Ke Alakai o Hawaii, Volume II, Number 38, 16 January 1930 — KA WAHINE O KA LUA. [ARTICLE]

KA WAHINE O KA LUA.

Ma kekahi la oiai no o Pele maloko o kona home lua ua lohe ae la oia i ka halulu. Lawe ae la oia i ka aahu mau o na wahine a ku iho la maluna o kekahhi puu no ka nana, a ike aku la oia i kekahi alii e hee ana maluna o kona holua no lalo o ka pali, a i kona wa i hoea aku ai no lalo o ka pali, oia ka wa i uwa ae ai na kanaka me na leo huro! I ka wa i hoea aku ai o ua alii nei iluna o kahi a Pele e ku ana iluna o ka pali, olelo mai la oia, ke aa nei au e heihei me oe. Huli mai la o Kahawali a olelo mai la. Hele mai. I ke kupono ana i ka ihona o ka pali ua puka aku la o Kahawali mamua ona. Ua hoopii ia ka wela o ka huhu o ua wahine hookalakupua nei o ka lua, aka, aole nae oia i kamailio aku, me ka nalu ana iho o ua hookalakupua nei ua oi aku ka holo o ko Kahawali holua mamua o kona. I ka wa i hoea aku ai o Kahawali no luna o ka pall, ua noi aku o Pele ia Kahawali e haawi aku i kona holua iaia e hoao ai. Ua pane kikoo-la aku la oia ia Pele. Manao anei oe he wahine oe na'u e noi mai nei I koʻu holua. a hee aku la no lalo o ka pali. Ua hoopii koke ia ka huhu we- j liweli o ua hookalakupua nei a keehi iho la oia i ka honua a hoea mai la he olaʻi nana i ho-owa aku i ka pali no elua apana me he kuʻi ana a hekili e lalapa ana ke ahi ma o a maanei ona. ( I ka wa a ka lehulehu e nana mai ana, me he mea la e heihei ana o Kahawali me ke ahi o ka | Pele e kahe ana, a ua hoopiha ia ka lehulehu me ka weliweli a piha maka'u no ke ola o Kahawali. I kona hoea ana i ke kumu o ka pali, a i kona nana ana mai ike mai la oia i keia wahine e iho mai ana iloko o ke ahi pele. Eia ae o Pele, eia ae o Pele. A kuu pau i ka holo no kahi o kona waa e lana ana, a kau oia maluna o ka waa, a ke hahai aku nei no ka muliwai o ka Pele a au no hoi iloko o ke kai. Hoomaka ke kai e paila a ua aneane no e loaa aku oia a lilo e i pohaku pele. Ua holo mai o Kahawali a hoopakeleia oia a aole nae oia i aa hou e hoi no Hawaii e noho ai i kahi o Pele. O ka hoike hope loa mahope iho o ka noho ana o ka ahukuka Nui o ka 1938, e hoike ana aia he 285,292 o ka hoomana La Ehiku o na helu like ole o ke ao nei. Mai loko mai o na halepaʻi he 40, ua paʻiia na palapala ma na olelo he 141. He hookahi kope o ka mea hookahi o na palapala like ole, a o na hoolilo ua hiki aku i ka $1,700.68.

j no ua pilikia L puahioluo!. ke kuehuia aku. Ua oi akn ka ws.ivvai o ksx [naosv ,> uuku mamua o ka haat\ir.