Ke Au Hou, Volume II, Number 7, 15 February 1911 — HUIPU KA WAHINE AME NA KANE MA KA POWA ANA [ARTICLE]

HUIPU KA WAHINE AME NA KANE MA KA POWA ANA

Seattle, Was. Ian. 28—Ua hopuia i keia la o Haroll Bar nona na makahiki he 22 ame May Richard, ka wahine a Bar, ame H. H. Caroll ke kaikunane o Mrs. Bar, mamuli o ko lakou powa ana ia John C. Robey ka lunahooliana nui o kekahi banako waiwai o Seattle, nona na makahiki he 45. Ua olelo ae o Robey, ua koi ia oia e kekahi \yahine no ke komo ana iloko o kekahi rumi, a iaia malaila, ua pani ia na puka a paa, a oia ka wa i laweia rnai ai he 2 mau kane ma ke ano kane ame ke kaikunane, a na laua i noke i ka pepehi iaia me ke koi ana e kakau i kekalii bjla kikoo dala no 1000, aka, ua hooleia, a ua kakau oia he $250, oiai, aohe nui dala. Ma ka wa i pau ai, ua holo keia poe me ke pani ana i ka puka a paa, oia ka wa i kakau ai oia he pepa a hoolei ma ka puka-aniani no ke kahea ana i makai. Ua loaa keia pepa i kahi mea i ike i kona haule ana mai, a nana i haawi i ka makai, a eia na olelo: "E kahea i makai, ua hoopaapio ia au ma ka rumi 431.'* Ua wawahi ia ka puka e ka makai, a maliope o ka hoopakele ia ana, ua hopuia he *3 poe iloko o ua hotele ala i hoikeia ae nei no ka powa.

Ua lioike akea ae o Mrs. Augusta Stetson o Nu Ioka, he hoahana» no ka Ekalesia Karistiano Naauao, ua manaoio loa oia e hoala hou ia mai ana o Mary Baker Edd>- mai ka lua pao mai ma o ka hoi hou ana ma\ o kona uliane iloko o ke kino. O ka mauaoio ia oia aoao hoomana.