Ke Alakai o Hawaii, Volume III, Number 19, 10 Kepakemapa 1931 — PII KA INAINA A NOU I KANA KANE ME KE POLA POI [ARTICLE]
PII KA INAINA A NOU I KANA KANE ME KE POLA POI
Mamuli o ka piha inaina oia wahine o ia hoi o Mrs. Wedemeyers, 50 o ke alanui Libby, helu 2010, i kana kane no kona ai i ka poe me ke puna aole hoi e like me ka lula o kakou o na Hawaii ka ai ana me ka manamanalima e miki ai i ka poi, huki ino mai la oia i ke pola poi mai kana kane mai hoonou aku la i ke pola poi maluna o o kona poo. Me ka poi no e kakahe iho ana mai kona poo iho a ia hoi ua lawe ia aku la oia no ka haukipila o na ulia no ke pahonohono ana mai i kekahi mau eha i loaa ma kona pepeiao, a mahope iho o ka pau ana o kona pahonohono ia ana ua hookuu ia mai la no oia e hoi i ko laua home me kana luahine. He mea pono no i na wahine e noho me ka maluhia, aole hoi o ka paki kekahi hana a lakou i ka luhi o kane e hoomaunauna ai i ka ai, o hoea mai auanei i ka wa a ka ai e nana kee mai ai.