Ke Alakai o Hawaii, Volume V, Number 51, 20 ʻApelila 1933 — KAHEAIA NA AUPUNI APAU E AKOAKOA MA KA HALAWAI MA AMERIKA [ARTICLE]

Kōkua No ke kikokikona ma kēia Kolamu

KAHEAIA NA AUPUNI APAU E AKOAKOA MA KA HALAWAI MA AMERIKA

WAKINEKONA, Aperila 12. —Kaheaia aku la na lahui apau e paa nei i na kulana pili aupuni me Amareka e hoike mal l ko lakou mau manao maluna o na kumuhana i manaola e ulu mai ana ma ka halawai nui o ke ao, wahi a ke keena mokuaina i hoolaha ae al.

O na lahui e hoouna ole mai ana i mau elele ua manaoia iakou e hoike ae ana no iakou i ko lakou mau manao ma ke alahele maa mau ma ke kuka pu ana ae me ke keena kuloko ma Wakinekona.

Ia wa hookahi holke mai la ka Hale Keokeo ua makaukau o Peresidena Roosevelt e kuka pu maluna o rra kumuhana pili i ka honua holookoa me Kuhina Nui MacDonaid ame Edourd Herriot ia wa hookahi ina ua kupono ko lakou hiki ana mai, oiai no nae ua manao mua ia e oi ka pono o ke kuka kaokoa ana. Ma ke kamailio ana' e pili ana i na halawai e hoea mai ana olelo mai la o Kakauolelo Huli. o ka paio maoli no i na mea ke'ake'a mai ke kumu e hiki ke kii hou ae ke kumukuai o na mea kuai. Hoike mai oia i kona manao, aole he waiwai o ka hoao ana o na aupuni e auamo pakahi i keia mea.