Ke Au Hou, Volume III, Number 6, 14 February 1912 — KE KAENA A KA MOI KALAKAUA [ARTICLE]
KE KAENA A KA MOI KALAKAUA
Ua kaahele au maluna o ka ilihonua me na moana, A Inia mamao, a me Kina kaulana; Hoea i na aekai o Aferika, a me na palena o Europa, A halawai me ka ikaika o na aina apau, A ia'u i ku ai ma ka aoao o na Poo Aupuni, Ka poe mana maluna o ka lakou, me ka hiehie Alii; Hoomaopopo iho la au i ka ukuiki, a nawaliwali o ko'u, Me ko'u No'hoalii i hookahua ia maluna o kahi puu Pele, A ma kahi he miliona i hooko i ka keia mau Moi, He mau tausani wale iho no malalo o ko'u mau malu; Aka, ke upu nei loko, na'u ke Kaena hiki, Aia he mau nani maloko o na poai o ko'u mau aekai— I oi aku ka makamae i ka o'u mau hoa Moi, Aohe o'u kumu hopo maloko o ko'u Aupuni, He hiki ke hui me ko'u lahui, me ka weli ole, Aohe makau no'u iho, me ke kiai pilipaa ole ia, A na'u ke Kaena, he momi i hoounaia mailuna mai na'u— Eia me A'u ke Aloha pilipaa o Ko'u Lahuikanaka.