Ke Alakai o Hawaii, Volume II, Number 30, 21 November 1929 — APONO KE ALAKAI I KEIA HANA A KIAAINA JUDD OIA KE KIAAINA MUA I HANA I KEIA HANA PONO LOA E HANA MAU IA [ARTICLE]

APONO KE ALAKAI I KEIA HANA A KIAAINA JUDD

OIA KE KIAAINA MUA I HANA I KEIA HANA PONO LOA E HANA MAU IA

I ka lilo ana ae uei o Lawrence Judd" i kiaaina no kakou, hoomaka iho la oia e hana i kekahi hana maikai a naauao I hana mua ole ia ma Hawaii nei e na kiaaina mua aku nei o kakou, a oia keia, I ka wa e hooma,ikaiia mai ai kekahi paahao no ka hookuuia ma ke ano parola e ke komikina paahao, lawe mai oia i ua paahao la a mau jpaahao palia imua o kona alo a kamallio aku iaia a ia lakou paha ma ike ano he makua, me ka leo anoano e komo ai na olelo lloko o j lakou, e a'o ana ia lakou i ka Ihopena pilikia o ka hakihaki i na lula ame na kanawai me ka hoakaka piha pono ana ia lakou i ka manao o ia mea he parola, me ka manao maoli no e haalele ke kanaka ! kona mau aoao kekee a e hele ma ke a!ahele o ka pono ame ka pololei i iilo ai lakou i poe makaainana maikai no ke aupuni. Ina apo lākou a malama i na

oiēlo a'o maikai e haawiia aku ana, e loaa ana no ka pomaikai ia lakou ma keia noho ana aku, aka, i komo oJe na olelo a*o e luīa ana imna o lakon, alaila, o lakou no ke komo ana iloko o ka poiho ma ia hope aku. (> kekahi keia o na hana n.aauao loa i hookumu ia iho la e ko kakou kiaaina, a ke apono loa nei keia wikhaolelo i nei hana a ko kakou kiaaina a ke manaolana iiei e loaa ka maliuia maī o na olelo a'o naauao e waihoia aku ana imua o keia mau hoa kanaka o kakou. I na kiaaina mua, o ka mea a ke komikina paahao e olelo mai ai oia no ka lakoū e hoolohe ai. Aole o lakou kuka pu me na paahao e manaoia ana e hookuuia malalo o ka parola. E uwalo ae nei Ke Alakai i na mana lani e kokua mai i keia hana maikai a ko kakou

kiaaina no ka pono o na makaainana o kakou i komo iioko o ka pilikia paahao, i hiki ai lakou ke lilo i mau makaainana maikai a kupono no ko kakpu aupuni a pela no auanei hoi e akakuu mai ai na hana hewa iloko o ka kakou ama aloha.