Ke Au Hou, Volume III, Number 1, 10 January 1912 — Moolelo o ka Ekalesia o Iehova Iloko o ke Kino-II Kor. 3:2-3. Ke Aniani Kilohi o ka Uhane KA HANA ANA O KE AKUA I KE AOULI AME KA WAI OLUNA [ARTICLE]

Moolelo o ka Ekalesia o Iehova Iloko o ke Kino-II Kor. 3:2-3.

Ke Aniani Kilohi o ka Uhane

KA HANA ANA O KE AKUA I KE AOULI AME KA WAI OLUNA

Olelo A'o 4. Ka Moana ame Kahi Maloo I iho la ke Akua, E hui na wai malalo o ka lani i ike ia kahi maloo. Ka Moana—Ua laweia kau wahi o ka wai maluna, a ke huikau nei no ka wai o lalo nei me ka lepo. Nolaila, ike kolu oka la houluuluia na wai apau i kahi hookahi, kahi hoi i kapaia he moana; alaila, akaka kahi maloo. He elua hapakolu 0 ka poepoe honua i paa i ka moana, no ka mea, ina e nui loa ae, lilo ka aina i wahi nenelu a pono ole, a ina hoi e uuku iho, lilo 1 mea panoa a ulu ole na mea kanu. Nolaila, ua kopiia keia kiowa nui ika paakai i mea e inoino ole ai a ma e», a mea hoi e emi ai ka ume ana o ka La i kona wai ma ko ke Akua akamai. Aole e mananalo ana ka wai o ka moana i ke kahe nui ana o ka wai ame ke kulu nui ana o na paka-ua, no ka mea, he panai wale ana no ia i ka ikaika ume o ka La, oiai oia e ume mau ana me kona ea wela. Oka oni mau oka moana kekahi kumu e ino o)e ai, aohe ona wa e waiho malie ai, nolaila, mau no ka pii mau ana o ke kai a i ke 6 o ka hora, he kai nui ia; a emi iho i ke 6 o ka hora he kai malooia, kai make. O ka panee ana aku o ke kai i kela la keia ia he ekolu-hapaha 0 ka hora elike me ka Mahina, ua manaoia na ka Mahina ia hana ma kona ume ana. Ano ka mahuahua ana o ke kai nui i ka mahina hou ame ka mahina poepoe, mamuli no ia o ke kau ana o ka La, ka Honua ame ka Mahina ma ka lalani hookahi, ua manaoia o ka La kekahi i hui maia ume ana. O ke kumu o ka maea ole, no ka ino ame ka makani e puhi ana ma oama o. Hookahuliia ka moana i ka wa ino mai lalo lilo mai o ka papaku a hiki iluna o ka ilikai me ke a'e ole na'e mawaho o kona mau palena. He mau makani kainaaina kekahi ma na kaei wela, ua manaoia o ka La a hui me ke kaa ana o ka honua ke kumu i loaa ai ia mau makani. Malaila, wela ke ea oka La, a anu ma na welau. A huli ma ka aoao o ka Poaiwaena, nolaila mai na au elua, hookahi maluna i ka poaiwaena a i na welau; a hookahi hoi malalo mai na welau a i ka poaiwaena.

Nani ke kupanaha o na mea 1 hanaia t la, Ana e olelo nei, He mea maikai i ke Akua ka huna ana i kekahi mea,.he mea nani hoi i na alii o ka honua ke huli aku. G keia ka hana kupanaha a ke Akua i hana ai me Kona mana nui, i loaa, a i loaa ole i na alii o ka honua ke huli aku. Nolaila, i ole e ninini ia ka wai maluna o ka honua, ina ua lilo na aina i mea pono ole a panoa, nolaila ma ko ke Akua hooponopono ana, o ka hanaia a ka La, ka moana ame ka makani. Na ka La e ume i ka moana, a o ka mahu i umeia a helelei ma ka aina he kehau, he ua, he hau, he hua-hekili. Inu ka mea makewai aole e pau, oiai, ua houluuluia a nui ma na kuahiwi kiekie ma ke ano paa, a hehee iho a kahe nui mai na muliwai no luna mai o na Alapa, Anede, Himalaia ma Eu* ropa, Asia ame Amerika. Ua hoopuluia na wahi apau ame na taona nui. He mau hawai kupanaha keia, e noke mau ana na kanaka, na holoholona na mea ulu, aole na-ha a poino ua mau mea hali wai ala. Mau no ka maikai elike me ko ke Akua hooponopono ana i kinohi. He wai awaawa ke kai, aka, o ka mahu iume ia e ka La, he wai ono ia. Haule mai ka ua, he ono a huihui, aka, o ka paakai i koe iho oia ka mea e mikomiko ai na meaai a ke kanaka, oia ka ke Akua hana ana i pono ai ka lehulehu, a pela nohoi Kona hooponopono ana no ka mea hookahi e hoolapalapa ana i ke kai maluna o ke ahi, loaa no ka wai ono ma ka mahu ame ka paakai e koe ana iloko o kona ipuhao. I ka nana mua ana, kuhihewa ka poe naaupo he mea ka moana e pilikia ai ka launa pu ana o na lahuikanaka, aka, he mea nae ia e Kikiwawe ai ka hui a lilo na lahui i hookahi, no ka mea, aohe he kanaka i hoao e lele mauka a hiki i ke komo, hana o Europa ame ka hikina o Asia, a no ka mea 0 ka moana ka mea i ikeia i ka poaipuni i ka poepoe honua. Ke halihali nei ka moana he mau papu lana, he mau hale aukai i oi Wikiwiki ka holo i ko ka lio, a ua hiki loa iaia ke lawe i 1,000,000 a 01 aku paona; a ina he mau kaa he 156 me na lio i papalua ia, he uku ka hiki oia mau ukana nui hewahewa. Na na Hoku e alakai i na moku, a i ole ia, he wahi kui uuku e huli ana i ka welau akau o ka honua, oia ke alakai. Ke paapu ka lani i ke ao lewa, oia ks> mea e loaa ai ka aina puni ole o Ame rika, Euiopa, Asia a pela aku, ame na mokupuni liilii, Inia, Kina, lapana ame na mokupuni liiliima ka Moana Pakipika. Malaila i maopopo ai ka poepoe o ka honua e kaa wale nei me ke ano ole.

Halaila e : Jaha ai ua mea hana like ole, na men hoonaauao, na moolelo lioike no ke Akua īnai ka hikina akala ake komohana. Malaila e,maoj)opo ai ka ke Akua hana ana ina mea apau. No ia mea haawi mai ka laau, na hoi, pea, papapa ame ka mahu i na mea e pono ai ke kanaka. a ke hoonani nei na "mea apau ike Akua. Ke hooko nei ke ahi, ka makani, ka wai ame na mea apau i Kona makemake, a o ke kanaka wale no Kana i hoalii maluna o na mea apau. Kahi Maloo—l ka hookaawaleia ana oka wai mai kahi maloo aku, ua loaa ma ka honua kona mau lua hohonu ame na puu kiekie. Aole hoi he mea ola i hanaia ela ia wa, Nolaila, ma ka papa mua o ka honua kai maopopo i ke kanaka, aia malalo o na kuahiwi na pohaku "granite," oiu ka mea i paa pu ole me na mamala o ka holoholona, a i ole, o na holoholona paha. Oia ke ano o kahi maloo i kinohi, i ka wa i hookaawaleia ai inai ka wai aku. Maluna iho o ka Papa Elua ua loaa ka mamala o na holoholona ame ka mamala o na mea uiu e ola ana iloko oka wai. Ama kekahi papa maluna ae, ua loaa na mamala pohaku i paipu ia me na mamala o na holoholona aina. Ua kulike keia imi ana a ka poe naauao me ka Mose e olelo ana, I ka la mua he honua no, aole nae he mea ola, a i kahi wa mai hanaia na holoholona o ka aina. Ika puka ana mai oka aina mailuko mai oka wai, ua panoa ia, ua neoneo a olohelohe. He 27 aoao mile kona apo, a he 9000 mile kona anawaena, alaila, he 4.500 mile e eli ia ai a loaa kona kiko waena, oia kona lalo lilo. ona lua hohonu e eliia nei aole i oi aku mamua o hookahi mile hohonu, ina e oi ana malalo o keia ana honua, he mea maopopoe pau ana ka honua i ke ahi, nolaila, o kahi wale no i a i eliia oka ili oka honua. A ma ia wahi uuku o kahi maloo, ua nani ia ame ke kupanaha o ka ke Akua hana ana ia mau mea e pomaikai ai na mea hanu a pau maluna oka honua. No laila na pohaku kahikōe kukuluia ai na hale e malu ai na ohana, a me na luakini kahi e hoonaniia ai ke Akua o ka lani, me ka Puna, oia na pohaku i hehee i ke ahi a wali e like me ke one, a lilo i kepau pipili, a o kekahi pohaku lilo i aniani a loaa ka malamalama. Pela no me ka lepo palolo i mo'a i ke ahi, maloko loaa na mea maikai loa a paakiki nohoi, oia ka hao, ke dala, ke gula ame na pohaku hoonani hale ame na mea kupono no ke kalepa ana.

Eia o luna makeke Starret ke liuliu nei i kahua hoahu no na waiwai o Maui e hoouna mai ai, e laa na akaakai hua, kulina, uwala kahiki, pea, apala, » pela aku.