Ke Alakai o Hawaii, Volume VII, Number 1, 3 May 1934 — E NOII PIHA ANA O ROOSEVELT I KE KULANA KOPAA [ARTICLE]

E NOII PIHA ANA O ROOSEVELT I KE KULANA KOPAA

WAHINEKONA, Apr. 27. —Kakauinoa iho la o Lunahoomalu Henru T. Rainey o ka hale o na lunamakaai nana i ka pila kopaa JonesCostigan i keia la a ke hele nei ia i ka Hale Keokeo no ke kakauinoa mai o Peresidena Roosevelt, i manaolanaia e hana kokeia ana ia hana.

Hoike mai la no nae ka Peresidena i ka ninauia ana aku i keia la, he makemake kona e heluhelu pono i ka pila mamua o kona olelo ana mai ina paha ua pono ole ia no Hawaii. Hoolala E Huli Pono Olelo mai la oia he makemake kona e huli pono mamua o ka hana ana. O ke kakauinoa aku o ka

Peresidena ka mea e komo nui mai ai na kue ia Kakauolelo Wallace ame na loea kopaa o ke keena mahiai e na puulu e hoao ana e loaa na mahele mahuahua no ko lakou mau aina kanuko a oi aku mamua o ka pila i hoomaopopo ai i keia wa ame kekaahi mau pono e ae. Ia wa hookahi eia na kiaaina o Hawaii ame Poko Liko ke hele la no Wakinekona no ka waiho aku i ko laua mau manao kue no ke kapakahi o ka mahele kopaa. No ke kue ana aia ka poe kanuko beet o Amelika ke hana la me ka ikaika no ko lakou pono me ka huki ana i na uwea maluna o na Solona no ke ko o ko lakou makemake.