Ke Alakai o Hawaii, Volume VIII, Number 22, 26 Kepakemapa 1935 — HOLO NA MOKUKAUA BERITANIA HAALELE IA LADANA NO KONA KAI O GIBRALTA MAKAUKAU MUSOLINI E KAUA AKU I KE AO HOLOOKOA [ARTICLE]

HOLO NA MOKUKAUA BERITANIA

HAALELE IA LADANA NO KONA KAI O GIBRALTA

MAKAUKAU MUSOLINI E KAUA AKU I KE AO HOLOOKOA

WASINETONA, Sept. 17, —Ua hoopihoihoiia ke komite o na pono kaua o ka Senate s i ka loaa hou ana mai 3a o kekahi lono o ke kaua ma Europa, a ua hoomakaukau iho la na komite nei he mau hoolala-manao ana a waiho aku iloko o- ka ahaolelo e noho mai ana iloko o ka mahina aenei o lanuari, o ka makahiS 1936, no ke komo ole ana aku o Amerika maloko o ke kaua.ana me Europa, ke hehi ole ia mai kona mau wawae. Ke hoike nei ifa komite o ka Senate. e hoao ana no lakou e hookomo aku i ka Jlakou olelo hooholo i hookomo mua ai no ko Amerika ku ana aku mawaho me ke ko-

mo ole aku ma kekahi kaua e lawelaweia ana ma Europa, inā e hoopoino ole ia ana na waiwai ame ke ola o na makaainana Amerika e noho ana maloko o na palena o na aina i kukalaia o ke kaua. A o kekahi manao o na olelo hooholo, e iiana pono aku ana o Amerika, aole e hoopoinoia kona māu aumoku kalepa waiwai e kaahele maluna o ka moana akea ame ke kipa ana aku ma ria| awa i kuka la kaua ae. ]

LADANA, Sept/ 17.-—Ua aneane e pau loa aku na aumokukaua o Beritānia i ka haalele iho i na awa o Ladana nei, a hol.o aku la no ua kai o Gibralta ame Mediterranean, no ka uhai ana aku mahope o ka meheu o n.a aumokukaua Italia i haalele ia ītalia he elua aenei la, wahi a kekahi o na mana keena kaua o Beritania i hoike mai ai i ka Nupepa Associat6d Press i la.

O ka loaa ana mai la o "keia nuhou, mai na poo aupuni mai no ia o Farani, e olelo ana ua hoike aku o Musolini ina e hooko ana o Beritania elike me kana i waiho aku ai imua o ka ahauwao i ka Poakahi aku nei, oia hoi, e hookapu ana i ka ana aku ia Italia a pela pu me ka hoonele ana aku iāia me na pono waiwai kalepa o na ano a pau, alaila> o ka manao ana o keia he kaua.

A wahi hou a Musolini i hoike hope ae ai: "Aole e lele kamoko wale aku ana o Italia maluna o kekahi mau mana e ae o Europa, aka, ina e hoao mai ana kekahi mana e kue mai ia Italia, alaila, o ka manao ana o ia, oia ho|, He kaua.