Ke Alakai o Hawaii, Volume VIII, Number 29, 28 Nowemapa 1935 — KE KULANA O NA POOLA MA HAWAII NEI O KEIA MUA AKU [ARTICLE]

KE KULANA O NA POOLA MA HAWAII NEI O KEIA MUA AKU

Oiai ua pii ae ka uku o na poola 0 kakou mai ko lakou uku mua o kanaha keneka ā i ke kanalima keneka, ia wa hookahi no nae, aole e pono e lilo ia mea i mea n'ana e hoomakapo mai ai i ko kakou poe poola anie ko lakou mau alakai maanei a noke mau aku i ka hoao e hoopii mau ia ae ko lakou mau uku iluna.a like aku me ko na poola 0 ka aina makua, no ke kumu, e pono e lilo ia i mea maka'uia e ko kakou mau hoa limahana onei no keia kumu malalo iho. Oiai he mea maikai ka nui o ka uku i na wa apau a ma na hana apau no na limahana, aka, aole nae no ka'hana elike me keia ke ano, no ka mea, o lilo aku auanei ka pii ana o ka uku 0 ka hana poola i mea e huki mai ai i na poe poola 0 ka aina makua e holo mai i Hawaii nei ai.'i ko kakou poe poola a pilipu i ka paia mē ka lakou mau hana i kamaaina ia kakou ma na moo- ; lelo. . .... t ■ I keia mau la eia kekahi o ia poe i Honolulu ]?el, a ua ikeia|ihō ma na nupepa namu ka hoomaka ana 0 ia poe e hooulu koke no i ka lakou ano hana, aka, aole no i oole'a loa, aka, eia aku paha a hana i'o mai. Ina e hana mai ana keia poe i ka lakou hana me ka ikaika, he maopopo aku ana ka hopena o ka lakou hana, aka, ke maka'u e wale mai nei no keia wahaolelo, he hopena ino ke loaā mai ana. He mea oiaio, e maikai ana no kekahi o ka lakou mea a mau mea paha e loaa ana, aka, o ka hopena loa nae, i ka manao o keia wahaolelo, he awahia ka mea e loaa mai ana. Ē aho kahi hapa omoomo palaoa o keia wa mamua o ka nele loa aku ma keia hope aku ke hoea i'o mai koia Kopena a keia wahaolelo e maka'u nei, oia hoi ka holo mai 0 kekahi mau haneli o-ko ka aina makua poe poola 1 Hawaii nei a hooke aku i koonei poe poola i ka paia, a lilo ia lakou la ka palaoa a he nele iho ka ko kakou poe. He hooulu olohani mau kekahi hana a kela poe. Ua ano pono iki no paha ia hana ma Ame!ika kahi hookahi no lahui-ka hapanui, aka, ma Hawaii nei kahi nui o na lahui like ole, aole e holomua ia ano hana, no ka mea, he mea paakiki loa ka like o ia mau lahui mālalo o kekahi kumuhana hookahi e hapaiia ana* ina no na na lahui e lawelawe ana i ka hana hookahi, Ua ikeia keia inea i na wa i hala, a ua ike maoliia ka pilikia i kau iho maluna o ka poe i komo iloko o ia hana ame ko lakou ohana, me ka lanakila ole ana o ia mau hoao ana. Ko' hookukuia ae keia wa me kela mau wa i hala i ulu ae ai ia mau hana olohani, h.e oi loa aku keia o ka wa inoino loa, no ka mea he nui loa ka pilikia iloko nei o ka aina i keia wa mamuli 0 ka nele mai ika hana. Ina e ulu ae ana kela'ano hana i keia wa, a haule pa-hu, aole ana i kana mai ka pilikia o ko kakou mau poola ame ko lakou mau ohana. Nolaila, o ka oleloa'o a keia wahaolelo, e akahele ko kakou mau keiki poola, mai puni loa i na alakai ana a ka poe malihini mai waho mai. Ina e pilikia koonei poe poola maanei, aole 0 lakou wahi e holo aku ai. Ina e pilikia ka poe poola owaho mai ianei, e ku ae ana no lakou la a hoi i ko lakou wahi i hele mai ai. He hana keia na koonei poe kamaaina; nolaila, mai hookuu aku i kā manu iloko o ko oukou lima e lilo i ka poe maiwaho mai o pilikia auanei oukou ma keia hope aku ke hoaa mai nel 110 kekahi mau kaukani o ko ka aina makua poe pooli i keia wa, a i lawa a pii kupono ae ka uku o na poola onei i ko lakou manao ana, o ka pau mai no' ia o kekahi lehulehu 0 kolaila poe poola i ka liolo mai ianei e hookeke ai i ko kakou mau keikinpoola, a o ka hopena, e lilo ana ia lakou kekahi mau lumi.a nele iho kekahi poe o kakou, a i ole pau loa no paha ia !akou, a nele iho ko kakou mau keiki poola apau loa. Nolaila, e hana ana no me ka noonoo. Mai puni wale i na a'o lalau, oiai no nae paha, he ano maikai i ka pepeiao ke lohē aku, aka, he poino nae mahope aku.