Ke Au Hou, Volume II, Number 6, 8 February 1911 — He Moolelo no ke Ahi o Enelani Sa Naita Odisa KA METALA DALA O KE KE'A HEMOLELE-KE KAE'AE'A O KE KAHUA MOKOMOKO O ASABE-KA MEA I KAPAIA KA ILIO HANU MEHEU POHIHIHI, A I OLE, O KA NAITA HELE-ULUULU [ARTICLE]

He Moolelo no ke Ahi o Enelani Sa Naita Odisa KA METALA DALA O KE KE'A HEMOLELE-KE KAE'AE'A O KE KAHUA MOKOMOKO O ASABE-KA MEA I KAPAIA KA ILIO HANU MEHEU POHIHIHI, A I OLE, O KA NAITA HELE-ULUULU

"Ua maopopo aku nei no au i ka bu ana aku nei o ka ihe i pahu ia aku nei ia Hone, a uamaopopo loa no ia'u elike nc\e ke akaka o ka la kalae i ke ku kanono i ka manao ukiuki maoli no o Cederica i kuu hoaloha ilio. "Oiai i kona wa i pahu aku nei i ka pua, a i ke ku ana aku nei i ka lepo, ua ike pono aku nei no au i ka haalulu o ka honua, ame ke kapalulu pu o ka elau o kana ihe, a i ko'u manao, ina i komo aku nei iloko o ka iwiaoao o Hone, he mea maopopo e kakia paa loa ia ana o Hone iloko o ka honua elike me ke kukulu ia ana o ke kia pohaku mabala. "Nolaila, ke lioohiki paa loa nei au, a e lohe pu me ka lani i ua hoohiki ua haalele aku au iaia, a ma o Sana Anetonia la, ke hoohiki paa nei au e haalele loa iaia," a mahope iho o kona hoopuka ana ae i keia mau huaolelo, noho hakanu iho la ua Guruta la. A ke hoomaopopo la ua Wamaha nei, ua paa loa ka manao o Guruta, aole oia e hoi hou iki ana e hana me ua Cederica nei, a aole nohoi he hana e hiki ai i ua Wamaba nei ke hoowalewale hou aku iaia, a o kona manao ana e hoowalewale aku ia Guruta, he hana pohihihi loa ia, elike ke akaka me ka hiki no ke ike iho, aole e hiki i ka poka pu panapana ke puka ma kekahi aoao o ka papaa haokila manoanoa. Me mau ano apau loa a Guruta e ike nei, a i hana ia mai hoi iaia, ua noho hamau loa iho la no oia me ka puai leo ole, elike me ke kuli i maopopo pono ole i ke ano e olelo ia aku ana iaia. Nolaila, me ano e hakilo pono loa mai nei o Wamaba, a ke maopopo la iaia, aole he wa e laka hou ai o Guruta. Oiai o Cederica ma e hoi la mamua o ka huakai laua me Atelana, e hoohali kamailio ana

laua ma ka wehe ia ana o ka laua mau kukai olelo e ke Sakona Cederica, ma na mea e pili ana i ke aupuni, ke kulana oka ohana Moi, ame ke kue mawaena o na lahui Noiemana ame na Sakona. E kukakuka pu ana laua me ka ui aku mai i na alahele kupono e hoopau ia ae ai a lu ia na haawe koikoi e hekau mau nei iluna o ko lakou mau hokua i na la o ko lakou ku ana he lahui, pela iho Ia laua e kuka pu nei. A iloko o kekahi oia mau kumu a laua e noonoo ana i oili mai ai mai ia Cederica niai kekahi oia mau kuiuu me ka pane ana mai: "He lehulehu na wa i hala ae nei, i kono ia mai ai au e ko'u mau manao ponoi, e hoolei aku i ka'u mau noonoo ana no na pono pili paa o ko kakou lahui i kailiku ia aku e keia poe Noremana pakaha. "Iwaena o kekahi oia mau kumu a'u i noonoo ai, ua hooholo iho au, oia maoli no ka hana kupono loa a'u i manao ai, aia nae hoi ka holopono a lokahi ae kaua no ia mea, a e pono nohoi oe e hoolohe mai i ko'u manao, a oia keia. "Ua manao au me ko'u noonoo nui iana, o ke alahele wale no e hoopau ia ai o keia noho kaniuhu ana o ko kaua lahui a o kakou pu nohoi, o ka hoala ae i kaua Kivila, aka nae, oia hana, aia wale no ka holopono a lokahi kakou a pau loa ma ia alanui, a ke lokahi ole, ua maopopo nohoi ia oe ia hopena,' a hooki iho la ua Ce<ferica nei i kana olelo ana x i ka pau pono ole. "Heaha aku ia hopena?" wahi a Atelana, me ke ake pu oua Atelana la e hoopau pono aku o Cederica i kana kamailio ana, eia nae okipu iho la oia i kana kamailio ana. "Ea! Heaha aku ia hopena?" i hoomau aku ai no ua Atelana nei i kana kamailio ana aku m* ka ninau ana aku ia Cederica: "Ua maopopo no ia Atelana ka hopena a Cederica e noonoo la, ak^,

ke ike la nae oia, aia he noonoo okoa iloko ona no kekahi mea, a o ka Atelana e nianao la, ua hopohopo paha o Cederiea no kekahi mea ana i manao nui ai, a heaha la ia mea. Pela iho la oia i ake nui ai e ike ponc( i ke kumu nui o ka hopohopo ana o ♦ ua Hakona la, aka, aole nae he puai leo mai o ua Cederica la, ua noho malie loa iho la oia, ua palua a pakolu ka Atelana ninau ana akahi no o Cederica a pane mai ia Atelana. "Auwe! Aole no ka oe i ike a hoomaopopo; ina aole e holopono ua hana kukulu kaua Kivila la, alaila, ua akaka loa, o ke poo nana i hookunui ua hana la ka uku panai no ia hana, a pela au i noonoo nui iho ai me ke akahele, oiai, aia wale no ka holopono oia apana hana iloko o ka lokahi. "0 ke kumu nui o ko'u noonoo nui ana no keia kumuhana," wahi no a ua Cederica nei e hoomau nei i ke kamailio ana, "i hoihoi hou ia mai ai ke kuokoa o ko kaua lahui, oia ka mea nui a ko'u puuwai e hoōmomoa nei, a pela pu au i manao nui ai, no ka pomaikai o ka kakou mau pua aku. "Nolaila, me keia mau manao, pela au i lumilumi ia ai e na wiliau o ko'u mau manao ponoi, e hoolilo i ka hapanui o Jio'u manawa ma ia mahele o ka manawa, e noonoo pono me ke akahele i mea e holopono ai ia hana. "A i mea e hololea ai ia manao o'u, ua noonoo iho au e hui a e kuka pu me ka maikai me ko'u mau hoaloha, a o oe kekahi oia poe a'u i manao nui ai e hui pu, oiai aia maluna ou kekahi apana hana koikoi e holopono ai o keia kumuhana ano nui, a i ka pau ana o ka kakou hui kuka ana, alaila, e hui pu ai me na inakaainana, a i ka holopono ana, e koho ia ai i poo no ke aupuni a i alakai hoi no ka lahui. "E hoomanao iho oe e Atelana, o ua poo a alakai la o ka lahui, he Moi no ia, a o ua Moi la, e ili aku ia i ke koko Sakona oiaio, a e hoolaha ia hoi i ke akea kona pii ana ae ma ua kulana la, a e paa ia hoi ua kulana la me ka mana nui i hoolako pono ia i ka ikaika e hiki ai ke kue mau aku i ka enemi, aine ka poe e hoao mai ana e kaili ku i ua mana Moi la. "A i ka wa e hoolohe ia ai, e ike ai ka lehulehu, o ka mea i pii'ae ia kulana, he koko alii kiekie oia, u i kupono i ka nolioalii o na lalani

Moi Sakona, oia no o Alelana o Conigabora, oiai i ka Cederica noonoo ana ua kupono niaoli io 110 oia k'ē lilo i Moi. Hemea oiaio no nae ia, lie koko alii kiekie maoli 110 ko Atelana, aka, oka pilikia wale no, aole he naau talena kupono nona e lilo ai i alaki. 1 maikai no ka lahui ina o koiia lilo iō a pii aku iiia koia anuu kiēkie oka nolio poo ana aku maluna o Sekotia, a me ia mau ano i liooktmanaia niai ai na manao o ua Sakona la no keia inau mea ana e lia nei. Aka nae, lie kanaka koa maoli no o Atelana 0 Conigabora, he wiwo ole, he ike a makaukau 1 na loina ame na ano o ka oihana kaua apau, a ua awili puia ia mau kulana ona me ka aa m imua o na poe naauao a pau i oi ae mamua ona. He kanaka o Atelana i hoonaauao maikai ia, a ua ike nui ia oia e kona lahui, mai kela pe'a a keia pe'a o ka aina, he kanaka i ike ia kona kulana hoopono, a he kanaka hoi i komo aku iloko o na kahua kaua haliana, a koko alii kiekie hoi iloko ona. Elike me kona ano kulana koko alii iloko ona, pela iho la o Cederica i manao ai he mea pono maoli no i ua Atelana la e pii ae ma ia kulana o ka noho Moi ana, oiai he koko alii oiaio oia, a he kanaka makaukau ma ka hookele ana i ke aupuni. He kanaka kamaaina oia i na oihana kaua, a ua hiki iaia ke hooponopono i ke aupuni me ka holomua, he wiwo ole, he kanaka koa, he kanaka emi hope ole o ka manao, he kanaka hoi i hanau ia mai e na alii koikoi o ka aina. Me ia mau ano, ua hoomanao ae ua Cederica ala, ina e pii ae ana o Atelana ma ia kulana o ka noho Moi ana, alaila, he pono maoli i kana hanai, oia lioi ka Lede Eowena, e mare aku i kekalii o na koko alii oiaio, a kanaka koikoi hoi o ka aina mamua o koiia mare ana aku i kekalii mea e aku. Oiai ua Cederica nei me ia maiiao, ua ulu liou mai la na hoomanao iloko ona, oiai, lie hana paakiki loa nana ke koi ana aku i ka manao 0 ua Tjede Kowena la no ka ae ana mai e rnare me kana mea i makemake ai, oiai ua lilo aku kona manao i ka mea okoa aku, ka mea hoi ana 1 hoihoi ole ai.

Ake hakilo aku ma kekahi, he kanaka maikai oia i haawi ia aku ina mahalo ana, e laa ka "waipahe, lokomaikai, a he piha hookipa ame ka oluolu, a ua m&nao ia no oia o kekahi poe he alii manao maikai no oia, a no keia mau nune i loaa i kona lahui no kona pii aku ma ia kulana. Me ia mau ano i, hui ai na poe koikoi o kona lahui a kuka me ka maluhia e hoohui aku iaia me ka Lede liowena, a i ka nana aku, ua kupono maoli no laua ke hoohui ia, a pii ma ia kulana, a oiai nohoi, he kamaalii nohoi oia ua hoomanao mau ia e kela ame keia puuwai ma o kona kupunakane la o Alafereda ka Nui, ka makuakane o na kamaalii he lehulehu. O keia Alafereda ka Nui nana i hoolue mai na kanaka kaulana loa i ke akamai, ke koa, ka lokomaikai, a pela iho la i hoomanao mau ia ai kona inoa e na makaainana oiaio a pau loa o Enelani, a pela iho la i hoopoina ole ia ai e na hanauna he lehulehu. A me ia mau ano a pau i hoomanao mau ai o Cederica ua kupono maoli no oia (Atelana) ma ke kulana i Moi, a o kana i ake loa ai, ina e pii aku ana o Atelana iluna oia kulana, alaila, o ua Cederica no auanei ke kolu o na poo o ke aupuni, ke hoohuiia ua mau alii la ma ka berita maemae o ka mare. E hoomanao pu ana ndlfOi ua Cederica nei, aole he alii hou aku iloko o Sekotia i oi aku o ke koikoi o kona koko mamua o ko Atelana koko, *koe wale aku no ka pili o kana hanai ame Atelana, a pela no i paa ai kona manao, ua kupono maoli no laua a elua ke hoohui pu ia ma ka mare. Hoomanao pu mai la nae oia, o ka mea wale iho no nana i keakea mai i ka holopono ana o keia noonoo ona, oia no o Wilifereda Odisa kana keiki, a oiai nohoi ua hoomaopopo no oia, ua oi loa aku no ka pipili paa o ko Kowena manao nona, a iaa ia ano i hoihoi ole ai oia ke noho pu kana keiki me ia, o lilo ia i mea e hoopahuaia ai o kana papa hoonee hana. Ua manao mau no ua Cederica nei ina e kaawale aku ana o Odisa mai kona alo aku, malia o lilo ia i mea e emi mai ai o na manao koii o ua Rowena nei i na hoomanao ana ae no Odisa, a he mea ia e hooko ia ai o kona mau lia ana, no ka hoohui ana ae i ua mau kamaalii ala, a polena iho i hookahi no ka makaukau e pii aku i ke kulana ana e lia nei. * - :

Eia nae, he kuhihewa oui loa ia o ua Cederica nei, oiai elike me ka loihi o ko Odisa kaawale ana mai kona alo aku, pela ka nui o ka oili • ana mai o na hoomanao ana o ua liede Kowena la no ka Naita Wilifereda Odisa. Mamuli oka hoonaauao maikai ia ana o ka Lede Howena, pela i akaka loa ai iaia na mea a pau loa e pili ana i ka mare, ka noho ana, a pela i hohonu ai kona ike i ke ano kulanalana o ka hooponopono aupuni ana. : ' , . Pela pu i maopopo ai iaia, oka hoonui ia ana o na puuwai .me ka lokahi ole o na manao, he kumakaia maopopo loa ana aku ia i ka laahia o ka berita o ka noho mare ana, a pela auanei e haulehia aku ai iloko oka poino o keia neho honua ana, a e loaa ai ona kupikipikio pono ole. Oiai no nae e koi hoomano ana no ua Cederica nei me ka hoohu'a ana i kana hanai, ua hai maopopo mai la oia ia Cederica, aole ona makemake iki e hoohui ia oia ma ka berita o ka mare me kekahi mea i lokahi ole p kona manao me kana mea i makemake ai. Aka nae, me ia lohe pono mai no oua Oederica nei ia mau olelo a kana hanai, ua hoomano aku la no oia i ka hookomo ana i na olelo e komo ai iloko o ka Lede Eowena ka manao e ae mai ai no ka mare ana aku ia Atelana, oiai oia e hoopii mau aku ana ina e mare ana oia, alaila, he mea maopopo loa e lilo aku ana oia i Moiwahine no kona lahui. Ua lilo i mea ole ia mau ano olelo a pau loa imua o ua Lede Rowena la, a o na olelo a Gederica e kamailio mai ai iaia, ua lilo loa lakou i mau mea hoolohe ole ia aku, a pela iho la i haule pahu iho ai ko ua Cederica nei mau manao onou aku i kana hanai no ka mare ana. No keia mau koi hoomano loa o ua Cederica nei e mare ia oia me Atelana, pela i hoole mai ai ua Lede Rowena ala me ka hai maopopo ana mai. "Ke hōohiki aku nei au ia oe e kuu kahuhanai, aole loa au e mare iki me kekahi mea okoa aku mawaho aku o Wilifereda Odisa, ka mea a kuu puuwai i aie nui ai, aole na o'u manao nui no ko'u lilo aku i Moiwahine, aka, ke ake mau nei au e loaa ia'u na keehina oka noho oluolu ana, oiai na la a pau loa o ko'u noho honua ana. (2? hoomauiaaku ana.)