Ke Alakai o Hawaii, Volume VIII, Number 59, 27 June 1935 — LOHE KE KIAAINA UA PAU O JONES O A.A. GREENE KE KIAAINA IA'U I KAAWALE MAI AI OLELO KA ELELE KING I KA MAIKAI OLE O KEIA MAU HANA [ARTICLE]

LOHE KE KIAAINA UA PAU O JONES

O A.A. GREENE KE KIAAINA IA'U I KAAWALE MAI AI

OLELO KA ELELE KING I KA MAIKAI OLE O KEIA MAU HANA

WASINETONA, lune 18. —Ua hoole ae ke Kiaaina i keia la, aoie oia i maopopo mua, a ua puiwa no hoi i kona hoikeia ana aku ua hoopauia o A. G, M. Robertson ma ke ano he lala no ka papa komisina o ka Hale Waī» ho Palapala Aupuni, a ua hoopau pu ia me Miss ; Maude Jones, ke poo o ka hale Waiho Palapala Aupuni. Mahope iho o kona kamailio ana: "O ka makamua kēia o ko'u lohe ana," ua hoole mai la ke Kiaaina ♦ kona kamailio ana maluna o keia mau inoa. , Ua ninau ia aku oia ina paha ua kakoo oia i keia mau hana, ua pane mai la oia: "O Mr. Greene ke Kiaaina i keia manawa," a mahope iho o kekahi manawa o ka noonoo pokole ana, pane hou mai'īā: "Ke hoomaopopo nei o Mr; Greene no kekahi lala o ka papa Aole ke e kamailio e pili ana no keia mea, no ka mea, aole au i ike i na mea i hanaia mai nei." Ua ninau ia aku ko ka Elele manao, a oia kana i pane mai ai: Ua kahaha oia, a ma kon'a noonoo ana, aole paha he pono o keia mau hana, Aoie loa au i maopopo i ke kumu o ka hoopauia ana mai nei o Mr. A. G. M. Robertson i kamaaina i ka hana no kekahi manawa loihi loa o kona noho ana he lala no keia papa a i kamaaina pu i na moolelo Hawaii apau loa. No ka mea e pili ana ia Miss Maude Jones, manao au aole paha e pono e hooliloia keia keena oihana i mea paani pekupeku wawae ia no na hana kalaiaina.'J