Ke Au Hou, Volume III, Number 1, 10 Ianuali 1912 — Na Haina Ninau Noeau [ARTICLE]

Na Haina Ninau Noeau

Mr. Lunahooponopono o Kk Au Hou; E oluolu oe e hookomo iho i kia'u wahi haina malako o ka Buke Ke Au Hou i ka ninau a Nawaieha Boy. 1. Heaha la ka hewa e pomaikai ai keia ao. Haina —He aihue, me keia nei e maopopo ai he aihue, o hoopunipuni ka makuakane o aihue ka makuahine, hanau mai na laua na keiki o powa, ° apuka apela wale aku, o ka hana ia a keia poe ohana, nui ko lakou -pomaikai ma keia ao, ua puka loa pomaikai a puni ke ao holookoa. 2. A make kekahi kanaka kaulana heaha ka mea i koe nona? Haina—Aole mea i koe iaia, me keia nei e maopopo ai, ua olelo mai ka Buke Nui, elike me kou hele kohana ana mai mailoko mai o kou makuahine, pela no oe e hoi kohana ai, aohe wahi mea i koe hookahi mahope nei nona, no kana mau hana kaulana no hope nei ia, a ma na ano apau ina paha ma kekahi ano, oia keia o kona wahi lole e pili ana i kona ili. 3. Heaha ka hewa make ole? Haina—Moekolohe, oia ka hewa make ole, a me keia ke ano, papa mai la o lehova ia Adamu ame Ewa, o na laau apau ua noa ia ia olua ke ai, aka, o keia laau hūa iwaena konu mai ai olua, he oiaio, i ko olua wa e ai ai e make olua, o ka mea kupaianaha aole ke Akua i hooko i kana olelo paa, o ka hoopai kana i kau aku, a maluna o lakou pakahi oia haawina a hiki keia wa. A e nana aku ina kaula o Noa, Lota, nana ia Hosea keia kaula, olelo mai la ke Akua iaia e komo ae oe iloko o keia wahine hookamakama. E nana ma Hosea, mokuna 1 pauku 2, e loaa no malaila. Me ka mahalo, > SOLOMONA PIPIKANE. Kilauea, Kalihiwai, Kauai, Dec. 18, 1911. Mr. Lunahooponopono; E oluolu mai oe ia'u e hoolauna malinini aku me ke kaeaea o Nawaieha Boy, i.ike ae hoi kaua i ka iiani o na ninau a ua niuhi la, e olelo ana penei: Heaha ka hana hewa e loaa ai ka pomaikai makeiāao? Haina —Moekolohe. A make ke kanaka kaulana heaha ka mea i koe nona? Haina —Kanu ana, oia ka mea i koe nona. Elike me ka manao oka ninau eku nei. Heaha ka hewa make ole? Haina—He hewa 00 ole. Ua lawa au, g*ood-bye friend, ke huli hoi nei ke keiki o ka makani aniu, ua kaulana i na pali. Me na keiki oka papapa'i ko'u welina. Kou oiaio, G. Makanui, Wild wind Boy Yeiw Kalaupapa, Dec< 23, ign,

Mr. Lunahooponopono o Ke Au Hou: Eia mai ka'u haina o ka oinau baibala a Na* waeha Boy. Heaha ka hana hewa e loaa ai ka pomaikai ma keia ao? Haina—He kaua (oia hoi he pepehi) kue i ke kanawai 5 0 ke Akua, a pienei e maopopo ai, e heluhelu kakou i ka moolelo oko ka- ; kou Haku lesu Karisto ma ka palapala hemoltfle, a e ike no kakou apau, me na hoeha ia ana he nui o lesu i loaa ai ka pomaikai i keia ao, a ua pio o Satana iaia ke kumu o ka maalea ame ka hoowalewale ame na hanaino apau, ka m«a. iaia ka. make, a ua hamama ka ipuka o ke aupuni o ke Akua iaia, ame ka poe apau e malama ana i kona mau kanawai ame kaoa mau kauoha, a he kumu hoohalike nohoi o lesu Karisto no kakou. A make kekahi kanaka kaulana heaha ka mea 1 koe nona? Haina —Kona aupuni, ke au* puni o Karisto, e nana ma Luka 1: 31—33. E nana hou iho ma Mat. 27: 18—20. Iloomanao ae la au i kekahi himeni i paanaau ia'u mai ko'u wa uuku mai a hiki i keia la, a penei no ia. Aole no i pau loa, i pau loa I ka hoikoike ia mai *. Ka nani a o kona aup'uni I na kini a o ke ao nei. Heaha ka hewa make ole? Haina —Hewa hoino i ke keiki, Mat. 12: 31 —32. A penei e maopopo ai, iloko, o ke Akua haokahi, ekolu mea like oia keia. Ka Makua, ke Keiki, ka Uhane Henio* lele, a 0 ke keiki nohoi ka, nrea i lilo i hoolapauai no ke ao nei, a ua kala ia ka hewa o na kaiiaka ma o lesu Karisto ala, ke keiki a ke Akua ka mea Akua elua o ke Kolukahi Hemolele. Kou no, L. B. H. Kaikamahink o na Waikha. Kalaupapa, Dec. 23, 1911. Mr. Lunahooponopono; Eia iho ka'u haina no ka ninau wawahi puniu a Nawaieha Boy. 1. Heaha ka hana hewa e loaa ai ka pomaikaimakeiaao? Haina —Puni waiwai. 2. A make kekahi kanaka kaulana, heaha ka mea i koe nona ma keia ao? Haina—Kona Inoa ame kana mau hana kaulana. 3. Heaha ka hewa make ole? Haina —He hoino i ka uhane hemolele. Kou oiaio, JULES DUDOIT. Kalawao, Dec. 23, 1911. [Ua loaa lihi mai la o Nawaieha Boy i kahi o oukou, a o ka nui no nae ua hala mawaho o ka iliwai, nolaila, age e-loaa nuk«pa Nu p.H.|