Ke Au Hou, Volume II, Number 4, 25 Ianuali 1911 — LOAA I KA MA'I BAIBALA [ARTICLE]
LOAA I KA MA'I BAIBALA
Ma ka auinala Poaha nei, ua ulu ae la he paio mawaena o John Mahuka ame Joe Morris no ka bapetizo ana ina keiki liilii. He Bihopa Enelani ka ekalesia o kahi, a he La Hope hoonohonoho hou ia kahi. Oka ninau—"Ua papaia anei ma ka Baibala ka bapetizo ana ina keiki liilii?" oka elua —"Ua kauohaia anei ma ka Baibala ka bapetizo ana ina keiki liilii?" No ka nunui pono ole o na leo me ka wili o na puupuu lima, ua manao loa ka lehulehu he mau mea hakaka, a puhee aku la malaila a piha pu ke alanui. Ena hoaloha, e kamailio me ka uhane akahai, pela e loaa ai ka manaoio ika poe hoolohe aku. Aole ka uhane kalakala.
Ma ka hoike a Lemon, he 14 make i ka ma'i "hokii" no Dekemaba, a no 16 la o lanurai, he 11 "hokii" a he 2 taifoda fiva.