Ke Au Hou, Volume II, Number 18, 3 Mei 1911 — KA MOKU EA NUI O KE AO NEI [ARTICLE]

KA MOKU EA NUI O KE AO NEI

He elua mau hui nui o Kelemanfa e liuliu nei no ke kapili ana i moku hookalakupua e lele ai i ka lewa no ka aloalo ohua ana, me ka hapai ana ia 120,000 kubita metala. Ua pa-walu aku ka nui o keia moku i ko Kauna* Zupilina. O Boeno ka mea nona keia moku hou, nona ka loa he 775 kapuai, a he 130 ka laula, a e hooneeia ana keia moku e na enegini ea he 30 no lakou ka ikaika pakahi o 100 lio huki, e hiki ole ai i ka ikaika motio o ka makani ke onou hou i hope, a nona na aliimoku he eono ame 94 mau luina, no ka hali ana ia 200 ohua. Ua hoomaopopoia e hiki ana i keia moku ke lele i ke kowa o ka Atelanika mawaena o Ladana a hoea i Nu loka iloko o na la ekolu wale no, i oi aku ka holo i ko na mokuahi holo loa, aua hoolako pu ia o luna me na rumi ohua kapena ame ohua oneki, ka rumi aina ame ka uwea-olelo e like me ko na moku e ae. Na Kelemania keia moku e hana mai nei, i hoolakoia me na kukui uwila e hoomalamalama ai ika lewa. He moku hou ae no kekahi no ke kaahele ana mai Ladana a Parisa, Viena a Berelina a hoi hou a hoea i Ladana, no $90 o ka ohua ma ia mau wahi. Oka waiwaiio o keia mau hui kapili moku ea, he $10,000,000. Eia ae ma ke alahele 110 ka hoikeike ana ma Honolulu nei uia ka la 26 ae nei ka hui himeni pookela o na keiki Pelakane o Enelani, he 66 ka nui o na leo wahine (soparano), he 52 Aleto, 42 Tenora, ahe 38 leo kane (Basses), ahe 300 ke huipu me na poe hookani pila. He hapaha miliona na hoolilo o ka lakou huakai kaahele.