Ke Au Hou, Volume II, Number 21, 24 May 1911 — Na Hoakaka Wehewehe Moeuhane I KAKAUIA E KE KILOKILO PETENAGILA [ARTICLE]

Na Hoakaka Wehewehe Moeuhane I KAKAUIA E KE KILOKILO PETENAGILA

WAIU BATA PAAKIKI O ka moeuhane ana lie waiu bata paakiki holookoa kau, e loaa ana ia oe he (lala ma ka uku ana aku ia hai. KEIKI LIILII O ka moeuhane a kekahi wahine ua hanau mai nana he keiki,hemoe maikaiianoka pomaikai e loaa mai ana iaia, Ina he kaikamahine opiopio ka mea nana keia moe, he hoailona ia e loaa anaiaia heipo waiwai . I na he kanaka keiki ole, aole loa e loaa iki iaia kekahi keiki me kana wahine. PINANA O ka moeuhane e pinana ana oe iluna o kekahi wahi kiekie, he hoailona ia no kekahi hanohano e loaa ana ia oe, a i ole, e loaa ana i kau oihana ka holomua. I na kanaka i mare ole ia, he hoailona ia no kou mare ana i kekahi mea i oi ae ke kulana imua ou. UWATI O ka moeuhane ana ua lohe aku oe i ke kani mai a ka uwati, a i ole, ua ike aku paha oe i ke kau mai, he hoailona ia no ke kipa ia mai o kou hale e kekahi hoaloha a malihini. Ina i haule mai ka uwali mai kona wahi kau mai a nahaha liilii, he hoailona pakalaki loa ia no kau hana, a i ole, he make paha no kou hoaloha a ohana paha. HOLO KAA O ka moeuhane e holo ana oe maluna o kekahi kaa, he moeuhane pakalaki ia. Ina i kekahi kaikamahine opiopio ka loaa ana o keia moeuhane e lilo no kona ikaika a me ke kupaa i mea ole. MOA KANE O ka moeuhane ana ua ike aku oe i ka moa kane iloko o kou hale, he hoailona ia no ka moe maikai i ka poe i mare ia. Ina i oo mai ka moa, he hoailona ia no ka pomaikai. AIE O ka moeuhane e uku ana oe i kou mau aie me ke dala, he hoailona ia, e loaa mai ana kekahi # . . ' dala ia oe. Ina e hoopilikia ia ana kou manao no ka nui o kou aie a hiki ole ke uku, he moe ma'i ia me ka pakalaki. IHOIHO KUKUI O ka moeuhane ana no ka ihoiho kukui, he

hoailona ia no kou huli aku i ka pono no kekahi manawa aku, a e kipa mai ana hoi kekahi kahuna pule i kou hale no ka hoohulihuli, a o kekahi mea e ae paha no ka hai ana aku ia oe i kekahi mea hou. Oka ike ana aku ua pio ka ihoiho kuikui» he hoailona ia no ka hoolewa. ■ PAHU KUPAPAU O ka moeuhane ana ua ike aku oe i ka pahu kupapau, he hoailona ia no ka laki ole» a he make no kekahi hoaloha a ohana paha ou. BIPI WAIU O ka moeuhane ana uā ike aku oe ika bipi waiu, he hoailona ia no ka laki e loaa ana ia oe ma kekahi hana au. Ina he kaikamahine opiopio kā mea nana ka moe, e mare ana oia i kekahikanaka kuonoono a loaa mai na laua he mau keiki lehulehu. : MANO O ka moeuhane ana ua ike aku oe i ka mano iloko o ka wai, he hoailona lāki ia no kou pakele mai kekahi mau poino e kau mai ana maluna ou. Ina i paa ka mano ia oe, ne laki ia nou ma ke dala a me kekahi mau lawelawe e ae au. HULAHULA O ka moeuhane e hulahula ana oe iloeo o kekahi anaina hulahula, he hoaiolna ia no ka moe maikai. E lohe ana oe i kekahi nuhou;eloaa ana ia oe ka ulia laki ma kekahi waiwai. E hololea ana ka manao ona mea hooipoipo; e loaa ana he pomaikai ma kau lawelawe ana i'ka hana. Ina he kanaka holomoana ia, he huakai malie ke holo ia ana e ia ma ka moana. POULI O ka moeuhane e noho ana oe iloko O ka pouli, he hoailona ia no ka hoolewa. Ina e noho ana oe iloko o ka pouli, a ua loaa kou alanui e puka ai iwaho, he hoailona ia no kekahi mea au e nalowale aku ana. Ina i ike aku oe i kekahi malamalama mai ka pouli aku, a e hele aku ana oe ilaila, he hoailona ia no ka laki e loaa ana ia oe ma kekahi mea, a i ole, e loaa hou no kou waiwai i nalowale ai ke huli oe. MANU ELEELE O ka moeuhane ana ua ike aku oe i keia manu eleele, he hoailona ia no ka moe maikaino namea

e pili ana i kau oihana. Ina i pepehi oe a make ka manu, e hoomanao oe, ua hiki ke loaa ke kanaka aihue e hookokoke ana i kou hale a mahinaai paha. KAUKAMA O ka moeuhane ana i keia ano hua o ka mahinaai, he hoaiiona laki ole ia no kau oihana. Ina he kanaka mai ka mea nana ka moe, he kanalua loa kona oluolu koke mai. AHAAINA O ko moeuhane ana no ka ahaaina i ka hale o kou hoaloha, he hoailona ia e loaa anaia oe kekahi hoalauna hou aku. Ina he kaikamahine opio ka mea nana ka moe, e loaa ana iaia kekahi kane iloko o kela ahaaina, a i ole, makekahi wahi paha e kokoke ana i ua hale la o ka ahaaina. OHE O ka moeuhane ana o kekahi kaikamahine opiopio ua lohe oia i ke kani māi o ka ohe, he hoailona ia no ka loaa ana aku iaia ma ia mua koke iho he ipo. IIAKAKA O ka moeuhane ana ua komo oe iloko o kekahi hakaka, he hoailona ia no ka loli o kau hana i kekahi hana hou aku e loaa ai ia oe he pomaikai. No ke kanaka hana, he hoailona no ka pii aku o kona uku hana. AHI O ka moeuhane ana ua ike aku oe i ke ahi e a ana iluna o kekahi hale, he hoailona ia no ke kaumaha a pilikia iloko o ka ohana, a i ole, o na hoaloha paha. Ina o kou hale ponoi ke a ia ana e ke ahi, he moe laki ia; ina he kaikamahine opiopio ka mea nana ka moe, e loaa ana i kana ipohe laki no kana mau hana a me ka hooipoipo ana. Ina o oe ke kolohe ana me ke ahi, he hoailona ia no ka hakaka. IA O ka moeuhane e lawaia ana oe a ua paa kekahi ia nui i kau makau, he hoailona ia no ka laki. WAIKAHE O ka. moeuhane ana ua ike aku oe i ka waikahe e kahe mai ana me ka ikaika. he hoailona ia no ka laki ole, paho, heopii a me ka hoopaapaa. Ina no ka moana, he moe maikai ia, he laki a me ka hikiwawe o ka huakai. HUPO O ka moeuhane ana ua ike aku oe i kekahi kanaka hupo a-aia paha, he hoailona ia o ka hiki ia oe kc honi i kekahi wahine me kona huhu ole.

Ina e huhu ke kanaka hupo ia oe, alaila, e huhu io no ua wahine la ia oe ke hana oe pela. PUNAWAI O ka moeuhaoe ana aia oe iloko o kekahi punawai maikai, he hoailoaa maikai loa ke loaa i kekahi mea. E holopono ana na hana iloko oka oihana ame ka hooipoipo. Ina he lepo ka wai, he hoailona ia no kou laki oie iloko o kau mau lawelawe ana. ALOPEKA 0 ka moeuhane ana ua ike aku oe i keia'holoholona hihiu, he hoailona ia no kou kiki ia malalo o kekahi mau hana. Iloko oka hooipoipo ana, ina ua ike aku oe i ka huelo o ka Aiopeka» aole he oiaio o ka manao o kau ipo ia oe. HOOLEWA O ka moenhane ana ua hele oe i ka hoolewa, he hoailona ia no kou kono ia mai i kekahi anaina mare, a i ole, i kekahi ahaaina paha. Ina he huakai hoolewa kau i ike aku e maalo ae ana, he hoailona ia no kekahi huakai lealea no kekahi wahi okoa aku. E hoomauia aku ana.