Ke Au Hou, Volume II, Number 23, 7 Iune 1911 — Na Hoakaka Wehewehe Moeuhane I KAKAUIA E KE KILOKILO PETENAGILA [ARTICLE]

Na Hoakaka Wehewehe Moeuhane I KAKAUIA E KE KILOKILO PETENAGILA

LIONA O ka moeuhane ana ua ike aku oe i ka liona, ka Moi o na holoholona, me kona nanaina maikai a oluolu, he hoailona ia no kou pii aku ma kekahi kulana kiekie mamua o kahi au e ku nei. Ina ua ike aku oe i ka liona me kona nanaina pololi a e uwo ana paha me ka huhu, he hoailona ia no ka nui o na poe e lili manao ino nei ia oe ma kou kulana hou. Iloko o ka hooipoipo, e mare aku ana kekahi kaikamhhine i ke kane, a loaa na inahalo ia inai e na Ahahui ame na hoaloha. RAMA O ka moeuhane ua ike aku oe i na ano rama a pau. a ua kuai aku paha oe nou iho me ka inu pu ana, he hoailona ia no ka ilihune ame ka hilahila. Ina he" kaikamahine opiopio ka mea nana ka moe, a ua lawe mai nae kana ipo i ka rama a makana mai iaia, he hoaiiona ia no kona lawe pu mai i na mea no laua e hauoli ole ai. He moe pakalaki loa ia no ka poe hooipoipo. "~ MOO O ka moeuhane ana ua ike aku oe i ka moo, he hoailona ia no ka enemi e makemake nei e hoeha mai ia oe. Ina he wahine ka mea nana ka moe, he hoailona ia no kōna hoowalewale ia aku o kona ikaika kupaa. • NALOWALE 0 ka moeuhane ana ua nalowale kou papale t he hoailona ia no kou hooluana ana me kekahi poe, a i ole, e kono ia mai ana oe no kekahi haiolelo iloko o kekahi anaina. Ina ua nalowale kekahi o kou mau lole, he hoailona ia o ka loaa hou ana mai ia oe o kekahi mea. PUA LILIA O ka moeuhane ua ike aku oe i ka pua lilia ma kou malapua, he hoailona ia no ka laki o ka loaa ana ia oe o na kauwa hana me ka oluolu. Ina he kaikamahine opiopio ka mea nana ka moe, he hoailona no kona mare aku i kekalii kanaka akamai ame ka naauao, a e loaa no ka oluolu ia laua iloko o ka berita o ka mare. PALAPALA O ka moeuhane e pili ana i na palapala, oia hoi na leta, he hoailona maikai ia no ka mea nana

ka moe. Oka loaa ana mai he heluna nui ona leta, he hoailona ia no kekahi hanohano e loaa ana ia oe. Ina he hookahi no leta, e pai ana kekahi mea no kou hanohano mahope o kou kua. Iloko o ka hooipoip|o ana, ina i kekahi wahine ka loaa ana o keia moe, he hoailona ia no ke aloha nui o kana ipo iaiaj PILI WAIWAI O ka inoeuhane ana iloko oe o kekahi anaina pili waiwai, he hoailona. ia o ka ilikole ame ka hilahila. Ina ua ike aku oe ia lakou e pili waiwai ana, o kekahi o kou ohana a hoaloha paha ke nele ana i ka waiwai olela ilihune. MALAPUA* O ka moeuhanē aua ua ike aku oe i kekahi mahinaai ua paa pono i na pua, he hoailona ia no ka laki aaie ka pomaikai. Ina ua ulu ia kekahi hapa e ka nahelehele, he hoailona ia no ka poe aihue e hoopilikia n\ai ana ia oe. MAKANA O ka moauhanei ana ua haawi makana ia aku oe e kekahi mea, hoailona ia e poho aku ana oe ma kekahi me«i Ina he wahine iloko o ka hooipoipo ka mea nana ka moe, he hoailona ia o kona ae ana i ke kūleana o ke ka.ne mare i kana ipo mamua o ko l;uia mare ana. EHA O ka moeuhane ua hou ia oe i ka pahi a ua ki ia paha i ka pu e ka enemi, he hoailona laki ole ia noa a he poho hoi malalo o kau mau lawelawe ana. KAO O ka moeuhane ana ua ike aku oe i ke kao e ku ana iluna o kekahi wahi kiekie loa, he hoailona ia o kekahi hanohano e kau mai ana*maluna ou. Ina i k:i honu.i no kahi i ku ai o ke kao, he hoailona no ia o kou laki ma kekahi hana o kau mau lawelawe ana. GULA O ka moeuHane ana ua ike aku oe i kekahi mau auk.i he lehulehu wale, he laki la e loaa aku ana no ia oe kekahi mea ē hoohauoli ai kou manao. laa he uuku ke gula o kau ike ana, he hoailona ia no kou laki ole raa ka mea au i makemake loa ai e loaa.

lA-OULA O ka moeuhane ana ua loaa ia oe kekahi i'a o keia ano, he hoailona laki ia ma na ano apau. Ina he mau mea mare hou ka mea nana ka moe, he hoailona ia no ka hanau mai o kekahi keiki ui, a e liana oia i kekahi hana kaulana mahope aku. : ;" KIAAINA 0 ka moeuhane ana ua ike aku oe i ke Kiaaina a i ka Lunakanawai paha, he hoailona ia no kekahi mea e ulia ae ana mahope aku a e ohi-ilu oe. Ina hoi ua lūlu lima pu olua aua hoike'mai oia i kona oluolu ia oe, he hoailona no kekahi hanohano e haawi iti mai ana ia oe. LUAKUPAPAU O ka moeuhane ana ua ike aku oe i kekahi' luakupapau hou loa, he hoailona ia ro ke pakalaki ma na ano apau. Iloko oka oihana, e 'poho ana ke kanaka ma kana mau hana Iloko oka hooipoipo, aole e loihi na la no na olelo i makemakeia e hooko. AILA 0 ka moeuhane ana i ka aila, he lioāilona ia no ka holopono ona hana ona ano apau. Ina he lepo ka aila au i ike aku la, he hoailona ia no ka hiki pono ole ke pahee a holopono na hana . Iloko o ka hooipoipo, he moe maikai loa keia no na ipo. 4 PU 0 ka moeuhane ana no ka pukuniahi, he hoailona ia no kekahi aumeume hakaka. Inn na kekahi o na hoaloha ou i ki aku ka pu, e loaa ana kekahi pilikia ma kona heleuluulu aku. Iloko o ka hooipoipo, he hakaka ke ulu mai ana mawaena o na ipo elua. HUMI HALAWAI 0 ka moeuhane ana aia oe iloko o kekahi rumi halawai nui, he hoailona ia no kekahi hanohano e loaa mai ana ia oe me ka maopopo mua ole. Ina he lehulehu na kanaka o loko oka rumi, he hoailona ia no ka hanohano akea e loaa ana ia oe ma kekahi oihana. Iloko oka hooipoipo ana, e mare aku ana oe me kekahi kanaka kiekie a kaulana. HAMAKE 0 ka moeuhane ana ua ike a lohe aku oe i ke poha mai o ka liamare, he hoailona ia no ka pomaikai e loaa aua i kekahiokou mau hoaioho. Ina nau ponoi no e hamare ana, he moe ponu;ikai ia ma kekahi o kau mau hana.