Ke Alakai o Hawaii, Volume VII, Number 3, 17 May 1934 — HE HOALOHALOHA NO KUU KANE HELE LOA [ARTICLE]

HE HOALOHALOHA NO KUU KANE HELE LOA

Mr. Lunahoopuka o ka Nupepa Ke Alakai o Hawaii, Aloha oe, E oluolu oe e hookomo iho ma kahi kaawale o ka kaua hiwahiwa i ke poo manao e kau ae la maluna i ike mai ai na kini makamaka o kuu kane aloha mai ka puka ana a ka la ma Kumukahi a ka welona a ka la i Lehua I ka po Poalua o ka pule i hala a ao ae ka Poakolu, la 28 i pauaho mai a kuu kane aloha Mr. Keawe Aiko Keliikanakaole i keia ola ana a hoi aku la kona uhane me: ka mea nana i hana. Ua hanauia kuu kaiie aloha ma Holualoa, Kona, Hawaii mai ka puhaka mai o Keliikanakaole ka makuakane ame Laepuni Kalikookalani ka makuahine i Malaki 11, 1872. Ua piha iaia na makahiki he 62 me na la he 17 o ke ola ana hala wale aku la. O kona ano, he kanaka hana, aole moloa; e hooikaika ana oia i ka hana i mea e pono ai ko makou noho ana. He kupa a he kamaaina oia no Kahana nei; he ike i ka poe klekie ame ka poe haahaa; he mahiai a he lawaia kana hana maamau, I ka 1899 liio oia he kilo i'a no Kahana nei no ka upena akule. Mai ia kulan.a mai oia ahiki i ka make ana o kona kupunakane Kaulahea; a i ka pii ana mai o kana moopuna Sam Pua Haaheo i lawaia no Kahana nei, ua koho mai la no laua iaia i kilo no ka laua upena. Ua kamaaina na poe apau iaia, a he puuwai hamama, he aloha i ka poe pilikia. Nolaila, owau ka wahine. i hooneleia i ke kane ame na: keiki i hooneieia i ka makuakane ole, ke haawi nei makou i ka makou mail hoomaikai i ka poe apau i laulima pu iloko o ko makou la kaumaha, o ia hoi o Sam Pua Haaheo i kau mau kokua aloha; Mr ame Mrs. Nick Peterson, ka olua mau aloha ia makou; ke haawi pu nei makou i na hoomaikai he nui i na poe apau i hiki mai no ke kumakena pu ana me makou; Mr. Ahuna no kau makana hiwahiwa hookahi puaa nui ; John Kalauao, no kau kokua ana mai i na paona poi; pela hoi i na lala o ka hui Manawalea, ame na poe no apau i haawi pu mai i ka lakou mau kokua; pela hoi me ka poe i ku kiai ; ka poe eli lua; ka poe hapai pahu. Ke noi nei makou i ka Makua Lani nana no e haawi mai i na hoopomaikai ia oukou apau loa. O makou no ka ohana; Mary Keliikanakaole, Edward P. Keawe, Arthur Keawe. O ka mea hana lokomaikai aku aolo oia e pono e hoomanae ia mea. me ka poe poola, ua lilo i mea ole. Ua olelo mai nae na mana aupuni, aolo e hiki i ka lehulehu ke hoopilikia no ka wa maopopo ole. Ina aole hiki ana ke hooponoponoia keia pilikia malia o lawe aku ke aupuni i ka hana o na uwapo iloko o ka poho o lima