Ke Au Hou, Volume II, Number 21, 24 May 1911 — NA BUKE O KA BAIBALA I NALOWALE [ARTICLE]

NA BUKE O KA BAIBALA I NALOWALE

Aia ma ka Buke o Nahelu mokuna 21 a ma ka pauku 14 penei ka heluhelu ana: Nolaila, ua oleloia maloko o ka buke o na kaua a lehova. Eia ka ninau. Aia mahea ia buke? Ua nalowale hoi. Ua oleloia ma ka buke ekolu o Na Lii, ua kakau o Solomona he 3000 mau olelo akamai, aka nae, ma ka nana ana i na mea i paa maloko oka Baibala aole i oi aku mamua o 1500 e ikeia nei, oke koena ua nalowale. Ma ia buke hookahi no ua oleloia ua kakau no o Solomona he 405 mele aole nae i hiki aku i ka hapalua oia huina mele i ikeia ma ka baibala. Ua nalowale paha ea? Ua hoakakaia nohoi kekahi mea e piliana noka buke a Natana ke Kaula, aka, aole no he buke oia ano 1 ikeia ma ka baibala, ua nalowale no. Ma Oihanalii, ua ikeia no ua kakauia ka David mau hana iloko o ka buke a Samuela ka Makaula ame Natana ke Kaula, aole no i ikeia keia buke, ua nalowale no. Aia hoi, ua hoakaka ia maloko o ka baibala he palapala ka Paulo i ko Kolosa, aole nae he ikeia. Ua nalowale no. Ua kakau o Paulo i ko Korineto he elima palapala, aka nae, he elua wale no e ikeia nei ma ka Baibala, a o ke koena ua nalowale. O ka huina pau o na buke i nalowale o loko o ka baibala he 23, he 19 bufee no ke Kauoha Kahiko ahe4no ke Kauoha Hou. Nui maoli keia nalowale. ♦ — Na wa e hapai ai kekahi mau holoholona a hanau i ka lakou mau keiki, ka Elepani 1 makahiki me 9 malama, ka Bufalo me ke Kamelo 1 makahiki, ka lio ame ka hoki 11 malama, ka bipi 9 malama, hipa, liona, 5 malama, ilio waha paoa 9 pule, popoki 8 pule, puaa 16 pule, ahaolelo pipi kuapuu 60 la. Kuu wahi i'a aia i ka lewa e kau ai, holoholo a hoohoaloha pu me na pua, lealea a paani pu i waena o na kihapai me na hua ai ono, a na ke ola o kou ma'i anu e hai i kona ono. Haah. ' m i%i? He Nioi, wahi a kamalii.