Ke Alakai o Hawaii, Volume III, Number 35, 15 January 1931 — PAA HE KANE I KA PEPEHI WAHINE LOAA AKU KA WAHINE ILOKO O KA LUMI KOKO HOAO NA MAKAI E LOAA KA OIAIO O KEIA PEPEHI KANAKA [ARTICLE]

PAA HE KANE I KA PEPEHI WAHINE

LOAA AKU KA WAHINE ILOKO O KA LUMI KOKO

HOAO NA MAKAI E LOAA KA OIAIO O KEIA PEPEHI KANAKA

HILO, Hawaii, Jan. 5—Ke paa nei ka oihana makai ia William Kahili oiai lakou. e noii ana i . ka mea e pili ana i. ka make ana o kana wahine i ka po nei a i ole i keia kakahiaka nui pa - ha ma ko laua home ma ke Alanui Laukapu. No ke kahea ana mai a ka poe e noho kokoke ana, holo .aku la o Makai James Kalela a loaa aku la ka wahine e waiho a make ana iluna o ka papahele o ka lumi moe. E noho ana no o Kahili ma kahi e kokoke ana i kahi o ka wahine e waiho ana me ka lole ua hele a haukae i ke koko. Ua haukae ka paia ke kaupoku ame ka uhi moe i ke koko. Laweia ka wahine i ka haukala a ilaila aku oia i make loa ai me ka hoopuka ole mai i kekahi wahi huaolelo hookahi. Olelo mai o Keoki Likikini, ke poo makaikiu ua loaa aku elua pahi i loko o ka hale a o ka maka o kekahi o ua mau pahi ua haki. Ua pau kekahi mau niho o ka wahine i ka hakihaki a e waiho ana ma ka papahele e pili ana no iaia. Aole he mau keiki a kela mau mea. Aka, ua lawe hanai nae laua i kekahi keiki o ekolu makahiki. Laweia o Kahili i loko o ka lole i hele a haukae i ke koko o ka wahine, ilaila aku weheia keia lole haukae i ke koko a hoopaa ia e na makai. Hoonohoia | oia ma kekahi lumi mahope a i na luna aupuni wale no oia i ae ia ai e kamailio. Lawe pu ia no ka uhi moe i haukae i ke koko E paa ia ana keia mau mea apau i haukae i ke koko i hoike no kana hana. Nana ke kiure kolonelo i ke kino make o ka wahine, aka, a hiki i ka wa i hoonohoia ai keia moolelo aole i waiho ae ke kiure kolonelo i ka lakou hoike. Haawiia ke kino o ka wahine i ka ohana no ke kanu ia aku.