Ke Au Hou, Volume II, Number 19, 10 May 1911 — Ka Moolelo Hialaai Nui ia o Sa Naita Wiliama Vanona KE DIA KEOKEO O NA PAE MAUNA O SADONI, KA LAWAKUA NOHO WAONAHELE O KATALANA, A I OLE, O KE PUKONAKONA KAULANA O KE ALOALII O EDEWADA KA MUA [ARTICLE]

Ka Moolelo Hialaai Nui ia o Sa Naita Wiliama Vanona KE DIA KEOKEO O NA PAE MAUNA O SADONI, KA LAWAKUA NOHO WAONAHELE O KATALANA, A I OLE, O KE PUKONAKONA KAULANA O KE ALOALII O EDEWADA KA MUA

Pela i ike ia aku ai kela ame keia i makaukau no ka lawe ana i na mea kaua e paa ana ma ko lakou mau lima a e nee ana no loko o ka pakaua, a pela lakou i hele aku ai e hui pu me ka puali koa o ke ahi a lakou e lohe wale nei no. Mamuli o ko lakou lilo loa i keia mau hauoli, me he la, i ka nana aku ua lu ia a nalowale loa ko lakou mau manao ehaeha no ka lakou mau mea aloha i hala aku. Iloko nae o keia mau hauoli nui o lakou, aka nae, aole loa i hoopoina iki 0 Vanona i ka malama ana i ke anaina hoolewa kupono no kona kupunakane. A i ka hiki ana mai o ka wa no ia apana hana, ua malama ia me ke eehia maoli no na hana, a he kaoo loihi hoi o na poe e kupuni ia ana me na waimaka kai ukali aku i kona wahi e hoomoe ia ai no ka wa mau loa, no ke kakali ana 1 ka pu hoala a ka Anela. Ua hiki pu mai iloko o keia wa e malama ia nei o keia anaina hope o ke kupanekane, a oia kana i huli ae ai i ka wa i pau ai oia hana ano nui a pane aku la i ke kaikaina o kona makuakane: "E ke kaikaina o kuu makuakane* eSa Reginala Crowford, ke waiho nei au i ke kulanakauhale nei malalo o kau malama ana, a e malama pu oe i kuu mau kaliu hanai nei ia Elesapa ma, oiai he mea nui laua i kuu makuakane a i ko kaikuaana hoi. "0 na koa nana e malama ia Ayr nei, aia lakou malalo o Aukinaleka, oiai oia ka mea mua loa i komo mai iloko o ka pakaua iaia i>.ike ai i ka lanakila o Ayr nei." Mahope iho o ko Vanona ike ana, ua paa kupono ke kulanakauhale i na koa, a ua ikaika kupono nolioi e hiki ole ai i na eneini ke lele kaua mai, a pela oia i hoakoakoa mai ai i kona mau

koa a pau loa. Hooinaopopo iho la oia, ua lawa maoii no ke kuianakauhalo o Ayr me na koa ho 500, a lawa hoi oia me 3500 koa e hele pu aku ai me ia i kana wahi e makemake nei e hele aku. Ua manao oia e hele aku i Berewika,a ua ike nohoi oia ina oia e hoomau ana i ka lawe pio ana mai i na pakaua ikaikA wale no, pela auanei e kono ia aku ai ka manao kakoo o na Sekotia oiaio a aloha aina e kakoo mai iaia. Me keia mau manao i puka aku ai o Vanona mai Ayr aku, i ke kakahiaka mahope iho o ko lakou komo ana mai a lanakila ai malunaoia kulanakauhale. Nolaila i ko lakou hele ana hiki mua aku la lakou i ka pakaua o Dangalasa, a ilaila i hoouna aku ai o Vanona i kekahi kenerala ona e hele aku i ke Kiaaina, a e noi aku e haawi pio mai ia pakaua, a pela no i haawi oluolu wale mai ai no oia me ke kaua ole ia. Ika lilo ana mai o keia pakaua, aole no i hoomaunauna wale aku o Vanona i kona ola, aka nae, hoohiki mai la na alii koa Pelekane ame na koa,> pela nohoi me ke Kiaaina imua ona, aole loa lakou e hapai ae i ka lakou mau pahikaua a kaua kue mai ia Sekotia. 0 keia maua pakaua oia no o Peebles, Nidipata ame Traquair ma ka okana aina o Tweedala a piha nui mai la ia wahi a pau i ko lakou ike ana mai i ka welo ana ae o ka hae o Sekotia i ka welelau. Aka nae, iaia i hookokoke aku ai ike kapakai, oia kona wahi i halawai mai ai me na hookuia he nui, aka, aole no oia i hookuemi hope ia iua ia mau wahi, aka, ua hooulia koke aku la oia ia Edewini kana elele lawe kauoha e hele aku e nonoi i keia mau wahi no ka haawi pio mai, oia hoi na pakaua ma ke komohana o ka inuliwai Merse ame na palena o ka okana aina o Berewika.

Ia lakou i hiki aku ai mamua pono iho o ka pakaua o Berewika, oia kahi a na poe Pelekane i manao nui ai, oiai oia kahi o ke awa ku moku maikai loa, a oia ka lakou wahi i manao ai he wahi hoolulu moku kupono no lakou, a e hiki ai hoi ko hoopae mai i ko lakou mau puali koa me ka maalahi. O keia wahi kahi i hoolawa pono ia e ua poe Pelekane nei me ka makaukau lawa pono no ke pale ana aku i ka enemi, a pela nohoi lakou i manaolana iuau ai aole e liiki i kekahi o ko lakou mau enemi ke aa aku e kaua ia wahi o lakou. Nolaila, i ua Sa Naita Vanona nei i hiki aku ai ma ia wahi me kona puali, ua hoomaka koke iho la no oia e kaua aku nie ka hoohakalia ole, a waiho hoi i wa no ka pakaua e hoomakaukau ai. A iloko o umi la o ko ua Vanona nei hooili kaua mau ana i pau loa aku ai kona mau enemi i ke emi iloko o ko lakou pakaua e noho ai, oiai aia pu he ikaika papaluā i loaa i kona mau enemi oia hoi na makaukau o na aumoku kaua ma ke kai mai e kue mai ana i kona wahi puali koa. Oiai ua mau moku nei e ku kiai mau ana i ke awa no ke kokua ana mai i na koa Pelekane, nolaila, noonoo iho la oia, ina no e mau mai ana ke ku ana mai a ua mau moku nei makai mai, alaila, he mea no auanei ia nana e hoopuipui mau mai ai i ko ka enemi ikaika. laia i ike ai i keia pilikia hou ana e na'i aku ai, nolaila, hana iho la oia i kekahi o na hana inaalea i wahi e hoopuhili ia ai o kona mau enemi, mahope iho o kona ike ana aia no he poe makaukau i ke kaua moana iloko o kona puali koa. Pela oia i hoouna aku ai i ua poe koa la ona he lehulehu wale, ma ke ano he poe Pelekane ua pau nui i ke pio, a e hoi aku ana iluna o ko lakou mau moku, e alakai ponoi ia ana no eia me ka maka'u a hopohopo ole iho, no na poino e ili mai ana maluna iho ona. A i kona kau ana 110 iluna o u.a mau moku nei, me kona mau koa no ia hana ana i hookaawale ai me ka eleu nui, aole oia i hoopau mauawa wale iho, aka, ua, hoomaka koke no oia i ke kaua ana aku, a pela i lilo mai ai na moku maloko mai ia lakou, a iloko o na la ekolu oia kaua ana i lilo pio mai ai ke aumoku holookoa o na enemi. E hoomanao ia, i ka wa a Vanona e kaua la i na aumoku ma ka moana me kekahi mahele o

kona puali koa, aia pu hoi ka pakaua ia manawa ke paniku ia la e ka mahele aku i koe o ko Vanona puali, malalo o na hoolala ana a Edewini. Me keia ano e hana ia nei eua poe Sekotia nei, ua hookupilikii loa ia ka enemi, a pela i holo ae ai iloko o lakou iho na noonoo kupilikii, a oili mai la na manaolana poho, a o ka lakou wale 110 i noonoo ai o ka hoouka makapo wale mai no i ka puali koa o Yanona. Nolaila, i ka hooili kaua ana mai o ua poe ■ Pelekane nei me ka hooikaika, ua lehulehu maoli no lakou i lukuia, a oiai ua Vanona nei e ike nei i keia hana a kona mau enemi, pela i komo inai ai iloko ona ka manao ahonui i piha pu i ke aloha hoa kanaka. Ame ia ano oia i kauoha aku ai i kona mau luna koa e hooki i ka ltfku ana, a e hoopāu i ke kaua ana aku i ka enemi, aka nae, ua nonoi aku la oia e haawi pio mai i ka pakaua iloko o 12 hora wale no, a ina e ae ole ia jnai, alaila, e pani ku ana oia ia lakou iloko a hiki i ko lakou make ana i ka pololi. Aka, oia noi ana, aole no i ae ia mai, pela oia i haawi ae ai i ke kauoha i kona puali holookoa no ke paniku ana i ka pakaua, aole e ae ia kekahi poe e puka mawaho, a e komo aku, aole hoi e haawi ia na lako ai, ame na mea e ola ai o ka pakaua. Haawi pu aku la oia i kekahi kauoha mana i kela ame keia koa ona, ina lakou e ike ana i kekahi mea e puka mai ana, a e komo aku ana paha, ua loaa ia kuleana i kela ame keia koa me ke kaukai ole i kekahi luna koa e pepehi ai, a e lawe pu ia aku hoi keia lohe iloko o ka pakaua, a e hoolaha akea ia iloko o ke kulanakauhale. 0 ka poe koa i pau i ka eha ma ke kahua kaua, ua pau nui iho la lakou i ka make a ka ai ame ka wi, a pela pu nohoi me kekahi poe kino ikaika e aku ua make wale mai la no i ka wi a ka ai, oiai ua noonoo mua no o Vanona ina oia e waiho ana i ke kulanakauhale pela, malia o ala hou mai lakou e kue iaia. Nolaila, hoouna aku la oia i kekahi mahele o kona puali koa e paniku i ka hoolakoia ana mai o ke kulanakauhale me na lako ai, ame ia ano i nawiliwili ai ke kulanakauhale ame ka pakaua. Mamuli o keia pilikia a ua koa Pelekane ame ko ke kulanakauhale e ike pono nei, oiai na keiki

*m« na wahine e uwe ana no ka ai, ame na luea • ola ai, ua lilo loa ia i mea e hoopilikia ai ia lakou, a no ia kumu ko ke kulanakauhale afm® ka pakaua i nonoi aku ai i na aliikoa e haawi pio mai ia Vanona ame kona pualikoa wiwo ole. Wahi a ua poe koa nei o loko o ka pakaua i pane aku i ko lakou mau aliikoa: "Me he la, ina aole oukou e ae ana i kela noi a ke aliikoa Sekotia, alaila, iloko o 24 hora wale no i koe mai keia manawa aku, e pau loa ai i ka make ko ka pakaua holookoa nei, oiai ka make a ka ai ame ka wai e pahola ana iloko nei o ka pakaua, a oia make ana o na koa, oia # kekahi o na hana nana i hoohaahaa loa ia Pelekane, oiai ua make iho lakou aole ma ke kaua ia mai, aka, he make huapowa mamuli o ka wai ame ka ai." Nolaila, i ka hiki» an«? aku o keia mau leo uwalo imua o ke Kiaaina Pelekane, ua mihi nui loa iho la oia no kona pupuahulu maoli, oiai o kana i manao ai, o kona hoi ana iloko o ka pakaua, oia kahi e loaa ai iaia o ka maluhia ame ka palekana. Me kona 'manao pu oiai oia i hoi aku ai ilaila, alaila e hoouna aku oia i kekahi o kona mau moku kaua e kii hou aku i mau koa nona e hoopani mai ai ia Vanona ame kona puali koa, a pela oia e nawaliwali koke ai, a pau o Vanona ame kona puali i ka lilo pio aku ia lakou, aka, he moeuhane palaualelo maoli no ia a ua Kiaaina nei, oiai ua lilo pio holookoa mai la na aumoku kaua ona ia Vanona. Mainuli oia lilo pio ana mai o ua man aumoku kaua nei, i hoonoho ia aku ai e Vanona kona poe makaukau i ke kaua moana, e paa aku malalo o ko lakou malu ka maluhia o ua mau aumoku kaua la ame ko lakou mau lako kaua ma ka moana. I keia ike ana o ua Kiaaina nei i keia kulana ikaika maoli o ka enemi, ua lilo ia i mea e oki pu ia ai o ka manaolana o ua Kiaaina i *, ame he la, i ka nana aku iaia ua like maoli no oia me ke kanaka e ola ana, a ua maloohaha nae ka puuwai i ke koko ole. No ia mea, pane mai la oia i kona mau koa; "He mea hiki wale no ia oukou ke haua aku i keia mau inea a oukou e noi mai nei ia'u, aka, no'u nei la o ka hunona a ka Moi Edewada o na Pelekane, i ko'u manawa e ae aku ai e wehe i na

ipuka o ka pakaua nei no ke komo mai o keia poe euemi, ke manao nei au o hora hope loa ia, pela au e hiki ole ai ke haaiH pio wale aku i kekahi kanaka Sekotia kipi." I ka lohe ana o kona mau koa i keia olelo a ko lakou Kiaaina, pane mai la lakou imua ona me ka hoohiki paa pu mai, e make pu no lakou ma kona wahi e make ai, a i kona lohe ana i keia mau olelo a kona puali koa, mai la oiaia lakou: "Ina pela ko oukou manao, alaila, e pono kakou e hoomakaukau ia kakou iho. "O ka'u e kauoha aku nei ia oukou, e eft kakou i mau lua nunui malalo pono nei o ke towela a i ka makaukau ana e puhi maoli ai kakou i ke towela nei i ke ahi i hiki ole ai i keia poe Sekotia ke hoomau mai i ke kaua ana mai ia kakou. Eia ka manao o keia eli ana ina e holopono, alaila, hoi kakou iloko o laila, a i ka a ana a ke ahi .manao o Vanona ua pau loa keia ike ahi a haalele lakou ia laila, alaila, oia no ka wa a ua poe koa Pelekane nei e palekana ai, aku a holo aku no ko lakou mau ola iho. Ia lakou e hoomakaukau nei e hana i keia hana, aia pu no o Vanona ke noonoo mai la, e hana ana no ua poe Pelekane nei pela, a oia ka ua Vanona nei i haawi ae ai i ke kauoha ia Andrew Murry ame kekahi mau koa e hoopuni i ka pakaua, a e malama pono loa. A no Vanona ame kekahi o kona mau alii koa ame ke koena iho o ka puali holookoa, e komo aku lakou mamua pono, a no ua Vanona nei nae ame kekahi mau koa e aku, pii aku la lakou maluna aku o ka pa, a pela i hoomaka ai kekahi kaua lua ole o ka hahana maoli. Oiai ka wa o na aoao a elua e paio nei me ka hahana, oia no ko Vanona wa i halawar aku ai me kekahi aliikoa ana i haawi ai i kona mahalo. He mea oiaio, aole oka maikai wale o kona oiwi kino ame kona aahu kana i papahi aku ai i na hoomaikai ana, aka, ua haawi pu aku oia i na hoomaikai ana i kona ikaika ame ka makaukau ika oniu ana i na lako kaua. He oloio i ke kiina hauna palii a kona hoa paio, he akamai ame ka ike ma ia hana, ua kaulana ae kona inoa iwaeea o na kanaka i lawa ma ia ano hana, mai kela pea a keia o ka aina, no ka mea o kana hana ia i a'o ia ai. E hoomauia ahu ana.