Ke Au Hou, Volume III, Number 7, 21 February 1912 — Na Hunahuna Like Ole [ARTICLE]

Na Hunahuna Like Ole

O ka la maikai keia e kuai ai i hae Hawaii a me Amerika no ka la kulaia o Wakioetona. He hoopii oki ka Mary Nunes he wahine Pukiki i kana kane ia A. Nunes no ka hoeha. He 9 make a hoea i Feb 15, he 8 ma'i akepau a he hookahi ma'i lepo hanee. Ua haule he papale Panama i ka po Poaono nei, a o ka mea e loaa ana a hoihoi ae i ka Avalataisa, loaa no ka makana. He 4 poe Pake i hopu ia no ka hakaka i ka po Konohi nei, a he hookahi no ka wehe banako kipa ia la no. E huli hoi mai ana ke Kama'liiwahine Kawananakoa ma ka mokuahi o ka la 7 o Maraki ae nei. Nui ka mahalo i na lealea "Pinapoa" me na hoikeike hi'u-wai ka'i kukui o ka Poalua nei. O ko ka Poalima koe. E hoea mai ana o Konela Nepai W. Clayton 0 Uta ma ka mokuahi Siera no ka makaikai ana ia Hawaii nei. He hoahanau oia nokaEkalesia Moremona. Ua hoike ae o Chun Duck Soon ke Korea paahao mahuka imua o ka Aha, no kona hoeha ia e Billy Wood ame 10 poe makai i kona loaa ana i Nuuanu. E weheia aku ana na aina aupuni o Aiea, Oahu, no ka hookuonoono ana, aia paha ma kahi o 35 apana ka nui 0 6 eka pakahi. I ka Poalua i hala i hoopai ia ai e lunakanawai Maunakea o Kaaikaula (w) no ka ona akea. Ua hoea ae oia imua o ka aha me kona mau kahiko kahuna nui, he uhi ulaula me ka leihulu melemele oka a-i, a no ka pane ole i na ninau a ka aha, ua kopi ia mai oia he 5 pohaku. Apu'epu'e ka liona o Hilo ia Kimo Hoao i ka Poaono nei. Puni elua, puu ka maka; puni umikumamakahi haule ilalo no 8 helu aqa, aole i liuliu kani eka bele. Me ke kulanalana, hoomanawanui a pau ka puni 12 a hoopau wale ia. Ua loaa mau nae ka liona i ke kalo o Manoa, aoe hiki ke ku imua, i ahona wale no i ka holo mau i hope. Ua lilo i mea hoonaukiuki ka hana a na poe kaawai ke kaili i ke alanui pii ame ka noke aku i ka akaaka i na wahine haole ame na keiki liilii, a pela hoi me na poe i konoia e ka Ahahui Bow Wong o na Pake ma alanui Moi me Kamika no ka hauoli Konohi ana, oiai keia poe ua kokoke e lele naaupo a poino no ka paa loa o ka hanu i ka uwahi pauda pa-hupa-hu i hele a pouli ka hale ame na wahi hoo-na me he pauahi nui 'la, o na keiki pulil ohe, ua hiki ole ke hoomanawanui a iho okoa ma ka pou uweaolelo me ke kiola ina ohe. Ua hoea ae na kaawai malaila no ka manao he pauahi a kukulu na alapii, a i ka ike ana i ka pouli uwahi wale no. ua lawe hou na alapii me ka hookuu ole aku i keia poe poino e iho mai. Hupomaoli! Uaikeo Lunakiai Amana o ke komite Kihai-ahi i keia, a pela me Ebena Lo, a o na poe kakau nupepa ame ka lehulehu kekahi i ike.

8 n*ho «o« k* »Hs ao k» he«leh« »m i k» hpepii koi poho a na pake hana poi i ke aupuni no ke paniku ia ana o ko lakou S au halekua poi e ka Papa Ola i ka wa ma'i korela. Ke manao ia nei e hoea mai ana o Peresidena Sun Yet Sen o ka Repubaiika o Kina no Honolulu nei, iloko o Mei no ka ike ana i kona mau hoaloha, a holo loa aku no Amenka. Ka makou kilokilo ana no ka hae aupuni o Kina o elima laina waihooluu like ole. Maluna loi he ili-ulaula, hē ili-melemele, Iniaa Malaia, ili-keo keo a o ka ili-uliuli nohoi malalo loa. Aohe a makou Ka-Miki i nei pule. O na pu-a kope hope kai loaa mai a koe ko mua aku e hiki ai ke hele pololei ka moolelo, no ka hale leta paha nei ulia. Ina e loaa koke mai anā i keia pule ae, o ka oili aku no ia. He eluā mau kalaiwa ame hookahi kaapi'o i paa ae ma kahi hoomalu o ka U. S. A. no l:a hele ana ma kahi i kaouia ai na poe samola-poki i make ma Kahākaaulana, a ina aole e ma'i a 14 la, alaila hookuuia. Ua loaa mai he lono ianei no ka pepehi hoomainoino ia- ana he 150 poe koa pio o na Pake kipi ma ke kauoha a Kgnerala Chang Taio no ka hoohiwahiwa ana i ka la kulaia konohi o na Pake Manakiu. Ua lawe ia keia poe pio mai ka halepaahao aku o Tartar a hookukuli laina ia, a oia ka wa i okiia ai na poo me na pahi. Ona koa Pake Manakiu, ua holo koke aku lakou me na papaa palaoa a hou iloko o ke koko e kahe ana me ka inu ana, a olelo ae la", he mea hooikaika ia e lilo ai lakou i poe koa. Ina he oiaio keia, he keu a ka hupo ame ka weliweli Vkeia hana.