Ke Au Hou, Volume II, Number 20, 17 Mei 1911 — Na Kuhinia o ke Kalana [ARTICLE]

Na Kuhinia o ke Kalana

Eo ka paani popo upena (Tenis) ia Kauka ma ka Poaha i hala a haule o Balauwina, he 6-3; 6-4; 6-2. " ; Ua lapaauia ae o C. W. Hall no ka ona mau me ka paa mau no 6 manawa, he 20 la e noho ai ma Iwilei. E hele kaapuni aku ana o M. A. Silva no ka nana ana i ka holopono o ka malamaia ana o na limahana Paniolo me na Pukiki o loko o na mahiko. Ua hopuia o Vamacita Kepani ma ka Poakolu i hala e ka luna nana mea ai, no ka hana kolohe i ka hau-kalima, aole i lawa na pakeneta waiu bata e onoono ai. Ahe umi dala kona hoopai. Ile Pukiki o Miguel Jose kai opa pu ia na aoao ma kahi hana pohaku o Kameiliili i kela Poaha aku nei, mamuli o ka hinee ia ana e na pohaku okaoka iluna o ke kaa ana e hoopiha ana Pakele na lima me na wawae mai ha'i pu. « lle mau po hakoko keia ona Kepani ma Aala Paka ame kahi mau hana lealea e ae. Hopu a hopu ma ka malo, a huki a molio ka alu, a hoolei kuwala a hina ilalo. He 350, 250, 150, ka uku komo. E malamaia ana ka heihei kukinio 15 mile mawaena o King me Con Hubeneta ma ka Ip 11 o lune, ke pono na hooliuliu ana. He mau ihukani like no laaa a elua no Kapoho, a nawai ana la ke eo? No ka hoomainoino holoholona, ua hoomalu ia o J. Silva he 13 mahina e lunakanwai Maunakea, no ke kumu, he mea okoa ka ona o ka lio, a he mea hoo-ki wale no oia i ka puaa holo honua. He 10 keneta ka uku kuala no ke dala o na auhau uku ole ia e hoomaka ana mai ka la 15 mai o Mei. Ua hopuia mai nei ma Kyoto, lapana, ma ka mahina o Apei'ila o A. C. B. Flether me J. A. Richardson he mau haole i noho oihana kumukula no Honolulu nei i kahi wa i hala ae nei, no ko laua pa'i ana i ke kii o kekahi o na papu ikaika o lapana, a ua hoopaa ia laua maloko o ka halepaahao. Ua hala aku no ka hau-oki o Kaleponi ko makou hoilolia o ka oihana pa'i palapala J. Kamanoulu e ike ika hau hoopuakea ili. Oka makou e kalokalo ae nei: "E nihi ka hele'na ika uka o Puna, mai pulale i ka ike a ka maka."

Ua nōi ae o Mary o'Donell i kahu no J. A. 11. Kaipoaloha Wodehouse i ikeia he moopana o 15 makahiki na Ake Cleghorn. Ua noho keia moopuna me Ake no kekahi mau makahiki loihi. Ua hoole ae ke Kiaaina i ke kuahaua pili au« puni i ka la poni Moi o Keoki o Enelani, koe wale no na hale oihana e hoomanao ana ma ke paoi ana i na puka. Aia ma Alanui Pauahi kokoke i Nuuanu e loaa ai na lei pepa me na plia hoowehi ia Mrs. Kalakiela no ka la 30 ae nei o Mei, ka la o na mea aloha i hala. E au, mai lohi. He ekolu eka aina o Kaimuki i hookaawaleia no ke kukulu ana i halekula o 60,000 i hooholoia iho nei e ka ahaolelo, oia kela kahua hoikeike o na holoholona ili alualu mamua ke "Zoo". Ua kokoke loa neia wahi i na pukuniahi nunui oka papu o Leahi. Ma ka Poaha i hala i lele mua ai ka olelo mai Kapalakiko mai a hoea i Kahuku, Oahu, me ka molale maikai, aohe pohalu, a no ka mamao hoi 0 2000 mile a oi. Ua like keia me ke kaula-waha ana i ka makani a hoea i Honolulu nei mamuli o ka ume mageneti ame ume ka uwila pipili. Ma ka Poaha i hala, ua huli iho la kekahi i-e 1 piha i ke "aku" me ka "mahimahi" mai ka waapa Kepani aku a luu hou ana iloko o ke awa o Kou nei. Ua hiki ole ina Kepani ke luu no ka hookapu a ka Papa Ola, a ua poho wale kela mau i'a nunui. Ua pau i ke ahi ma Makapala, Kohala, i ka Poalima aku nei, ka hale o John Lewis e noho ia ana e Ah Chong Pake me ka wahine paniolo ame ka.laua keiki. Na Mr. Ignacio o Hamakua i huki ia laua mai ka moe mai a pakele ai oiai ke ahi e a ana. He mau lako koa kai poino ame ka hale no $400 waiwaiio. E aahu ia ana e ke Kamaliiwahine Kawananakoa iloko o na luhielni o na lole hihimanu ma na hana hoohiwahiwa Poni Moi o Keoki VII o Enelani i ka la 22 ae nei o lune, he kapa ahuula hulu manu loihi a hoea i na kuli i lawe pu ia aku nei e ia, a he waiwai hoi no kana kane D. Kawananakoa. E lawe ana oia ike kulana alii o Hawaii me ka lei hulu mamo ma kona poo aOie ke kahili a me he la, aole ana e nele ke kau-o ke anuenue ame ka ua koko-ula.