Ke Alakai o Hawaii, Volume VII, Number 1, 3 May 1934 — HOAO KA ILIO I HOOLAIA E KE KAUKA E HELE [ARTICLE]

HOAO KA ILIO I HOOLAIA E KE KAUKA E HELE

BERKELEY, Kaleponi, Apr. 24. -O ka hoao kamahao a ke kanaka akeakamai o ke kula nui o Kaleponi e hoola hou i ka ilio mai ka make mai hoomauia iho la ia maanei i ka ilio ma'i, he wahi ilio liilii, e ola nei i hoao no nae e hele ahiki ole. O Kauka Rovert Cornish, ka mea nana e hoao nei i keia hana olelo mai la oia, ua ikeia ka ilio iloko o ke kulana hookahi me ka ilio hanau hou. Pepehi oia a make kokoke ae nei e elua pule i hala alaila hoao e hoola iaia me ka makelia iloko o ka ea i kapaia he oxygen ame ka pauma ana iloko ona i kekahi wai e hooikaika i ka holo ana o ke koko. I ka hoao ana o ka ilio e hele ahiki ole i keia la, olelo mai la o Kauka Cornish aole i maopopo iaia ina paha aole i poino na mea paahana o ka lolo e kana lawelawe ana. Ina aole elike ana ka mea e ikeia ana o keia ilio me ka ilio liilii, e hoao ana ke kanaka akeakamai i kekahi alahele okoa ae i kekahi mea hanu ola okoa aku.