Ke Au Hou, Volume II, Number 4, 25 January 1911 — HELE ULUULU KA WAI O NA PALI [ARTICLE]
HELE ULUULU KA WAI O NA PALI
1 ka pule i hala i halana ae ai kekahi wai kahe niii ma Kapaa, Kailua, Koōlaupoko, i ike ole ia mamua no 10 a oi makahiki, ua ka'ika'i ia mai e ka wai ka bipi ola no kekahi wahi loihi me ka poino ole a ili iluna o na puu lepo, a o ka lepo, ka opala ame na pauku laau a piha na loi laiki kanu hou ana Pake. "Pilikia no, kela wai kolohe kela laiki, nui loa poho," wahi a na Pake, me ka olelo mai ia John Kalaukoa e lele iloko o ka wai e kokua ai i ke pale ana i ka opala lepo i hookahi ka lilo pu ana i ka wai a poino aku, aohe nae ae o Keōni. "Aole hiki, oukou poho kela laiki, mahope au poho kela ola, lilo kela wai."
O kekahi hana nui a na lunakiai e manao nei e waiho aku i ka ahaolelo, oia ka hooponopono hou ana i na palena o ke Kulanakauhale ame na mokuna.