Ke Alakai o Hawaii, Volume III, Number 20, 17 Kepakemapa 1931 — LAWE IA HE WAHINE E KA POE KOLOHE PAA AE HE MAU KANAKA MA KE ANO HOOHUOI IA UA PEPEHI IA KA WAHINE A EHA LOA E NA KANAKA HANA LIMANUI [ARTICLE]

LAWE IA HE WAHINE E KA POE KOLOHE

PAA AE HE MAU KANAKA MA KE ANO HOOHUOI IA

UA PEPEHI IA KA WAHINE A EHA LOA E NA KANAKA HANA LIMANUI

Mauka aenei o ke alanui Moi ame Dillingham Boulevard i limanui hou aku la e kekahi wahine male kane e kekahi mau puulu o na keiki limanui. Oiai hoi o Homer Peeples a me kana wahine o ke alanui Middle e holo ana maluna o ko laua kaa ma ke alanui Dillingham Boulevard a ia hoi holo mai ai kekahi kaa mahope mai o laua me ka hookeke ana aku i ko laua kaa a pili i ka paepae alanui me ko laua ku pu ana iho no hoi. Ia wa hookahi no hoi i lele mai ai kekahi o na kanaka o luna o ke kaa o na poe kolohe a holo pololei mai la ma ka aoao a Mrs. Peeples e noho ana a kui mai la i kona helehelena, aka aole oia i hana mai i kekahi hana hoopillkia ia laua mawaho ae o keia, ua huli hou aku la oia a holo no kahi o ko lakou kaa me ka kuupau ana aku o ua poe kolohe nei i ka holo o ka lakou kaa. Ua lawe ia aku hoi o Mrs. Peeple i ka haukapila o na ulia. A ma ke koho wale ia o keia no ka puulu kanaka hookahi nana i hana aku i kekahi hana limanui maluna o kekahi wahine haole mawaho ae nei o Waikiki rnahope iho o ka hora 12 o ka po Poaono nei, He wahine mare kane kela, a he wahine no hoi o ke kulana maikai. Oiai hoi oia i hele aku ai me kana kane ame na hoaloha no kekahi hale aina ma Waikiki no ka paina ana, a mahope iho o ka lakou paina ana ua hele holoholo aku keia wahine ma ke alanui no ka loaa ana hoi o ka e—a maikai o ke aumoe oiai e hoonanea ana no kana kane a me na hoaloha iloko o ka hale aina.

I kona wa e holoholo ana ma ke alanui o ia no ka. manawa a kekahi oto i holo mai ai ma kana wahi e hele aku ana me ka lele ana mai o kekahi mau kanaka a huki aku la iaia no luna o ke kaa me ka noke pu ia ana o kona papa auwae i ka paluku ia i wahi e hiki ole ai iaia ke kahea ae no na kokua ia mai. Malaila aku i lawe ia ai keia wahine a ke alanui Aia Moana a ma kekahi wahi mehameha malaila i hana ia ai na hana linui e keia poe kanaka, ma ka olelo a keia wahine he ehiku ko lakou nui.

Aka ua haalele ia aku no keia wahine e na kanaka kolohe ma ia wahi i ka pau ana o ka lakou mau hana kolohe, me ka hoomanawanui keia wahine o ke kolo hele aia a hiki i waho o ke alanui a aa kekahi poe e holo ana ma ke alanui Ala Moana i lawe aku iaia no ka hauk.pila Moiwahine.

Ma ke kakahiaka o ka la pule nei i paa ae ai he ehiku poe keiki ma ke ano hoohuoi wale ia no, aka ke noii poni ia nei keia hihia e ka makai nui ame ka loio kalana. A eia hoi ka Ke Alakai o Hawaii e kauleo au nei ia oukou e na leke a me na wahine opio o na home maikai, mai hoolilo loa ma ka hele ana e holoholo i na huina alanui e like iho la me kahi wahine o ka hoonana ana, na wai i olelo mai a ke aumoe iho la ka manawa e hele holoholo aku ai no ka loaa ana mai o na e a maikai, he hewa no ka noho ana i ka home me ka loaa mai.