Ke Au Hou, Volume II, Number 12, 22 March 1911 — He Moolelo Walohia No Evalina Minela KA UI NOHEA I ALANA IA MAWAENA O NA ALOHA ELUA—KE ALOHA O KA IPO AME KE ALOHA O KA MAKUA—KA MANA O KE ALOHA [ARTICLE]

He Moolelo Walohia No Evalina Minela

KA UI NOHEA I ALANA IA MAWAENA O NA ALOHA ELUA—KE ALOHA O KA IPO AME KE ALOHA O KA MAKUA—KA MANA O KE ALOHA

i ka pau ana aku o na poe a pau, a koe kokoolua wale iho la no o laua wale no ua niuau mai la ke Kaunn de Birena i kana wahine: "Pehea iho la kou noonoo no keia hookipa i haawi ia e a'u no kou hanohauo e kuu aloha?" "Ma ko'u mt>nao o ka poe i hele inai nei 1 keia ahaaina kai hoohauoli nui ia," wahi a Evaliua Miuela i pane aku ai. "Pela io paha, aka, hookahi nae a'u mea e hoike aku ai ia oe, oia hoi, o kou ui ame kou nani i keia po, he mea ia na'u i mahalo nui loa ai. Ke hoomanao nei*au, aole paha owau wale kai komohia iloko o keia haawina, aka, o na poe no a pau loa i hoea mai nei i keia po, oiai ua lohe au i ko lakou kamailio ana nou. "Aole wale o kou ui ka iakou i haawi ai i na mahalo ana, aka, o kou kulana ulumahiehie maikai kekahi ma na hookaau olelo ana, nolaila, ke haawi aku nei au ia oe i ka'u mau mahalo kiekie ana." Me ka leo ano puanuanu oka hoihoi ole, pane aku la o Evalina me ke kuoo: "I thank you for the comphments. Ama ka'u hoomaopopo i keia manawa, eia kaua ke hele loa aku nei i ke kokoke ana i na hora o ke ao, pela au e mauao nei e hoi aku e hooluolu." Ua hoomaopopo mai la ke Kauna i keiapane ana aku o kana wahine me ka leo puanuanu o ka hoihoi ole, ua pii ae la kona inaina ia wa, ame ke ano hoomanawanui iloko oua, kamailio inai ia imua o Evalina: "Aole paha kena o na huaolelo kupono au e pane mai ai iinua o'u kau kane mahopp iho hoi o ko'u hooikaika ana ma na auo a pau e hana i na mea a. pau e hauoli ai oe elike nohoi me kau j ike iho la i kei» po,

"Manao au o ka hana maikai loa au e hana ai, oia kou hoike ana mai i kekahi wahi ano hoihoi iloko ou no keia mau hanohano a pau i loaa ia oe, ame na huaolelo oluolu hoi e haawi mai ai oe ia'u i kau mau hoomaikai ana." Me ke kulana hiehie a wiwo ole hoi, pane mai la o Evalina imua oke Kauna Birene: u O kela me keia wahine i mare i kekahi kaiie mamuii o kona makemake ponoi iho,a mlimulihoi o kona aloha ana iaia, he mea aie ua wahine la malalo o kana kane ma tia ano a pau. "Aka nae, o ko laua noho ana auanei, he nohona hookaa aie ia o-laua kekahi ame kekahi, no ka hoaie ana o ke kane i kona aloha i kana wahine, a pela hoi ka wahine i kana kane, 110 kona hoaie ana i kona aloha i kana kane. Nolaila, no'u nei la, aole loa au i aie ia oe, no kou aloha i lilo mai ia'u, nolaila, aohe au he uiea hookaa aie ia Kauna de Birene." "Pehea la kou manao, aole anei hoi mamuli 0 kou ae ana e mare mai oe ia'u, oia kou lilo ana 1 wahine na'u, a o ko kaua mare ia ana hoi, oia ka hookoia ana o keia aelike au i kakauinoa ai imua o kekahi mau hoike, a i hooiaio ia imua o kekahi notari oka lehuleliu. Ke lioomanao nei au, nau ponoi no i ae e niare niai oe ia'u, a pehea la, aole anei o'u walii kuleana i kou aloha me kau i hoike ano nui mai nei Me na onohi maka i uwila ia eka inaina ame ka huhu ua pane aku la o Evaliua imua o ke Kauna de Birene. "E hoomana oe, ona hoike au i olelo mai la, o lakou ka poe i ike i ko'u kakauinoa ana i kela palapala aelike o ka mare mawaena ou amo a'u, aole loa kela poe h»ike i ike i ka pahi oi lua i kauia mai nia kuu a-i. "K hfti uku au ia oe, i keia \va »ole lo» q'u *

makemake ia oe, aka, i hai maopopo aku au ia oe, he kanaka oe na'u i hoowahawaha loa ai. He keu oe a ke kanaka lapuwale loa ma ka honua nei a puni, he keu oe a ke kanaka hookamani lua ole, a he kanaka puuwai hohe wale lioi. a o ka īqoo e kolo ana ma ka lepo oia ka hoa like. "Ua hoowahawaha loa au ia oe mailoko lilo mai o ko'u puuwai, oiai, ua piha kou puuwai i na manao powa pepehi kanaka eleele loa o kela ame keia ano. Ua maopopo loa ia'u, aole oe he kanaka naau maemae, aka, ua piha'maoli no kou naau i ka lapuwale ame ka wahahee, a ke hoino loa nei au ia oe, oiai nau i heehaeha i ke ola ana o kuu makuahine aloha iloko o na makahiki he iwakulua a oi i hala ae nei. "I ka'u ike ana, ua hehi iho oe iaia me kou kaj>uai wawae maluna iho o kona umauina, a ua liana aku oe iaia i kekahi hana ku i ka pepehi kanaka, a oia iho la ke kumu i hoowahawaha loa ai au ia oe ma na ano a pau." Ua ku aku la o Evalina imua o ke Kauna de Birene me ka maka'u ole,. me ke kulana hopohopo ole iho, a wiwo. He ikaika ame ka haaheo maoli kona kulana ia wa, a me he mea la, lie anela kona kulana mai ka poiuiu mai o ka lewanuu. Aka, ua like ka makolukolu welenia o kana mau mapuna olelo i pane aku ai imua o kana kane, elike me ke oolea wikani o ka popo ahi Helene o Mekiko. Me he anapu ana la na ka uwila i na maka o ua Kauna de Birene nei no ka nui launa ole mai o kona inaina, i pane aku ai oia me ka leo nui kalakala o ka mea i hehena o na helehelena me ka aaki pu ana iho o kona mau ku'i; "E keia wahine, e pono oe e malama loa i ke ano o kau mea e kamailio nei ia'u, a e makaala loa oe ia oe iho." "Ke hai aku nei au ia oe," wahi a uaEvalina nei, "ua makaukau loa au no'u iho me ko'u lawe ole ana mai i kau mau olelo a'o, oiai, aole i kana mai ka nui o ko'u akaaka no kau mau olelo i hoopuka mai nei. Oiai no nae ua ike no au aole 110 oe i maopopo iki, i keia hora a'u e ku nei ma keia wahi, ua oi aku ko'u ikaika inamua o kou. "Ua maopopo no ia oe, eia oe ke hooweliweli mai nei ia'u, aka nae, ke ike mai la no oe, aole o'u pihoihoi, a heaha la ia mea i ko'u manao, pela oe e ike mai ai aole au he wahine i

hiki ke paani wale ia, elike me kekahi poe wahine e aku, a i ka'u hoomaopopo o ka'u mau olelo i hamale aku nei ia oe, ua hoike aku au me ka hookamani ole, me kela mau huaolelo oolea e kapa ana ia oe i ka hohe wale. "Me ka lana mau o kuu manao, he hiki loa ia'u ke paani ia oe, a e hoolilo i mea ole, ke makemake au e hana aku ia oe pela." No keia mau olelo a ua Evalina nei, aole i kana-mai ka huhu o ua Kauna de Birene nei no keia mau olelo oolea a kana wahine, ana hoi i manao mua ole ai pela ana oia e hana ia mai ai. Ike ia aku la ka pii ana ae o ka ula makona mau papalina, a holo aku la oia imua o Evalina me ka wiliwili ana aku i kona puupuu lima. Emi iki aku la i hope o Evalina me ka puliki ana ae o kona īnau lima ma kona umauma, a nana mai la oia i ke Kauna de Birene me na onohi maka wiwo ole, oiai hoi ka ui mahiehie e hooheno ana i kona mau helehelena, aia wa pane mai la oia: ''No keaha nohoi oe iku malie iho la? E ka'i mai nohoi oe ia'u. Owai kou mea nana oe i papa aku nei aole oe e pepehi mai ia'u? Ke makemake nei au e hana mai oe maluna o'u elike me ka makemake o kou puuwai omokoko e keia kanaka lapuwale nui wale. "Ua maopopo mua no ia'u ia mea, he makemake oe e pepehi mai ia'u, me ke ku'i ana mai me kou mau lima menemene ole, a no keaha hoi oe i hooko ole mai ai ia manao ou? "Ke kai aku nei au ia oe e ke kanaka hohe wale, aole loa e hiki ia oe ke hoopa mai i kou lima maluna ou, oiai ua ike no oe, i kou hana ana pela, ua hiki loa ia'u ke hoopii aku ia oe imua o ka aha hookolokolo e kaawale ai kaua, a ma ia ano auanei e haule pahu ai kou mau manaolana, e loaa ana he pomaikai nou mai a'u aku." I hai aku au ia oe, o kou waiwai, ame kou lianohano e noho nei i keia wa, aole ia o ke kahua o ko u mauna ana ia u iho i mea hoino ia e k° ke-ia kulanakauhale, aka, lie mea huua ia owau wale no kai ike. "A ke maopopo la no ia'u, o keia iho la ke kumu nui nana e kaohi nei ia oe mai ke kau ana mai o kou lima maluna iho o'u, me ka maopopo pu ia u o kau liana i hoolala ai, oia no keia, ua

eli mua oe i kekahi lua-meki no ka hoopoino ana i kekahi poe e ae, ina hoi ia he mea nou e pomaikai ai ." ''Ua kuhihewa loa oe," wahi a ua Eauna nei i pane aku ai me ke ano akakuu iki ana iho o kona uluku inaina ana, a {>ane hou mai la l ia, "aole loa o'u walii manao inaina iki nou, aka, no kou pono wale no i lioao ai au e hoike aku ia oe i kou.noho mana ana mai maiuna o'u, ma ke »no he kane au nau, aka nae, he niinamina nui ko'u . no ka nawaliwali haalele loa o kou mana , a pela aū i minainina ai ia oe." "Pololei io no kau e olelo mai nei, oiai ke ike nei no au, ua like loa no kou mamina ialu tne kou mamina i kuu makuahine," wahi a Evalina. 'V0 kau no ia," wahi a ua Kauna de Bireue la, "o ko makuahine, oia r o kau e kaiui ilio mai ai, mea iho no a mea ae no o ko inakuahine." "Auwe! Nowai la ka au e kamailio ai imua ou? Aole anei 110 kuu makuahine, ka mea au i hanaino ai, ka mea lioi au i hahao ai iloko o ka pilikia me ka naau eleele loa i mea no'u e inare ai ia oe." "Heaha no la hoi kou mea i hoole ole mai ai aole oe e mare mai ia'u?" wahi a ua Kauna la. "Pololei no kau i olelo mai la, ua hiki io no ia'u ke hoole, aole au e mare ia oe, aka, o kuu nana ae hoi a o kuu makuahine, o ko'u mea nana i luhi mai kuu mau la opiopio mai, nolaila aole e hiki ia'u ke hoole i ka mare ana ia oe. "Ua oi aku kuu aloha i ko'u makuahine mamua o kuu nana ia'u iho, pela au i manao e lilo i moepuu na kou manao eleele i pakele ai kuu luaui makuahine, ua ike no nae au, o kau i ake loa ai e mare ole aku au ia oe, i mea e ku ai o kau makaia maluna ona. "Ke maopopo nei no nae ia'u aole no oe i ike iki pehea la ka nui ame ka ikaika o ke aloha o • kuu makuahine e loku nei iloko o kuu puuwai." "0 ka'u mea wale no e hoomaopopo nei, oia keia, o oe ka'u wahine, ua mare ia oe e a'u, a e hana ana au elike me ka hiki ia'u i mea nou e hauoli ai." "No ka hauoli au e manao nei e haawi mai ia'u mamuli o kau mau hana e hana mai ai no'u nei, he mea ole loa ia ia'u nei, aka, owau nae hoi mea e hiki e haawi aku i mea nou e liauoli

ai, oia hoi, e loaa ana ia oe ma keia mare ana iho nei o'u ia oe he pomaikai. "Ua ike maopopo loa oe i ko'u kuleana waiwai iloko oka w;aiwai o kuu makuakane hanai, ka mea i haawi ia mai ia'u i kela ame keia makahiki me kekahi puu waiwai nui,au nae i manao ai, ke kaua, alaila, loaa ke kuleana ia oe e komo ai iloko o laila. "Aole au i mare ia oe no ia mea?" wahi a ke Kauna de Birene. "Ina hoi ha pela, alaila, i mare mai oe ia'u no ko ike ana e loaa mai ane ia'u he mau haneri tausani dala mahope iho o ka wa e make ai o kuu makuahino bapatema." . Elike me kekahi bipi i hoopuiwa ia no kona ike ana i kekahi welu ulaula, pela iho la ua Kauna la i puiwa ae ai, a ku malie iho la ia me ka pane leo ole, me ka hoomau ana mai no o ua Evalina nei i ke kamailio ana: "Oia ka'u e manao nei, aole paha oe i manao iki ua ike kahiko au i keia manao eleele *ou i ae oe e inare ia'u, a i hana ai hoi oe i ka hana hoomaka'uka'u a hooweliweli i kuu makuahine i mea no'u e mare ai ia oe. E hoomanao mai nae oe, o kela waiwai nui au e kuk» nei, oia kuu ikaika, ao ka pohaku paa naue ole e hiolo ole ai au ia oe." Me ka leo ano hoomalimali a malie hoi, ame ke akahai, pane aku la ua Kauna nei: "Ke nonoi aku nei au e hoolohe msi oe e Evalina, e hai aku ana au ia oe i ke kumu o kuu mare ana ia oe, he mea oiaio 110 kau i olelo mai la, o kela waiwai hooilina e loaa mai ana ia oe, oia io no ke kumu mua loa nana i kono mai iu'u e mare aku ia oe. "Aka nae, mahope mai nei, na lilo ia mau miliona dala e loaa mai ana ia oe i helu elua no na kumu oiaio iae ai au e mare ia oe, ao ke kumu nui loa a'u i ae ai e mare ia oe oia no ko'u ike ana aia iloko ou lie uhane maemae a hanohano loa a'u i ike ole ai mamua. E hoomauia aku ana.