Ke Au Hou, Volume II, Number 25, 21 Iune 1911 — Ka Poni Moi o Enelani [ARTICLE]

Ka Poni Moi o Enelani

I ke kakahiaka nui o ka la apopo e hoopihaia ai ka ipu ala Amapula me ka aila ame ke puna, a waihoia ma ke kuahu oka luakini Abe. Eku ana ma ka puka o ka luakini ka Aki-bihopa me na . kokua, oiai ka wa o ka Moi Keoki ame ka Moiwahine e komo mai ana me ke mele ana o ka papa himeni,—"Ua hauoli au ika olelo ana mai ia'u, E hele kakou ika hale oka Haku." Aia ma ka aoao hema o ke kuahu na noho karauuu elua» me na paepae i hanaia no ke kukuli ana, a mahope o ka pule ana e noho ai na Moi. O na Haku ame na Ukali o na alii ma ka aoao Komohana me ka Akau, o ka Aki-bihopa ma ka aoao Hikina, a oia ka wa a Keoki V e ku »i iluna a hoike iaia imua o na makaainana. Alaila,ninau mai ka Bihopa Nui, ina ua ae oia e lilo i Moi no Epelani ma ka lokomaikai o ke Akua, e malama i kona mau ka* nawai ame koha lahui kanaka? I kona ae ana, e kakau inoa oia i ka olelo hoohiki, a oia ka wa a ke ahaiaa e hooho mai ai—"E ola ka Moi i ke Akua." E hoonohoia ka Moi ma ka noho Moi o Edeward mawaenakonu, me eha mau naita e paa ana i ka aāhu gula ame na hoailona alii, na bihopa i ka ipu aila me ke puna. Hookāu mai la ka Bihopa nui i ka papale kalaunu me ka olelo ana: "Ke poni nei au 1 kou poo me ka aila hoano, ka umauma, ame na lima, elike me na 'lii, na kahuna ame na kaula i poniia ai." E haawi ia aku iaia ka pahikaua hoomalu ame na hoailona alii, a ma keia wa e hookani ia ai na kumehala, malamaia na himeni ame na hana haipule. Mahope o keia, e malamaia ai ka poni ana i ka Moiwahine. Ua hoikeia ka manawa e kiia ai na pukuniahi o na papu ame na mokukaua ame na aupuni like ole, a me he la, e hoopouli pu ia ana ka aina me ka uwahi pauda no kekahi mau hora, he anaina ike alii ke malama pu ia ana ame na aha hauoli. Ke puana ae nei o Ke Au Hou i kana leo kalokalo, E ola ka Moi Keoki o Enelani i ke Akua. Ua hookohu ae o Firia i keia poe i mau luna nana paahao no 2 makahiki, oia o E. H. Wodehouse, apana kaapuni mua; H. A. Baldwin, J. N. Keola me William Henning, apana kaapuni ekolu. Ua hanaia he kipu ma Iwilei i ka auina la Poakahi nei, ua ki aku o Paul Dumin ia Blanche Martin he wahine Palani ame Fred Wolkas, he kelemania no ka Pualikoa Amerika, a o ka piha pu-ekolu me eha ua ki ae la no ma kona umauma iho, a make mahope iho. Oka wahine, ua poino me ka maopopo ole o ke ola, a o Wolkas ua make no ro minute mahope iho.