Ke Au Hou, Volume II, Number 9, 1 March 1911 — He Moolelo Walohia No Evalina Minela KA UI NOHEA I ALANA IA MAWAENA O NA ALOHA ELUA—KE ALOHA O KA IPO AME KE ALOHA O KA MAKUA—KA MANA O KE ALOHA [ARTICLE]

He Moolelo Walohia No Evalina Minela

KA UI NOHEA I ALANA IA MAWAENA O NA ALOHA ELUA—KE ALOHA O KA IPO AME KE ALOHA O KA MAKUA—KA MANA O KE ALOHA

MOKUNAII E Kuu Makuahine, ua Ike Oe ua Aloha Au ia Oe, ka Puhaka Nana i Haakohi mai la'u e Ike i ko Keia Ao Mau Inea "He pololei no kau i olelo mai la, ua aloha au iaia no ka'u mea i aloha ai." "Ea, heaha keia ano o kau olelo e Evalina? Ua pupule ia paha oe? Alaila, heaha ke ano o kela olelo au i hoopuka mai nei, ua aloha oe iaia no ka mea au i aloha ai? Ua manao anei hoi oe, aia he noonoo iloko o'u no kou aloha anaia George Leone, a haalele oe iaia, aole hoi oe e mare me ia, alaila, i mea e manalo ai ia aloha hoomaewaewa ana pela oe e hana aku ai ia George. "Oia aloha au e hai mai nei ia'u, ua aloha aku oe i keia kanaka lapuwale? He keu oe a ke kaikamahine aloha ole ia'u ame kou makuakane, he keu nohoi kou aloha ole ia George Leone." I kela wa, ua huli iho la na maka o Evalina a nana iho la maluna o ka papahele, hoholo ae la he haikea pu ma kona mau papalina, alaila, pane hou aku la kona makuahine me ka leo oolea loa. "Aia hoi paha la! Ke hoike mai nei kou ano i ka mea okoa loa a kou noonoo a lunaikehala hoi e hana nei. Kaikamahine pupue. Ua maopopo no ia'u e hoopunipuni mai ana no ia'u i kou luaui makuāhine nei, ua maopopo no ia'u, aole ou aloha iki i keia Kauna de Birene, aole, aka, o George oia no kau i aloha ai." Ia wa ea ae la ke poo o Evalina iluna a pane mai la imua o kona makuahine me ka leo kuoo, ame ka helehelena e hai okoa mai ana no i kona manao paa, a puana mai la me ka malie. "E mama ke mau io nei no ko'u aloha no George, aole he mea nana e kaili aku ia mea mai kuu puuwai aku, aka, ke aloha nei au iaia me ke aloha ana o ke kaikuahine i ke kaikunane." Nana pono aku la ka makuahine maluna o ke

kaikamahine, me ka hakilo pono loa ana i ke ano, a i ka loihi iki ana aku, i emi mai ai ka wela ikiiki iloko o kona houpo e maalili, a e nalohia aku hoi ka uluku pioloke o kona noonoo mai a ia aku. Me ka leo oluolu a ku maoli no i ke aloha, i pane aku ai oia i kana elike no me ke ano o ka makuahine i makee io i kana leialoha he keiki. "E kuu lei, a e kuu aloha hoi, kuu luhi o kuu mau la opiopio, ke ike nei au me ka oiaio ame kuu hoohewahewa 61e, ua paa io no kou manao e maie aku i keia kanaka, nolaila, i ko'u manao e hana aku no oe elike me ka hiki i-a ce, a i kulike me kou makemake." A o ka wa koke no ia i helelei iho ai na waimaka o ua Barona wahine nei, ame ia kulana ona, i huli ae ai oia a haalele iho la i kana kaikamahine, aka, kahea mai la nae ua kaikamahine nei ana me ka hiolo ana iho o na waimaka ma kona mau papalina a pane mai la : "E mama!" me ka hopu pu ana mai i kona makuahine, me ke ake e noho aku. Aka nae, pane e aku la kona makuahine iaia: "Aole! aole e Evalina, e hookuu mai oe ia'u e hoi ae au e kaana no'u iho. Evalina, my dear daughter, aloha, aloha oe, me kuu puuwai apau he nui ko'u makee ana ia oe, aole e mare aku i ua kanaka la, aka, ua haule ia manaolana o'u." Me ia mau olelo hope i haalele iho ai oia i kana kaikamahine e noho hookahi, a hoi aku la no hoi ua makuahine ala ona e uwe hookahi iloko o kona keena mehameha. Puili ae la ua Evalina nei ikona maulimaelua mamua pono o kona alo, mahope iho okahala ana aku o kona makuahine, ame na waimaka e hiolo makawalu ana ma kona mau papalina» puana ae la oia: "O my dear mother, aole o'u nana ia'u iho' aka, no kuu aloha ia oe e kuu makuahine, pela au

i maewaewa ai i kuu kino, au nae i ike ole ai i ka mea huna oiaio iloko o kuu puuwai, o ke aloha ou e ka makua ka'u e lei nei mamua, a o ke aloha o ka'u mea i aloha ai, aia ia mahope o kuu kua e haawe nei me ka ehaeha nui, a no kela Kauna piha haakei he mau tausani mile kona mamao mai ia'u aku.. "No ia mea i paa ai kuu manao, e haawi aku i kuu kino i kela kanaka au ame kuu makuākane i hoihoi ole ai, aka, na'u nae hoi ia e auamo aku i na ehaeha apau oia noho ana aku. A no kuu Leone,ua aie nuiau iaia me ka uhane aloha oiaio oiai oia i kaawale ai maiia'u aku. "Ae, ua paa kuu manao e hoopakele ana au ia oe e kuu mama aloha mai na hapala wale ana mai a kela kanaka opu aloha ole, aka nae, o kuu aloha pau ole, ia oe no ia e kuu mea i haawi aku ai i kuu puuwai." A oiai ka Barona wahine i hoi aku ai i kona rumi, a noho iho Ia oia malaila no kekahi manawa pokole, a i ka maha ana ae o kona naau mokumokuahua no keia mau hana, i hele aku ai oia no ke keena heluhelu palapala o kana kane. I kona hoea ana aku ilaila, ninau koke mai la no kana kane: "Pehea mai la?" "Ka! ua kamailio mai la nohoi maua me ke kaikamahine, a ua oiaio no kau mau mea apau loa i hahai mai nei ia'u," wahi a ua Barona wahine la i pane aku ai me ke akakuu pu ana iho o konaleo kakana a oluolu malie. "Me kuu naau apau," wahi a ka Barona kane, "aole i apono iki kou uhane no keia mare elike ala nohoi me ke apono ole o ko'u uhane, aka, pehea la e hiki ai ia'u ke akeakea aku i ka makemake ponoi o ke kaikamahine? Aole e hiki ia kaua ke kue a akeakea aku i kona manao, he hana hoomahuahua wale aku no ia i ka pilikia maluna o ko Evalina noonoo. "Ea, e Madame, e kuu AdeJa aloha, ke hoino nei au i ka Ia i hehi mua loa ai keia kanaka i ka papahele o ko kauā hale nei," i puana ae ai ua Barona ala me ka leo inaina. "E kala kahiko no au i hai aku ai ia mea ia oe e papa, e lilo ana keia kanaka i mea e poino a e pilikia ai kaua, a eia io no kaua ke ike nei me ka maopopo loa ia mea." "Ae, ke hoomanao nei au i ka w- au i hai mai ai 'a mea i a 'u, me he la, e kala no i loaa ai ia oe ka hauli lele no keia poino mai keia kanaka mai, elike nohoi me keia poino i kau mai la maluna o ka kaua kaikamahine i keia wa, a ua lilo keia i mea hoehaeha mai ia'u. Aka, e Adela, manaoio no anei oe, ua aloha maoli o Evalina i kelKauna,

a oia ke kumu o kona makem?ike ana e mare iaia ikanenana?" "Pela mai nei kana olelo ia'u," wahi a ka Barona wahine. keu wale aku no oukou a ka wahine a ka poe kupaianaha nui wale! Heaha no la ke ano oka puuwai ona wahine? He kupanaha maoli no, a o kekahi kupanaha nohoi a'u e ike nei, oia ko kaua puanuahu iho ke kaawale aku ke kaika. mahine a kaua mai ko kaua mau alo aku. •'O ka'u e ike mau nei, he mea mau ka ikeia o ka noho hauoli ana o na makua o ka poe opio, a o ka poe paha hoi i hoomaopopo pono ia ko lakou mare ana, elike nohei me ka haawina i loaa ai ia kaua. Eia nae, ma ka wa i holo like ai ko kaua mau manao me ko Madame Lamebereta no ko Evalina mare aku ia Keoki, aka nae, ma kahi oka olino ana mai oia hauoli iloko o kaua, ua kanuia aku la ma ia makalua ke kaumaha, ka uluhua, ka hoowahawaha amē ka ukiuki, oia na mea e naholo nei iloko o ko'u waihona noonoo." Ia ahiahi no, ai ka paina ahiahi i hiki aku ai no ka papaaina ka makuakane §me ke kaikamahine, aole nae i hiki aku ka makuahine, a na kekahi kauwa i hai mai ia laua, aole e hiki mai ana o Madame Mareceli no ka paina ahiahi, oiai ua mai oia. Hai pu ia mai la nohoi, ua ki ia ka puka o kooa rumi a paa, a o ke kauoha nui, aole loa e aeia. kekahi mea e komo aku iloko. Aole nohoi oia 1 makemake no ke kii ana i kekahi kauka no ka hele ana mai e kokua iaia, I kekahi kakahiaka ana ae nae hoi, ua ala kakahiaka nui loa ae la o Evalina a hele aku la i ka lumi o kona makuahine, a pane akulamawaho me ka leo haalulu uwe: "E mama, may I eome in?" Wehe ia mai la ka puka, a ia wa oia i puliki aku ai ma ka a-i o kona makuahine, a ia wa e mau ana no ka nanaina uluwehiwehi o ka hauoli ame ke ohohia maluna o Evalina. "E Evalina, my belove one," wahi a kona makuahine i pane mai ai, "ua hoehaeha loa ia ko'u noonoo nou. Ua hopohopo loa au no keia hana au e hana nei, oiai, aole o'u manaoio iki no kau mea i hoike mai ai ia'u ma ka la inehinei, me he mea la, t apuln wale mai ana no oe 1 kou makuahine nei?"' mother, heaha hoi ko'u mea e hana aku ai ia hana hoomaewaewa ia oe? Aole anei ou ike mai ia'u i keia kakahiaka, ua piha loa ia au me hauoli e mama, ua olioli loa au oo kuu ike ana e mare ana au i ka iqea a'u i makemake *i,"

Ia auina la no hoouna aku la ka Barona he palapala i ke Kauna de Birene, a penei na olelo o ua palapala la: (Ka Leta) Monsieur de Birene, "Mahope o ke kamailio ana no kekahi wa loihi me ka'u kaikamahine, a ua hai pu aku au i kona makuahine no kou no- > noi ana mai i ko Evalina pulima noke kuahu o ka materemonio. Ua ae nohoi o Madame Mareceli, aohe mea i koe, ua holopono na mea apau. "Barona Mareceli.'' "A-ha! Eo oe e Madame de Mareceli ia'u. Lawe au a lilo ko kaikamahine, a mana ia oe e ume i ka waimaka, ka pono iho la i ko waha ukauka hoopaakiki," wahi a ua Kauna de Birene nei i pane hoonaaikola ae ai. Ia ahiahi no i hoea mai ai oia i ka hale o Evalina ma, a haawi mai la i na hoomaikai nui ana i na Barona, a oia ko lakou wa i kuka pu iho ai no ka wa e mare ai ame na makaukau e pono ai ka mare ana. . Ma kekahi la ae i ikeia aku ai na kanaka paahana he nui wale, e laa ke kamana, ka palaina puna, ke kanaka hoomaemae i na lako hale ame ko lakou mau puulu, ka poe pena hale, kapili pepa ame na poe hoonani maloko a mawaho o ko laua hale ponoi e ku ana ma ke alanui Rue de Ponetias. Ua maopopo loa no ia Kauna de Birene, mamuli o ka holopono ana iho la o na mea apau e pili ana i kona mare ana aku i ka ui nohea Evalina Minela, i loaa ai iaia ke kuleana maopopo e hiki ai iaia ke kipa mau aku i ko Evalina ma hale, oiai, ua noa iho la iaia ka hele ana aku i ka hale o kana wahine hoopalau i na wa āpau loa ana e makemake ai e kipa aku. Aka nae, ma ia wa hookahi no ke kono pu ia mai la no oia, e pono no aole oia e pinai mau aku, oiai, ke maopopo ala no iaia ke ano kakawau o na hookipa e loaa mai ana iaia mai ka Barona kane ame ka Barona wahine mai, a pela pu hoi me Eva lina kana wahine hoopalau, ka mea hoianaialoha loa ai. No ka Barona kane nae, ua ikeia aku ka hapanui o kona manawa ia mau la e noho mau ana no i ka hale, no ka pilikia i ka hoomaemue mau i na mea pili i kona kakela» a pela iho la i ike nui

ole ia aku ai ua Barona la e launa pu ana me ke Kauna. Eia nae, i nawa apau loa a ke Kauna e kipa aku ai i kahi o kana wahine hoopalau mahope mai o ka holo ana o ko laua mare, @ ikeia aku ana ko Evalina noho mau ana ma ka aoao o kana kane, a o ke Kauna de Diren'e hoi. A ua lilo nae ia hana maa mau a ua Evalina nei i mea okilo nui ia e kona makuahine, oia ka Barona wahine Mareceli, o keia hana ana e hakilo mau nei no ka imi ana no ia i na kumu i komo ai ka hoihoi o kana kaikamahine i keia kanaka ana i hoihoi ole ai, a o ka mea hoi imua o kona alo no ke noi ana. Elike nohoi me ka nui hooikaika anaokamakuahine e ike i nā keehina i oili mai ai na kipona o ke aloha a hekau iho maluna o kana kaikamahine, a e ake mau ana hoi e ike lea i na mea huna pohihihi a kana lei aloha e hana nei, pela iho la no hoi ke kaikamahine i makaala loa ai ma ka hunakele ana i ka hoike ana mai ma kona mau hiohiona. Mamuli o ka makee keiki i awaiauluia iloko o ka puuwai o ka Barona wahine, nolaila i kekahi wa, e puana wale ae ana no oia iaia wale iho no, "aole loa ana ka hoi au e ike ana i keia mea huna pohihihi a kuu kaikamahine e hunakele mai nei. Ua maopopo no ia'u, aole no ke aloha io o kuu kaikamahine i keia kanaka kona kumu i makemake ai e mare, aka nae, he kumu okoa no, a o ua kumu ala he mea pohihihi loa ia a kuu lei e huna loa mai nei, ana hoi i hoihoi ole ai ika hoopu-a wale ae ia hai; aka, nona, a iaia ponoi wale iho no. Pela no au i manaoio ai, a ke manaoio mau nei, no ua kumu hookahi ala no oia i aa ai e haawi aku i kona puuwai e molia i mohai puānuanu imua 0 keia kanaka lapuwale, a kona makuahine nae e hoihoi ole loa nei. Eia nae, ua lilo i mea hauoli nui no ka Barona kane, ka ike ana aku e mare aku ana kana kaikamahine i ke Kauna de Birene, 1 kekahi o na kanaka kulana koikoi i ike nui ia e ko Pansa mau pohai o na poe hanohano. Oiai keia manawa e liuliuia nei no keia hoohui mare aku, aole he ike iki ia aku o kekahi wahi ouli ano e ma na hiohiona o Evalina e hoike mai ana he hoowahawaha ko loko o kona puuwai no ua Kauna nei, a o ke kanaka hoi a kona makuahine i hoihoi ole loa ai. Ua like maoli keia kulana o kana k*ikamahine Hoko oia mau la, me kekahi ao eleele konouli e haakokohi ana mamua o ka oili ana mai o na alelo o ka ino, a pela iho la oia i hakoko wahine aku ai no ka pooo o kana lei aloha he kamalei i mailanl ia a nui,