Ke Au Hou, Volume II, Number 7, 15 February 1911 — Na Kuhinia o ke Kalana [ARTICLE]

Na Kuhinia o ke Kalana

Eia ke hoomaemaeia nei ka Paka Aala no ka heihei 26 mile mawaena o Kaoo ame King i keia Poakolu ae. I keia kakahiaka nui Poakolu ae e haulani pu ai o Ke Au Hou me na makamaka, no ka hauoli pu ana o ko makou mau keiki me na Ui holo pa-u. V\vese oe! Aole e loihi loa na la a loaa mai ka ogana hou oka halepule o Kaumakapili nona ka waiwaio o $2,500, aia na hooponopono ana ia J. W. Bergstrom o Honolulu nei. Ua hoohui ia ma ke apo o ka mare o Miss Emma Sasaki o alanui Auld me Mr. Joseph Kuni o Hilo mamua, ma ka Poaono i hala, ma ka luakini Katolika, e Rev. Stephen. Ua nui na hoaloha i launa pu ae. O na keiki puhi ohe i haalele ai ika Bana Hawaii, ua manaoia e hoi hou ae ana, i hakalia i na lunakiai ika hahao hou mai i nanahu. Hemo puka! Ua loaa mai ka lono no ka paa pio ana o Kenerala Casillas o na kipi ma Mexico ma ka po o ka la 13 nei, a e hookolokolo koke ia ana oia no ke kau ana aku i kekahi hoopai oolea. Ua hoike ae o Kauka Maekall o ke Kalana no ka nana ana i na bipi o Oahu nei i manaoia aia ma kahi o 2000 a oi, aonahipi ma'i e pau ana i ka pepehi ia. • Ke hoikeike mau ia nei ke kii o na wahine haole komo lole Pake i keia wa, he lole wawae nunui maoli no keia elike me ko Aiau ma, he mau lepe moa ko kekahi poe ma na poo, he mau eheu ame na puapua moa ko kekahi, a o ke kakala wale no koe a lele aku. Ma ka noho ana o ka halawai a ke Komite Kuwaena o ka aoao Repubalika, ua hooholoia na inoa mahope nei no ka Ahaolelo penei: Senatk —J. H. Wise, kakauolelo, Daniel S. K. Pahu ame S. K. Paulo, na hope; Kale Clark, makai, John U. losepa, malama hale, S. K. Mailoi elele. No Oahu lakou a pau. Hale—E. Woodward, kakauolelo; L.K.Evans,hope; no Oahu laua, Willie Chillingworth, kakaupokole, no Maui, Harry Kahale, makai; Oahu, J. W. Pakiko, malama hale, Hawaii, John A. Nohle, elele, Kauai. No ke kahunapule, ua manaoia o Abraham Fernandez o ka Ekalesia o na La Hope. Aole i maopopo ke kohoia i mahele-olelo.

Mai poina.e na hoa i ka "Look see" ana ae i ka hoikeike ana Dia, $1.50, Free show. Kupanaha no paha o Likana Eliwai. Mai ke kulana Elele Lahui mai a hiki i ke kulana Luna •"Alanui, aole no nae e loaa ana. Minamina o Ke Au Hou ia oe, no ka loaa ole o ke kulana au e alualu nei. He 4 keiki himeni i makemakeia ame eluakaikamahine no ka lawe hoikeike ana i Auseteralia kela aina puu one alualua. He $17 oka pule, ia oe no ka ai ame ka holoi o kou lole, ia lakou na wahi opeope e moe ai. Oke alakai himeui ka mea uku pii. Lahaina, Feb. 10 —He nui ka ua ame kani o nei, ha'iha'iia na kumu kiawe a unuia e ka wāi kahe a paa na alanui, aole hiki o ka otomobile 0 Tony Garcia me na poe makaikai ke au iloko o ka wai no 2 hora aoio ke kali ana. Ua halanaia e ka wai na wahi papu a haalu no 4 kap. Kuwale ka hale wili aole hiki ke hana. Ikaika ka makani aole nae i nui ka poino i hanaia i na mala ko. Ma ka Mauna Kea o ka Poalua nei i hala aku ai no Hawaii o Beno o ka Hui Keaka Amerika no ka hoikeike ana, a e hala loa aku ana oia oo Kilauea e makaikai ai. O Beno kā mea iaa hele ma ka uwēa alualu maluna o ka Luapele/ ma ka La Hoalohaloha (Thanksgiving Day) ae nei» Aole 01 nei makau i ka mahana o ka la ame ke amu ae oke ahi malalo. Ma kahi wela loa oke ahi oia e hele ai i ike i ka hula Pele.