Ke Au Hou, Volume II, Number 15, 12 April 1911 — Kaao Hooniua Puuwai No KA-MIKI KA HI'APA'IOLE O KA POHU LA'I O KONA KAI OPUA—KE AIWAIWA NANA I HOOHOKA O LUANUU-A-NUU-POELE-KA-PO AME KA PUKU'I-AKUA O NA PALIKU'I EIWA O HEHA WAIPIO I KA NOE—A O KA OLALI NANA I LAWE A LILO NA LEHO KAULANA O KALOKUNU, O KA MAKANI KUEHU LEPO O PUAKO [ARTICLE]

Kaao Hooniua Puuwai No KA-MIKI KA HI'APA'IOLE O KA POHU LA'I O KONA KAI OPUA—KE AIWAIWA NANA I HOOHOKA O LUANUU-A-NUU-POELE-KA-PO AME KA PUKU'I-AKUA O NA PALIKU'I EIWA O HEHA WAIPIO I KA NOE—A O KA OLALI NANA I LAWE A LILO NA LEHO KAULANA O KALOKUNU, O KA MAKANI KUEHU LEPO O PUAKO

MAHELE EKOLU Ka Ai-Lolo ana o na Moopuna a Kauluhe-NUI-HIHI-KOLO-I-UKA—LAWALAWA-KUANA Al A KA LuA—UIUPAIA NA KUMU Lua Kaulana A iloko no oia ona o Ma-Ka'iole i ka awa, kahea mai la oia i ke kaikaina mailoko mai o ka halau alii o laua i ka luna o Aipapaa, a i kapaia hoi i keia wa o Aipapai, a eia ka hanehane a ua leo ala: "Wa ku'i ka pihe hanehane a ke kai la Kai koloa e nu nei i Awalau Ke hone ala i uka o Kalamaula I ka hale kaupoku ole a ka ohu A maua me kuu pokii haku E holoholo ai i na la kamalii He 'lii ka ua oiliili maka-uila He lei na ka manu i hoopunana I hoopumehana iluna o ka laau He laau lala ole o Kauilaokalani He koa oniu okaa paa aina He kilohana, he aiwaiwa Kulia i ke poo e ka moku O Hawaii Nui Akea la e, E Nana-i-ke-kihi-o-ka-malama O —ia, oia hoi, oia la, Kuu ia. ko ike apau e kuu piko, E Ka-Miki i ka ike o ke kupunawahine o kaua la." Lohe mai la no ke kaikaina, a oia ka wa i paha m&i ai: "Kulapa ka ua oni ke kai Kuehu ka makani oni ka laau Hihina lua i Moeawakea O ka la lealea o kuu makuakane O ka la auau wai o kuu makuahine 0 ke kawa a maua me kuu haku hinau muā

E lele poo ai i ka wai o ke uki Wai po-po i na kipoohiwi o ka malama O Kahueloku i ke kihi o Kaelo. u Owai hou ae ua koa o keia la kalae o ke awakea? I hoa lealea auau wafno'u nei lā no Ka-Miki. O ka wa mahana keia o ka wai e auau ai, oi kau ka la iluna, waiho aku auanei a ahiahi anuanu mai ka wai, a o ka hope oia he moe pu me ka lepo, kawa-u mai, a he meeau ka ma'i, he ma'i hoomalae i ikeia e ka lehulehu o na kahuna." Ia wa no i oili mai ai kekāhi kanaka ua paa kona ili i ke kikoia i ka uhi, paa ka lae, na papalina, ka ihu, na poohiwi> na lima, ke kino a hiki i ka puhaka ame na 010010 wawae me na kii mano, moo, puhi ame ka oka'i, a he ku i ka weliweli ke nana aku i keia kanaka. He kino nui lawakua maoli e hiki ai ke olelo mua ae, nana ke eo o ke kahua le'ale'a, e hiki ole ai ke kanalua iho na poe o ka aha hauoli e nana aku ana iaia: Lele mai la ua kanaka nei a ku iluna o ke kahua lealea ma kekahi kihi o ke kahua, a pane mai la: "Keu ke keiki koa o oe, a ua lohe aku nei au o Ka-Miki kou inoa. 'He wahi inoa kupanaha kou o ke kapaia ana, aole mauka, aole ma kai, aole i ka hookui ame ka halawai, aole i ka paa iluna ame ka paa ilalo. Nawai i kapa kena inoa ia oeV Pane mai la o Ka-Miki, "aole ia o ka hana o keia la o ka ninau i ka inoa, o ka lealea ka hana i akoakoa ai keia aha maanei, a ina he

makemake le'ale'a kou i pii mai la iluna o ke kahua, alaila, e hoao me Ka-Miki i ka mana-mana-iki o kuu kupunawahine o Kaulu-i-ke-kihi-o- ka- mala ma: "O Ka'alua ka la, Ka'uluakaua Ka'ulua ka makani Ka'ulua ke kai Ka'ulua ka ino Ka'ulua ka malie Ka'ulua ka Hoku e kau nei O Kauluhenuihihikolo-i-uka, O —ia, makaukau." Pane mai la ua kanaka nei, oia hoi o Ku-lepe-a-Puuko-i, he alii makani puahiohio, he kumu a'o ka-ka-laau, wala laau ame na ike a pau oia au kahiko i okikilo: "He keu hoi oe a kahi keiki kakaolelo a hoakamai, a ina o ko makemake ia, i nui ko ike ame ko akamai i pakele oe i kena la, o lilo oe i aiia pahee no kuu laau no Ho-aliku-a-kulepe.'* "Eia ka'u ninau ia oe, heaha ka hoike o ka lanakila e loaa ai i ka mea akamai, o ka pa anei a hina, eo?" "Aole; o ka pa a kulepeia mai ka lemu a hoea i ke poo, o ka pio o kaoe ahi, pau ka hana, oia ke eo." "Ua pono ia, aohe hoopaapaa ana, a ekali oe, oiai, ua makaukau oe e ku mai nei me kau pauku auhau nui, a e kahea ae au i kuu laau ia ''Olapa-kauila-i-ka-lani," aia la iuka ikanuu o ka moena o kuu kumu kaka-laau, o kona uluna no ia e moe ala." Kahea aku la keia i ke kaikuaana ona ia Ma-Ka'iole, e kii i ua laau nei a laua i uka i ke kupunawahine. "E ala e Kahueloku-i-ke-kihi-o-ka-malama E Kaelo elo ka malama E Kaelo elo ka la E Kaelo elo ka ua E Kaelo elo ke kai E Kaelo elo ka makani E Kaelo elo ka ino E Kaelo elo ka malie E Kaelo i ka maka o ka Hoku la, E ala oe. E kii i ka paepae kapu o kaua Ia hoali i ka maka o ke ahi la hoelo i ka maka o ka uwila

la hookaa-ku i ka maka o ke ao Ia hoaneane 1 ka maka o ka onohi Ia olapa-kahuila>o-ka>lani 0 lalapa-olapa-ka maka o ke akua He akua hanai he milimili He punahele na Kaulu-o-ka-malama 1 hoa le'ale'a hoopapa no ka i'a niii' la'u aku ia oe mai la e Pa-papae kaua i Kahakaeaea Ka aina i ka houpo a Kane He kane au he koa lala kamahele He aiwaiwa, he eueu, he hueu la No Hawaii nui akea la." Lohe mai la ke kaikuaana, o ke ala ae la no ia a ku iluna a kahea mai la i na kiai e hookaawale iki ae i ka puka, a ia oni iki ana no o na kiai, he lohe ana ka laua i ka hu o ka makani, a ia huli ana ae, aohe ua nalowale aku la. Ku ana keia ma ka puka o ka hale, a ia wa no i wala mai ai ke kupunawahine i ua laau nei iluna o Ma-Kaioie, a ia wa rjo i pa'i iho ai ua moopuna ala i ua laau nei a kapoo aku la iloko o ka lepo, a huea pu ia aku la ka ohia, ke kolea ameke kukui, o ke aa keia, huea pu ia aku la a mokaki ilalo, a kapaia ka inoa oia wahi o Kano-a a hiki i keia la, a ma kahi i ku ai ua laau la ua loaa he punāwai, a aia no kela punawai ke waiho la a hiki i keia la i uka o Kaukahoku i uka o Kohanaiki. iho la o Ma-Ka'iole i ua laau nei ia "Olapa-kahuila-o-ka-lani" a iho aku la i kai o Iwaawaa, elike me ka makani puahiohio ua keiki nei i oili mai ai me ua laau ala, aole no hoi i kana mai ka nui ame ka loa o ua laau nei, ua hele nohoi a hinu a noho ke aka iloko. O ka nui o keia laau, he hookahi apo a kapai ke anapuni, (oia hoi, he anana me iwileike ana poai,) a o ka loa, eono a muku. Nana aku la ka aha i ua laau nei, he mea liilii loa ia i ua keiki nei, ke hooniniu ia la i ka poho o ka lima elike me ka hu a kamalii, a oniu ia mai la ma ke poo. Pane inai la o Ka-Miki i ua hoa papa le'a* le'a nei ona, ia Kulepe-a-Puuko-i: "Auhea oe e ka hoa papa le'ale'a o ke awakea o keia la malie o ke kalae? I keia la, e ike ia ai na ike o kaua, a i keia la nohoi au e ailolo ai i ka hauna laau a kuu kupunawahine i a'o mai «i

i»'u a ma>kati, & i keia la nohoi au eku nei e ht>aa j ka laau a kuu kupunawahine ia Olapa1 ke koa lala-kamahele, ika niuhi ai-kepakepa o Kakaau-ki."" Pano tnai la o Kulepe-a-Puuko-i; * 4 hana a nui ko ike ame ko akamai, a i keia la nohoi au e a'o aku ai ia oe i ka hauna laau ia "Hoali-ku-a-Kulepe, ka inoa o kuu laau milimili, laau punahele! ku i ka moku, i mana i ke kanaka i ka puaa he'a a kuu akua a Kaneikapoiki, amekuu kumukaka-laau o Hu'eku-a-Kaniāihi. ' "Nui io no kena pumai'a, eia nae, na kē kaumaha no 0 ko laau e kula'i ia 6e, a he kaomi wale iho no ka Hoaliku-a-Kulepe, a o ko ma|te loa no ia e ke keiki hoonana o ka aa ana mai nei e hoikeike i ko wahi ike aohe i kaau ka loa 0 ke aho, he lawaia kamakoi no kahekaheka." Pane mai la o Ka-Miki: "Ē Kabpe a Puuko-i e, i hakalia i ke kamailio ia, ho ae na ikaika o kaua imua o ke kahua, ilaiia na ike o kaua e ikeia ai na aho lawaia a maopopo hoi na mea aholoa o kaua i ka luu, a malia paha he nui pumai'a wale no kena he uhauha wale, he ulu iki mai au no ka wekiu, he lou ka mea e loaa ai, a o ka ulu iki nana e kaa ke kahualoa, au i olelo mai nei he nui pumai'a kuu laau. "Mai manao oe e he hookahi b kaua halau 1 a'o ai e like ai na ike o kaua, a oia kou hawawa, inanao iho la oe i kena lala auhau haki wale i ka makani Kona, oia iho la ka laaii e hele mai ai o ke kahua lealea, aoe e kahe ka hou i ka 0-0 kohi paoo a kamalii, oia iho la ka laau o ke kahua paio e kohu ai ka lealea ana o ka Ia hoopapa ike, aoe e loaa ka ulu i ke aewa o ka lani he pokole ka lou, a ike i ka pokole o ka lou kii ika ulu o waho, ha'i ka lala oka ulu haule ilalo, laki ke haule a eha, he koe ke ola, o kk haule a pio ke ahi pau ka hana oia ka poino oi loa aku. "Ke ike mai la oe i ke kii ana o ka ulu, i ka honua no e ku ai a lou ae i ka hua, kii no a ka ulu i paki kepau, a oia ka mea i oleloia ai: "Ua hiki, he moe'na na ka laau loa, ka hoelo wela ole o ka maka," nolaila, i hakalia i ka olilo ia," a paha mai la ua eueu nei a kauai

''Hel« eVhfel« la» ka manea ' —- O ka moa lawakea : Ka ula-hiwa, ka uahi>a-pele > ' Ka ualehu a kuu kupunawahine, V. A Lani-nui-ku'i-a-mainao-loa " . "> ,s ■- # y ; > " *. * ; A KauluhenuihihikoloM-uka r; . Kolo ia i kai ī ka moana Kolo ia i uka i ke kuahiwi Lele ia iluna o ke aewa o Ica lani Keekeehia ilalo i ka honua a Papa, 0 ka moa ouo opuu Moa mahi kaa lepo 1 kaulia i ka uwahi ukiu Lalapa olapa a mamaka E Kahueloku 1 ke kihi o Kaelo e, " Nana ia ka laau a kaua." Ia pau ana no o keia paha ana a Ka-Miki, oia no ka manawa a Kulepe-a-Puuko-i i wala mai ai i ua laau nei ana ia Hoalik u-a- Kulepe, me ka manao iawala ana no e ipake loa ai ke keiki, oiai, ua manao oia, aole hiki ia Ka-Miki ke alo a lele no ka nui a kaumaha o kana laau wai-kaua. Aole no i lele o Ka-Miki, aole nohoi oia i alo, oiai, ua maopopo iaia e wala mai ana no o Kulepe i kana laau, a nolaila, ua hooholo koke oia e Ica i ka laau a Kulepe a pokopoko, i ike ai oia i ka ike, ke akamai ame ka ikaika o ua kumu a'o kaka-laau kaulana nei a na'lii ame na koa aiwaiwa oia mau la, a i pau hoi kana mau ai i ka loaa ia ianei, a maopopo hoi ka mea oi o laua ma keia hana. I ka oni ana no o ua o Kulepe nei, oia no ka wa a Ka-Miki i pahu iho ai i ka iaau ana ia Olapa-Kahuila-o-Kalani, a kapoo iloko oka lepo he eha anana kahi i komo, a kolili ae la ua laau npi, a i ka wa i wala mai ai o Kulepe i ka laau ana, ua pa pono mai la i ka laau a ke ksiki a pokopoko liilii iho la ua laau nei a Kulepe, no ka nui o ka ikaika oia wala ana mai nje ka manao e loaa pono ana o Ka-Miki a pau ka hana. Pa'i ae la o Ka-Miki i ka laau ana a hemo a oniu ae la me ka hookikakaha hele ana o ua eueu nei me he moa ala, me ka haa ana ma o a maanei o ke kahua mokomoko, a ua 010 ae la ka pih» a ka lahuUhu, B toomauta «1« «*•,