Ke Alakai o Hawaii, Volume VIII, Number 21, 19 September 1935 — HALAWAI PAEAINA A KA HOOMANA O KE AKUA MAU LOA LOAA NA MANAO OHOHIA I NA ELELE I HIKI MAI [ARTICLE]

HALAWAI PAEAINA A KA HOOMANA O KE AKUA MAU LOA

LOAA NA MANAO OHOHIA I NA ELELE I HIKI MAI

! Iloko aku nei oka hebe» doma mua o ka mahina o Augate, i noho ai ka halawai a ka Ahahui Paeaina o ka Hoomana o ke Akua Mau Loa o keia Teritore, m&lalo o ka Makua Nui o ka na, Rev. John Wise, ma ko lakou hale luakini ma Ala-; nui Mokauea, Kalihikai, Honolulu nei. a ua hiki mai na elele mai na mokupuni mai ap#ni ka Teritore nei, nona hoi ka huina nui i ikeia he ekolu haneri a oi aku. Mahope o na hana maamau o na halawai paeaina, ua heluheluia na hoike mai na elele like ole mai, a e hoike pakahi mai ana i ke ola o ko lakou mau kihapai pakahi iho, ka ikaika o ka nee mua ana o ua hana a ke Akua, e hooko a e lawelaweia ana e Kana mau kauwa. Ma ka hoike a ka puuku,

ua luluia he huina* dala nui no ka malama ana i na elele apau, ko lakou ola o ka noho ana ame ko lakou wahi e noho ai. Ua hoike mai la ka puuku, ua laweia mai na kokua manawalea a" na apana ame na mokupuni like ole mai apuni ka Teritore nei. a 0 ka oi aku o na manawalea i haawiia mai, mai ka moku-. puni mai op ia o Molokai, me hookahi tausani" paona poL . . ■ : '--'! Ua malamaia na elele ame > ko lakou mau ohana i hiki pu mai no ko lakou hanaiia | mai ma kekahi aoao o ka luakini maloko o kekahi hale-| pe' i kukuluia, a maloko olaila i kapiliia ai he mau pakaukau loloa no ka hoolako ana 1 na elele apau ī na meaai he ekohi manawa oka la. a o na komite i hookohuia ae, malalo no o ka lakou lawelawe hana ponoi ana i malamaia ai na malihini apau, a hiki i ko lakou huli hoi ana aku no ko lakou mau mokiipuni pakahi iho, a pela pu me na elele mai na kuaama mai o Oahu nei. " . q O ka leo kahea hookahi a na elele, e kukuluia i mau luakini hou ma na apana i nele i 'na luakini, no ka mea, o na apana o ka mokupum o Maui, he mamao loa kahi o na hoahanau e hele mai ai ,i ka pule, oiai f o na apana o Waihee, Waiehu ame Waikapu, e h6le mai ana lakou no Wailuku; a pela like no me na apana o Kaanapah, Honolua ame Honokohau, e hele ana lakou 1 no Lahaina. Ma ka mokupuni o Hawaii, mawaho ae o ka apana o Kohala hema, oia hoi o Waimea, ua loaa i na hoahanau kahi e akoakoa ai, aia ma kā apana o Kamuela, aka, o na apana o Hamakua, e hele ana na hoahanau no lalo o Waipio a i ole, ma ka apana o Hilo-Akau, oia hoi ma ka home hookuonoono o Papaaloa. _ Ma ka haiolelo a ka Makua Nui o ka ekalesia, ma ke anaina hope a na elele i maiamaia ai, e hoike ana oia, he manaolana kona, e ha'awi ana ka papa kahu waiwai o ka hoomana i na kakoo āha no keia mau leo noi a na elele, a me he la, i ka hoomaka ana o keia makahiki ae, e kukuluia ana he mau luakini hou ma na apana i ike maopopoia ka nele. Ua hoowaiwaiia na kihapai apau i ka pau ana aku la o kela makahiki aku nei, ma o na bapetizo i malamaia, ame ka hana kipa kauhale a na hoahanau no ka malama ana i na hana haipule ame na hana hoeueu a hoolana manao o ka lahui. 0 keia hana hope ae la, ua ike nui ia kona holomua loa, a no ka mea, ua loaa nui loa na hoaloha ma keia mau hana a na hoahanau no ka pono ame ka holomua o ke aupuni lani.

Ma na hoike i laweia mai imua o ka papa kahu, he nui loa na wahi a na hoahanau i kipa aku ai ma ke kulanakauhale nei, i loaa akn ia lakou na ohana iloko o ka noho'na ehaeha ana a ka ma'i i ke poo o ka ohana, a i ole, i kekahi o na lala o ka ohana.

Oiai na la o ka aha paeāina e noho ana» ua hookaumahaia ka manao, o na mea apau, mamuli o ke ola kino nawaliwali o ka Makua Nui o ka ekatesia Rev, John Wise, a ua hoopau pono iā nae na hana a ka aha paeaina e ke kokua kahu ka Makua Henry Peters, A 1 keia la nae, ua loaa hou ka laiiakija ikaikai ia Re%% Jobn Wia^ Hoopaneeīa na hana a ka aha paeaina iloko o kc ohohiaia ame ke kuilima pu.

Ua nonoi ia aku o Kiaaina Joseph B. Poindexter e na kahunapule o ka hoomana Roma, no ka hoihoi ana aku i ke kino lepo o ka Makua T)amien e waiho mai 'la ma Kaīawao, Moīokai. malalo o na noi ana mai nei a ka Moi I.eopolo o Bolegiuma; e noi ia ana na kokua a kajehulehu no ka l&we ana i na hoolihvt> ka hoouna ana aku maluna o ka moko.