Ke Au Hou, Volume II, Number 20, 17 May 1911 — HE MOOLELO NO KA Hookumuia Ana o na Paemoku o Hawaii Nei AME KA HOOLAUKANAKA ANA I HOIKEIA MA NA MELE HAWAII KAHIKO [ARTICLE]

HE MOOLELO NO KA Hookumuia Ana o na Paemoku o Hawaii Nei AME KA HOOLAUKANAKA ANA I HOIKEIA MA NA MELE HAWAII KAHIKO

Houluuluia e John H. Wise

NO NA KAIIUNA lIOOPI'OPI'O PAHIUHIU AME APO LEO Ua like no keia poe ine na kahuna aihemu aka nae, ma ke ano o ka hana ana aku ka like ole, he lohi ka kahuna aihemu, a o ka keia poe he emoole. Aole no he ano o ka hana ana mai e make ai, he mele wale no i ka waha ke nana aku he mea hoolealea wale no, aka, ua lilo keia i hana e oleloia ai keia lahui he hoopunipuni. Malia, pela io paha, aka nae, ke nana aku malia ma ke ano ewe no no ke koko Isaraela o keia lahui ka maa ana i keia hana, oiai he poe maa no hoi lakou ia hana, o ka anaana, pela i hoikeia ai ma Kan. 18: 10, 11. I ka hoomaka ana o ka pule, o ke kahoahoa ana i na aumakua akua ka mea nui, e helu ai ia Uli, Uli-iuka, Ulinanapono, Ulinanahewa. Ahe elua no ano o ka pule e pule ai, oia hni pule kaholo, a he pule umi, a eia ke ano o ka pule umi: KA PULE UMI "E ku e Kama wahia i ke alo E ku e Kama wahia i ke poo e Kama E eu ka ilo i ke poo e Kama E Kama i ke Kama, e Kama Puupuu ka ilo i ko maka A'ina ko waha e ka ilo e Kama Popopo ko waha e ka ilo e Kama Huaina ka ma'i i ko puu e Kama Wahia e ka ilo a'ina e ka ilo E maneo ka ilo i ko puu e Kama E nakakaka ka ma'i i ko umauma Umauma puka a'ina e ke ilo E ka ilo pakapaka a'ina e ka ilo e Kama Wahia e ka ma'i i ko kua a nakaka ko kua

E eu ka ilo i ko kua, a mumulu ka ilo E naholo ka ilo, e pupulu ka ilo i ko kua Wahia e ka ilo, e kuai e ka ilo £ huaina ka ilo i ko kua e Kama E huaina ka ma'i i ko opu E lehu ka mai i ko opu E eu ka ilo i ko opu » E naholo ka ilo i ko opu E eku ka ilo i ko opu E wawa ka nalo paka i ko opu E uwe ka nalo paka i ko opu E mumuia ka nalo paka i ko opu E ka nalo ilo pakapaka e Kama Make i ka po ē Kama i ke Kama Kapuhia ka mai i ko hope E ulu ka mai i ko hope Palahe ka mai i ko hope Popopo ka mai i ko hope E lehu ka mai i ko hope E nanaka ka mai i kahola Huaina ka mai i kahola E eu ka ilo i kahola Hoeu ka ilo i kahola E mumulu ka ilo i kahola E uwe ka nalo i kahola Kohala paia e Kama Wahia ka mai i ko uha Huaina ka mai i ko uha Aina e ka mai a nakaka e Kama E eu ka ilo panopano E huai e ka ilo i ko iwi uha Puha ka mai i ko 010010 wawae E eu e ka ilo a n»aneo e ka ilo Aina e ka ilo e eku e ka ilo Iluaina e ka ilo e Kama Popopo oe e ka ilo la e Kama i ke Kama 1 lohi oe e Kama e milu e hulihia Heaha ka i a, he kumimi, he koēi he lohelohi^ 11® ak»a, he hO'awn, hg s\ihuh\;

He ipuawa he ilihee Amama i ka lele mua ka onohi kahi walewale. Ke pau keia pule, alaila, wahana ae la ke kahuna: "Eia ka'u make la, i hele auanei a i lnhe oukou he kanaka i hele i ke ala a nakaka ke kua, a ku ke ino, a pau i ka ilo, a i ole, make ika moana a pae ika aina, a i helei ka wai, oia make ia a'u ake kahuna, a i ole pii i uka.a haihai na a-u ke lele i ka pali, kahe ka wai i ke alanui, oia make no ia a'u. "A i kanuia ilalo, a huaina e ka ilio oia make no ia a'u a ke kahuna, a i ike oukou i keia mau ouli i ko oukou mau pilikana, hoaloha mai hele aku e uwe, o hoi auanei ka pule ia oukou papapau oukou i ka make." KA PULE KAHOLO "E ala a make loa He Kaupu nui ka lalau Kani mai ana ka lalau Heaha la ka ai Kalalau He kanaka ka ai Kalalau O kikiliopapa i ka lani Olai ka honua Pepee a ko wawae Lolo a ko lima nei Kuapuu a ko kua nei Owili a ko a-i E huai a ko poo nei Popopo a ko ake Helelei a ko naau Ko makalahia e ka pu E ka pu nui kani kua mauna. Kani mai ana Kalalau Heaha la ka ai Kalalau He kanaka ka ai Kalalau O kikiliopapa i ka lani Olai ka honua lapalapa ka uwila Pepee a ko wawao Lolo o ko lima nei Kuapuu a ko kua nei Owili a ko a-i Kapakahi a ko waha Poopoo a ko maka nei E huai a ka mai i ko 1010 Popopo a ko ake Helelei a ko naau nei Pueo nui Kalalau E pio mai ana Kalalau Heaha ia ka al Kalala»

He kanaka ka ai a Kalalau O kikiliapapa i ka lani Olai ka honua lalapa ka uwila • Lolohi, lolohi, lolohi, lolohi ' Nenee, nenee, nenee, nenee Nonopa, nonopa, nonopa, nonopa • Ke peo la omia la, omia omia la Onanaha la o Onanaha Omia la e Omia O kona maka la e omia O kona ihu la e O kona waha la e omia O kona kania-i la e omia—" Aka nae, ke hiki mai ke kahuna i keia pule, he pule hoano ia, oia ka wa e hemo ai o ka nialo o ke kahuna no ke kuni ola a kuni make ana, a ke nana aku ua Hke na kahuna o keia ano me ka pupule i waena o ka aha kanaka, aole nae pela kahuna aihemu he hana malu lakou. Eia he wahi pule hoola no ka laoa a i maa i ka hanaia iloko oia au a ua pinepine no ka hanaia ana oia pule, a ua ike ia ka holopono ana. O kekahi oia poe i laoa ika i'a ahelehole, manini a i'a eae paha i alapoholo ia i kaheka kahakai no ke ano he mea hou, a lilo i kumu pilikia maoli. I kekahi wa ua laoa mai no ka penu ana i k'® kai me ka hoohalale ana, a i ka nanea ana pela i poholo aku ai ka i'a iloko me ka wali ole, a paa i ka puu aole e hiki ke hemo mai, oiai e ala mai ana na iwi kuala a hiki ole ke alo ae. Oia ka wa e kii ia ai o ke kahuna o keia ano pilikia a hiki mai la, alaila, pule ke kahuna i keia ano pule a oia keia: "Laoa la ola, puua la ola E pala e ka ia e moa e ka i'a E palahe e ka ia e mo'a e ka ia E palahe e ka ia e palupalu e ka la E popo e ka iwi e lehu e ka iwi Ai oe i ka manini la Puua, laoa, uu ka ola Pepee uu ke ola Pepee kulolo no ke ola Ai oe i ka manini ia Puua, laoa, uu ka ola Pepee uu ka ola Ai oe i ka aholehole la Puua, laoa, uu ke ola Pepeei kulolou uu ke ola," {$ hnmHiio aku ma,)