Ke Alakai o Hawaii, Volume III, Number 17, 4 September 1930 — HE MOOLELO NO HOLU KE AKUA O NA OOPU. [ARTICLE]

HE MOOLELO NO HOLU KE AKUA O NA OOPU.

Aia ma ka wa i kunewa aku la e hoopiha ia ana ka aina me na kanaka Hawaii ia mau la, na la a ko kakou mau kupuna e ola ana, a ua pau aku la lakou i ka hoomaha. a e komo nui ana no hoi ko kakou mau kupuna iloko o na hana hoomanamana. a ma ia manawa e hoomana ia ana ke akua oopu.

O ke kumu i hana ia ai pela, i mea e nui ai na oopu, ina aole e hoomanaia, momona ole na oopu a nunui ole no hoi. O ka inoa o keia akua o Holu, he oopu. Ua loaa mai keia inoa no ka hele ana o na mea nana e malama i ka lawaia i kahakai a loaa ka papai olulo (aama ua palupalu aohe oolea o ka iwi), a pela i kapaia ai ka inoa o keia oopu o Holu. a mamua aku aohe inoa. O na mea nana e malama

(hanai ana i ua oopu nei) oia o Kalama a me Waihauakala, a na laua mal na keiki he elua oia o Ahakeanui, he kaikamahine a me Kaneikakalua he keiki kane. Aia i ka wa i make ai na ma~ kua a AHakeanui ma, ua noho iho la no na keiki me ka malama no ia Holu. Ua pii mai no na kanaka e hoomana ia Holu ka oopu i loaa na oopu nunui a momona ke loaa aku ia oe. Eia na mea e lawe ai no ka mohai ana aku i ua oopu nei oia ka puaa hiwa, moa lawa puawa hiwa, niu hiwa a me ka i'a ula.

Lawe aku la oe a hoea maluna o kekahi pohaku i hoomakaukauia, alaila, ho-a ka iimu o ka puaa, ka imu o ka moa a me ka i'a, mama ka awa i awa no ua akua oopu nei a na na keiki ola pau (keki aole i kolohe i ka ha'i mawae) a pau na mea i ka lako, haawi mua na ke akua, a mahope aku na kanaka. Ekolu nuu o keia wahi. nuu mua no na wahine a me na kaikamahine. nuu elua no na kane a me na keikikane, nuu ekolu no na kahuna.

Alaila, pule ke kahuna no ka pono o ka noho ana, a pau ia laweia a hoohainu i ua akua nei. he kanaka maoli no i ka nana aku, he pukapuka nae, ua paa i ka hana ia me ka aha a puni a koe ke poo me ka waha. A pau ia noa ae la, kii ka oopu, ua hele a kohu opule moe one ka nunui, ai aku oe ia momona