Ke Au Hou, Volume II, Number 20, 17 May 1911 — Untitled [ARTICLE]

Ua lilo i mea hoopahaohao noonoo no ka lehulehu ka hoomaopopo ana, ma na wa apau e oili mau aina ma'i laha korela a pela aku, o Kauka Li Pake ka mea nana e hoike mua ana h i ka Papa Ola, a mahope ae na Kauka haole e hookamaemae ai; a oia ana like no i ke korela ame ka bubonika o 1903 ame 1905. Ma ka nana aku, ua oi aku ka makaukau o keia Kauka Pake mamua o na ili-keokeo a kakou e hilinai wal'e nei, oiai, ma ka wa e ninau ia aku ai ka laau no ke korela, e hoole mai ana, aohe laau. Eia ka Papa Ola ke uhai aku nei mahope o ke alakai ana a na Kauka Amerika, aole hiki iaia ke ku a lawelawe nona iho ma ka mea e pono ai ka lehulehu. Hk mka hoonaukiuki aku ia Amerika na hana hoohakaka & ke Kiaaina ame kekahi poe

alunu waiwai e kue aku nei i ko ke aupuni lawe ana ae i ka aina o Mahuka i kahua e ku ai kona hale aupuni maanei. He hoolilo ana keia i ke aupuni makua i kamalii, ma ka hoololi ana i kana wahi i koho ai, o ka ae i hoole, ao ka hoole i ae. Aole oia wale, aka, e a'o pu aku ana, aole e hoolohe mai i ka lakou mau noinoi oihana, a e lawe o Amerika ia mana a hookohu mai i kiaaina mai o mai, aole i koonei poe, a peJa me na oihana like ole. He pilikia nui nei mamuli o na hana poo 1010 opae. He oi aku ke kupono o Kuhio i Kiaaina ma kahi o Firia mamua o Likana Eliwai, a o Paulo Isenberg i Elele Lahui, a o Eliwai no ke kulana Senatoa, a i ole, i Meia. E kuapo lio nohoi paha i kekahi manawa, aole ia hemea e ahewa aku ai ka lehulehu. He palapala mai kekahi Pake kamaaina mai ma ka inoa o "Sam-shu'' kai hoounaia mai ia makou mai ke keena mai o "Ke Aloha Aina'' ma ka Poaha i hala, e pane ana i ka ninau hooulu lahui Hawaii e paio nui ia nei. A eia na olelo a ua hoaloha ala: "HUPO TALK." "Pehea kela mau olelo Hawaii hooulu lahui, aole hiki hoololi? Aia no ka hooulu lahui, ina oukou ka poe kaikamahine i male no ia oukou ka poe keikikane, alaila, mau ka ulu ka lahui. Aole puni wale ke dala ia makou ame ka poe lahui okoa, oia ka mea loli kela ili. Pono no ka makua e wae ka mea kupono." O keia ae la ka manao hoakaka o nei aikane Pake a Ke Au Hoū, a na oukou ia e ka lehulehu e nana mai i ka pololei ame ka pololei ole o kana mau wehewehe. He Pake kahiko keia, a ua kamaaina i ka noho ana o na Hawaii, a oia keia e hoike nei i kona aloha, Nolaila, pehea ko oukou manao e na makuA moa keiki?