Ke Alakai o Hawaii, Volume II, Number 27, 31 October 1929 — PAIO NA PILIPINO ME NA HAOLE MA KAPALAKIKO KUPILIKII LOA KE KULANA I KA ULU ANA AE O KEIA PAIO MA EXETER [ARTICLE]

PAIO NA PILIPINO ME NA HAOLE MA KAPALAKIKO

KUPILIKII LOA KE KULANA I KA ULU ANA AE O KEIA PAIO MA EXETER

EXETER, Kaleponi, Oct. 25.--Ua uhi iho ka maluhia hookamani maluna o EXETĒR i keia la mahope iho o ka paio hahana ana mawaena o na JPilipmo; a me na haole i ka po nei Eha poe limahana Haole i okiia i ka pahi. Ke pee nei na Pilipino. Ua loaa he mau haneli kala ka poino i na waiwai,.

Ua holo na Pilipino a pee ma Visaiia, He 100 ko lakou nui,

Ke huli nei na makai i 'na Pilipino ame na Haole i manaoia o lakou kai komo iloko o ka haunaele. Elua mau Haole i eha loa i ka pahuia ana i ka pahi.

I hoomaka keiā pilikia i ka hou | ia ana o kekahi haole e kekahi Piiipino i ka pahi a kokoke e make a hoomaka na Haole e alualu i na Pilipino a hoao e puhi i ka hale a na Pilipino e pee a- [ na i ke ahi. Na ka poe kinai ahi ! i hoopakele i ka pau ana o ka hale i ke ahL Hailuku no nae na Haole i na Pilipino me na pohaku, na laau na oo ame na mea e ae e loaa ana i ko lakou lima. j Aole poe i eha loa. I

Mahope hoouluulu Iho la na Haole a loaa ko lakou heluna nui a hele aku la e kipaku i na pilipino mai kekalii mau aina kanu hua ai e aku.