Ke Alakai o Hawaii, Volume VII, Number 1, 3 May 1934 — HAIIA MAI KA EUEU O NA PIKO PAU IOLE MA WAIKIKI [ARTICLE]
HAIIA MAI KA EUEU O NA PIKO PAU IOLE MA WAIKIKI
Me kekanalua ole eia ka poe pico pau iole huna helehelena ke hoeu hou mai nei i ka lakou hana limahei ma ka apana o Waikiki pela ka nana aku ma na hoike e loaa ae nei i ke keena makai i keia mau la pokole i kaahope aku la. Ma na puka uwea makika ka hapanui o na hale e komoia mai mahope o ke okiia ana o ka uwea me k maalahi ame ka nakeke ole a palemo ana ke kolohe iloko oiai ka poe oloko e hookani ana i na oeoe o na pukaihu Ma kela kani o na ihu e hiki loa ai i ka poe aihue ke maopopo ua kaialoaia ka poe o ka hale i ka hiolani me Niolopua a hehee ka makau mai ia poe aku a he noke i ka ohi ka hana me ka lohe oleia oiai ua oi aku ke kani o na ihu o ka poe mamua o ka hehe a ka mea kolohe.