Ke Au Hou, Volume III, Number 5, 7 February 1912 — Na Kuhinia o ke Kalana [ARTICLE]

Na Kuhinia o ke Kalana

He hana hupo ka kekahi wahine Hawaii a makou i ike ai, o ka hoihoi ana i ke pihi kalaunu a omau ia hope o ka palekoki malalo iho o ka elemu. No Pauoa nei hupo nui. Wahi a na wawa olelo, o ke kumu i make ai o Pailaka Sander, oia no kona puiwa i ka aneane ana o ka mokuahi Cleveland e hookui me ka manuwa Amenka, mamuli o kana hookele hawawa ana. He lole me ka huelo mamua a huelo mahope e kahili ai ka nu paikini hou o na wahine haole o keia mau la. O ka mea hu loa aku oka aka, o kela huelo me ka lole wawae Pake, he kohu holoholona apiki loa. Eia ianei kekahi mea pohaku nui noka makemake ana e hai i ka Opera Hawaii, a ke ae ia, o ko kakou ike no ia i na 010010 wawae palaoa hoowali linalina kopaa o Maleka. He mau hulahula haole ame Hawaii ke hoikeike ia ana. Mea ia mai he mau wahine puakea ia a ka puuku Uniona e a'o mai nei i ka hula i nei mau la, a e uniki ana paha i ka huakai pa-u o ka la 22 ae nei. He moa kane ke-mu ulaula nui ka ia Pakauelo e kalewa nei no ke kuai ana he $40, o Jack Johnson ka inoa, mamuli o kona akamai hakaka. Ma ka Lapule i hala, i holo kaa uwila ae ai ua moa la, no ka lawe ia ana e nana ika heihei au a Kahanamoku. Ua makemake ia i wahine hana no ka uku maikai, mai ka hora 3a. m., a ka hora 7p. m. E ninau ma ke alanui Moi, helu 417, Telepona 8768. I elua mau kaikamahine opio no ka haleaina, e ninau ika Helu 1366, King St. Hookahi kaikamahine no ka hale malama kukui ame na hana holoi. He wahi maikai e noho ai. Ninau ma ka huina o Pawaa, ma ka halekuai ko omoomo, E lawe ia aku ana no Maui ma Kahului ke kao eliawa o Puuloa a Mr. Dilinahama i ka wa e pau ai na hemahema a makaukau. Nana e paeli a hohonu ke awa kai holu o Kahului. Hemo. E kipa ae ia Kauka Akana ma ke alahui Kukui kokoke i Nuuanu, ua hiki iaia ke hoola i na poe i loaa ole ke ola i na kauka e ae. He hoopii oki ka Lucy Kau Kai ia Kau Kai Pake no ka haalele ame ka malama ole iloko o hookahi makahiki a oi, a na kona makuahine palupalu oia e malama. Ua noi ae oia e loaa iaia he uku malama ola, oiai, he $175 ka loaa mahina o ke kane.

Ua waiho ae nei o Bruce Cartwright i kana hoike makahiki o ka waiwai o Ema Kaleleonalani. Ua noi pu ae oia e ae ia ka huina o $20,140.90 iaia He $250 o ka apana aina o Nuuanu, kokoke i ke kaa uwila, ma ka uku mahina. E ninau ia J. H.Schnack. Eo na kaikahiahine hookomo popo eke o San Anaru i na kaikamahine o Kapalama,i ka Poalima i hala, he 11 ia 10 paina. Puikaika ka uhao popo ana. He hoike kai loaa mai ia Mr. Charles B. Hall o Honolulu nei o ka Hui o Walakahauki mai ka loio mai, ma ke ano oia ka hooilina o kekahi puu dala nui o $50,000 iloko o ka mahele o kekahi kanaka kuai aina hookuonoono 0 Nu Jese, Amerika. O ke ahiahi o ka la 20 ae nei ka la hookahakaha hiuwai nui, he 100 a oi waapa e komo ana ma ka laina, a he mau makana ke haawi ia ana i na helu mikioi a maikai. Ke hana pono ole mai nei na Moiwahine holo pa-u ike kua o ka lio i keia rftau aluna ahiahi. Umoki lua kikala 0 na lio holo peki. Aoe i helu ia ko Honolulu nei poe ike kinipopo upena me na kihele papa'i i ko Amerika mau keiki laeula ma ka Poaha i hala, a pilikia hoi ua māu laeula ala i ko Auseteralia mau lae 00 ia hana me ka helu ai ole, oia miki ana aku nei a hoi nui mai la me na eeiao loloa. Aia i ka hui o Lord-lana ka hana o ke alanui holopuni no 10 mile mai Kipapa aku a Waialua puu, no $98,500 ke koho haahaa. A. A. Wilson he $105,297, J. H. Wilson me Likana Eliwai he Honolulu Draying he $131,216. Ua lilo ia A. P. McDonald ka aelike o ke kukulu ana i ka halekula o Kaimuki a paa i Sept 25, 1912, no $53>77 6 ke koho haahaa. Ma ka Poaouo i hala i kau mai ai ka aha i ka hoopai hoopaahao o ekolu mahina maluna o David N. Lonohiwa, kumukula o Kohala, Hawaii, no kona ae ana ua hana i kekahi hewa hilahila ole i kana kaikamahine hanai. Eia i Honolulu nei o Mrs. Mary Haaheo Atcherley, wahine a Kauka Atcherley, ma kekahi huakai pili oihana. E hoi aku ana no oia me kana aliikane ke pau na hana. E hoohuiia ana ma ka berita mare ma ka la 10 o keia mahina o Miss Ella K. Dayton, kaikamahine a Kewiki Dayton 0 lionolulu nei i make, me Mr. Ernest E. Lyman o Waialua. Mahalo i ka mea maikai a hoohauoli.