Ke Au Hou, Volume III, Number 5, 7 Pepeluali 1912 — Moolelo o ka Ekalesia o Iehova Iloko o ke Kino-II Kor. 3:2-3. Ke Aniani Kilohi o ka Uhane [ARTICLE]

Moolelo o ka Ekalesia o Iehova Iloko o ke Kino-II Kor. 3:2-3.

Ke Aniani Kilohi o ka Uhane

OLELO A'O 8. Ke Kanaka ame Kona Ano «'I iho la ke Akua: E hana kakou ike kanaka e ku ia kakou, ma ka like ana me kakau iho." Ma keia mau olelo a ka Baibala, i hiki ai i ka poe naauao ke huli aku a hoomaopopo 1 ke ano o ka ke Akua olelo, me he mea la, he lehulehu lakou. Oiai no nae, he ekolu mea nui i hoomaopopoia, ka Makua, ke Keiki ame ka Uhane Hemolele; a o keia mau Mea Ekolu oia ke kumu alakai o ka poe manaoio apau, i hoomaopopoia e na poe apau. Ua paa ko ke ao nei Buke Moolelo kahi e nanaia ai na hana a ke Akua, aka, aole nae he mea nana e heluhelu. Ua paa he kii maikai a hanohano, aole nae he mea nana e milimili. Aole hoi o na anela, no ka mea, ua ikemaka lakou i ka nani oke Akua. He makehewa hoi ia mea j»aikai i waena o na mea ulu amfe na holoholona, no ka mea, aole o lakou noonoo. Ke hoomalamalama nei ka La i ka honua, aka, he makapo ka honua, makehewa ka malamalama nona. I ka wela, ka ua ame ke kehau, e kupu ana na mea ulu o ka honua, aka, aole mea nana e ohi aeai i kona mau hua. He mau holoholona no, aka, aole mea nana e hoomakaukau lakou elike me ke kupono, huhewa ka ikaika oka lio ame ka bipi, ke ole he mea nana e hooponopono. Kaumaha ka hipa ame ka bipi wahine i ka waiu, ke ole he mea nana e hoomaopopo. Ua piha ka honua i na pohaku waiwai, aole nae he mea nana e kukulu i hale a hoohana, Ua paa ke ao nei me he halealii nani ala, aia ma ka pi'o o ka lani, he mau miliona kukui e hoomalamalama ana; a o ka honua hoi ua uhola ia me he moena pawehe uliuli ala i hele a onionio i na pua like ole, me na ea ala onaona e moani ana ma na wahi apau elike me ka ikaika ume huki o ka ea ma na wahi ana e hookipa ai. Nolaila, ua piha ke kai ika i'a, ua piha na mauna i na holoholona, aka, ke kali nei lakou i ko lakou alii oia ke kanaka, ka mea nana e hooponopono ia lakou a e hea i ko lakou mau inoa. Ika wa i hanaia ai ka malamalama ame na mea e ae, ua kauoha wale ia aku no e ke Akua, a

puka mai la ia mau mea- —i malamalama, a ua malamalama ae la. Aka, i ka hana ana o ke Akua i ke kanaka, ua kukakuka ke Akua me lakou lehulehu iho, a hana lukou i ke kanaka e kulike me ko lakou ano iho. Ma ka hoomaopopo ana: Heuhane ke Akua, a he kumu noonoo. He uhane ko ke kanaka a he kumu noonoo. A penei hou: He uhane ke Akua, he uhane i hiki ole i ka uhane kanaka ke hoohalike aku i kona nui ame kona hohonu. I ka hoomaopopoia ana o ke kanaka, ua ikeia oia ke 'Lii o ka honua, a malalo iho hoi ona na mea e ae a ke Akua i hana ai. Iluna kona poo e nana ana i ka lani, ame ko lalo ae o konamauwawae e pili ana i ka honua. Ke Kino i Kapiliia i ka Lepo Ua kupono loa ka nui o ke kino o ke kanaka, no ka mea, ina he nui oia elike me ka laau nunui, ina na poholo pinepine oia ma kau wahiikonahele ana. Ina ua lilo ka huita i mea liilii loa nona, a aole hoi e hiki i ka lio ke halihali iaia. Ina nohoi i uuku loa kona kino, ina ua hiki ole iaia ke kua i ka laau, Nolaila, ua hoolaka mai ke Akua iaia i ke kino kupono i paa me na iwi oolea ame na lala e kuikal.i ana no ka lawelawe ana. Ua hui na iwi ma ke ano maikai, ua paa kekahi ame kekahi me he la ua nakinaki ia a paa ma ke ano naauao, i hiki ke pelu iho i ka wa kupono. Aia iluna o ke kino na maka no ka nana ana i kahi loihi; a ilalo na wawae i kupono i ka halihali iaia, na lima e hana ana i mau mea hana hou oi ae ka ikaika i ko lakou. Ma ke poo o ke kanaka na mea ano nui a maikai no ke ola. Ilaila hui me na maka ame na lala e ae ; na pepeiao me he mau kiai ala nana e lawe i na wawa olelo liilii ame na leo mele i ka uhane. Ka ihu i mea e hoomaopopo ai i ka honi ana ame ka odora o ka ea; ka waha i mea maopopo ai ke ano o na mea aike ai aku,a me na niho no ka nanali ana. Nui na mea maikai maloko o ke kino, a nui nohoi na mea pohihihi i ka naauao ke huli aku. Oia ke Ola ame ka Make. Nolaila, o ka mea ai a kakou e ai nei, hoolilo ia ma ka umauma i mea like me ka waiu i kapaia he "kile," a i kona iho ana i ka puuwai lilo ia i koko ulaula. A pau i ka hoohuihuiia iloko o ke akemama, holo iloko o na aa-koko a i na welelau o ke kino. Na keia mau aa-koko i pani ia ma kekahi mau wahi, lilo ke koko i i'o, iwi, i ili, a hiki i na welelau o ke kino, komo ke koko i na aa-koko o waho a hoi hou no i ka puuwai i paipu ia me ke "kile," a hoholo hou aku iwaena o ke kino a i na

welau i mea e mehana ai a oni ke kino ame kona mau lala. I mea e lawe ai i keia wai hoola, ua mohala ka puuwai; a i mea hoi e holo ai a puni ke kino a puni, ua emi iho ia me he ipu makani ala, e oni a e onou hou ana i ke koko iloko o na aa-koko, oia ke kumu o ka Pana ana, he 60 Pana i ka minute hookahi, a he 24 holopuni ana a ke koko ma na aa-koko ika hc>ra hookahi. Aia a hoomaka ka holo ana o ke koko ame ia holo ana mai, alaila, ola ke kino a oni na lala, ina e pau ka holo ana o ke koko, o ka pau no ia o ka hanu ana a make. Ua oi ka pohihihi o keia mamua o ka huli a imi ana i ka wa kai pii a kai emi. Na ka puuwai i pahu i kekahi hapa o ke koko 0 luna loa a lilo i mea palupalu iloko o ke poo; a loaa ka maopopo ame ka oni ana, malaila na olona 1 hui ai a holo ma kela wahi keia wahi o ke kmo a puni. Eiua olona me he mau kauia ala iho laua ma na owawa elua maioko o ka lae a maioko o ka maka, a wa-hi no i na maka me he mau poepoe aniani ala. Ilaila pena ia na hooluu apau, ka lani e kona mau kikokiko i na hoku gula, na kuia i onionio i na pua. Eiua hoi olona e hele ana ma na aoao e)ua o ke poo a hoea i na owawa wawalo i kapaia na pepeiao. Ilaila kupinai na mea kani apau, mai ka ha'ulu oka hekili aka owe nehe oka wai. Heie kekahi mau oiona e kapiii i na pukaihu me na ke- ~ pau pipiii i mea e hiki ai ke honi 1 na ea iike ole, e maopopo ai ke ala o ka pua rose, ka makaiahia 0 ka pua lehua, ame ka hooheno a ke onaona o ka pua Dalia. Maluna oke alelo kekahi mea e maopopo ai ka ono o ka meli momona, ame ka wa\ awawa oke au. Ona olona eae he lehulehu loa 1 hoea mai no ka 1010 a manamana paha ma naolo□a iwaena o ke kuamoo, a holo ma na wahi apau o ke kino i maopopo ai na mea hoopa iaia. Ua manao ia he ea mama loa e holoholo ana ilaila me ka ike ole ia aku, oia ka ea ola, ua manao ia, he naahu ia no ke koko mai, oia ka elele e hoomaopopo ana i ka uhane i na nuhou o kela wahi keia wahi o ke kino, o ua 1010 ala, hele aku la kona ea, e hai i na kauoha a ka uhane kona alii, a i na palena o ke kino me ka wikiwiki, me he uwila ala, a lawe mai no ina nuhou mailaila mai. No laila □a oni emo ole ame na hiki lele no ka pale aku i na kauoha, a me ka apo koke i na mea maikai, oia ka ea ke kumu o ka oni ana o ke ao nei apau loa. Ke kumu oni ia a ke Akua noKona hooponopono ana ika Hekili. E hoonani ia ke Akua no kona hooponopono ana i kino makaukau ame ka maikai no ke kanaka.