Ke Alakai o Hawaii, Volume VII, Number 1, 3 May 1934 — KOI O AMELIKA IA IAPANA E HOOKAKA MAI Lawelawe Ke Keena Kalaiaina i Ke Koi Me Ka Ikaika Nui Loa [ARTICLE]

KOI O AMELIKA IA IAPANA E HOOKAKA MAI

Lawelawe Ke Keena Kalaiaina i Ke Koi Me Ka Ikaika Nui Loa

WAKINEKONA, Apr. 27. Koi aku la o Kakauolelo Elua William Phillips o ke keena kalaiaina i keia la ia Kuhina Mana Nui Saito no kona hoakaka piha mai maluna o na hoike i hoolahaia e pili ana i ka papahana hou a Iapana e pili ana no Kina.

Mamua o ka halawai ana iloko o ke keena kalaiaina me ke kanaka o Iapana, kuka o Phillips me Sir Ronald Lindsay, ke kuhina mana nui 0 Pelekane ame Andre de Laboulaye, 'ke kuhina mana nui o Palani. Malia o Hui Me Pelekane Aole i hoikeia mai na mea i hanaia iloko o kela mau halawai, aole i hooleia mai ka mea e pili ana i na hoikeia mai mamua aku e pili ana i ka hui aku o Amelika me Pelekane a hele pu aku imua o lapana ma ke ano oihana e hoomanao aku ia Iapana no kana mau hoopaa ana a aelike hoi malalo o ke kuikahi, o na mana eiwa e pili ana i kona kulana me Kina. Ua manaoia malia o hoouna pololei aku ke aupuni he leka i Tokyo a i ole e ao aku paha ia Kuhina Mana Nui Grew e hana ia mea.

Aole i kamailio mai o Kakauolelo Elua Phillips i kekahi mea e pili ana i ka halawai, aka ua olelo mai o Kuhina Mana Nui Saito ua hai aku oia ia Phillips aole i makemake o Iapana e hakihaki i kana aelike o na mana-ei-wa. Aka nae, olelo mai la o Saito, ke koi nei o lapana i ke kuleana e waiho i ka ma nao kuka me na mana-eiwa e hoolala nei e hoaie ia Kina a i ole e kuai paha iaia i na waiwai e manaoia ai he mau ponokaua. Hoike mai la na pohai o na luna aupuni i ke pihoihoi no ke ano o ka lapana haawi ana mai i ke akea i kona mau manao, maloko wale no o na manao nupepa. Ua manaoia he helu elua wale no keia mea ma ke ano nui i ka lapana mau koi he 21 ia Kina i ka 1915 a ke manao nei na luna aupuni'he pono ia e koi aku e hoakaka mai. Hoomau iho la no Kuhina Mana Nui Saito i ka hui ana me ka nupepa no ka hoike ana i kona mau manao mamua o ka hoao ana e hui me na luna aupuni a ua lilo ia i mea hoano e aku i ka manao o na luna aupuni LADANA, Apr. 27, —Ke hoaoia nei e loaa ke kokua a Amelika Huipuia no ka paio ana aku i ka papahana i hoolahaia mai a lapana e Quo Tai-ehi ke kuhina o Kina ma Pelekane, wahi a ka mea i hoikeia mai i kela la.

Hui aku la, o Kuhina Taiehi me ke Kuhina Mana Nui Robert W. Bingham e imi ana i mau hoakaka ana no ko Amelia nohe hamau ma Wakinekona ,e pili ana I ka Iapana kuahaua no kona alakai i ka Hikina Mamao.