like me ekolu la i hooili ia ai o keia kaua.

Ua lele kaua aku na pualikaua Italia maluna o na k_olamu o na pualikaua Etiopia. oiai iakou i huli mai ai a hoomaka iho ia na aoao a elua e hakaka lima maoīi, (a e hoike ana ke kanaka kakau nupepa ma keia wahi), o kekahi keia o na hakaka mana'ona'o loa a kona mau ma-

ka i ike ponoi ai. E paio ana lakou he lima a.he lima, me ns elau pu, ame na mea e ae no e loaa ana ia lakou; e hou aku ana a e hou mai ana me ka lakou mau elau pu, e ki aku ana a e ki mai ana, e lele liilii ana na kino ma o a maanei o ua muliwai la i ka wa e haule iho ai o na poka pa-hu mai ka lewa iho mai na mokulele mai; a o ke kulana o na mea hanu ola ma keia hana o ke kaua, me he holoholona la e 10-le ia ana e ke kanaka 10-le holoholona.

Ua hoomaopopo pono ia ka nui o na make o na Etiopia he 500, a pela pu me ko na ītalia. Ke luku nei na kaa pukuniahi ame na mokulele i na Etiopia 4 aka, ke nee mua mai nei no lakou me ka hopo ole, a no ia kumu, ua kauoha ia mai la na pualikaua Italia e huii hope aku no ka aina o Dembeguina.